Vivo Y18t – Y18i: ప్రముఖ స్మార్ట్ఫోన్ బ్రాండ్ వివోకి మార్కెట్లో క్రేజ్ మామూలుగా లేదు. వివో కంపెనీ నుంచి కొత్త ఫోన్ రిలీజ్ అవుతుందంటే చాలు ఫోన్ ప్రియులు ఎగబడి కొనేందుకు ముందుంటారు. అంతటి క్రేజ్ ఉంది మరి ఈ కంపెనీ ఫోన్లకు. అందువల్లనే వివో కూడా ఫోన్ ప్రియుల టేస్ట్కు తగ్గట్టుగా అదిరిపోయే ఫీచర్లు, కెమెరా సెన్సార్లతో బడ్జెట్ ధరలో కొత్త కొత్త ఫోన్లను రిలీజ్ చేస్తూ ఆకట్టుకుంటోంది. ఇప్పటికే చాలా ఫోన్లు రిలీజ్ చేసి మార్కెట్లో హవా కొనసాగిస్తోంది.
ముఖ్యంగా వివో ఫోన్ అంటే కెమెరా కోసమే కొనుక్కోవాలని అంతా భావిస్తుంటారు. అలాంటి క్వాలిటీ గల సెన్సార్లతో కంపెనీ మార్కెట్లోకి తీసుకొస్తుంది. ఇదిలా ఉంటే Vivo త్వరలో మరో రెండు కొత్త సరసమైన స్మార్ట్ఫోన్లను పరిచయం చేయడానికి సన్నాహాలు చేస్తున్నట్లు తెలుస్తోంది. అవి Y18t, Y18i పేర్లతో రిలీజ్ చేసే అవకాశం ఉన్నట్లు కనిపిస్తోంది. ఈ రెండు స్మార్ట్ఫోన్లకు సంబంధించి గత కొంతకాలంగా కొన్ని లీక్లు సోషల్ మీడియాలో బాగా వైరల్ అవుతున్నాయి. ఈ రెండు స్మార్ట్ఫోన్లు ఇటీవల IMEI డేటాబేస్లో గుర్తించబడ్డాయి. అయితే ఇప్పుడు ఆ రెండు ఫోన్లలో Vivo Y18iకి సంబంధించి మరికొన్ని లీక్లు బయటకొచ్చాయి. ఇప్పుడు వాటి గురించి వివరంగా తెలుసుకుందాం.
Also Read: ఫోన్ల పండగ.. వివో నుంచి 5G ఫోన్లు.. ఈసారి మతిపోగొట్టారు!
Mysmartprice Vivo Y18i స్మార్ట్ఫోన్ను Geekbench, BIS, TUV రైన్ల్యాండ్ సర్టిఫికేషన్ ప్లాట్ఫారమ్ల వెబ్సైట్లో ఒకేసారి లిస్ట్ చేసింది. ఈ లిస్టింగ్లో కొన్ని కీలక స్పెసిఫికేషన్లు కూడా వెల్లడయ్యాయి. Y18i స్మార్ట్ఫోన్ అన్ని ప్లాట్ఫారమ్లలో మోడల్ నంబర్ V2414తో లిస్ట్ చేయబడింది. Geekbenchలో లిస్ట్ అయిన స్పెసిఫికేషన్ల ప్రకారం.. ఈ స్మార్ట్ఫోన్ 1.8GHz ఆక్టా-కోర్ ప్రాసెసర్తో లిస్ట్ చేసింది. దీని ప్రకారం చూస్తే ఇది Unisoc T612 ప్రాసెసర్గా వచ్చే అవకాశం ఉందని తెలుస్తోంది.
అంతేకాకుండా ఇది 4GB RAM తో టెస్ట్ చేయబడింది. అయినప్పటికీ ఈ ఫోన్ లాంచ్ సమయంలో ఎక్కువ RAM, అధిక స్టోరేజ్ కాన్ఫిగరేషన్లను కలిగి ఉంటుందని టెక్ నిపుణులు భావిస్తున్నారు. ఈ Geekbench ప్లాట్ఫారమ్లో సింగిల్-కోర్, మల్టీ-కోర్ టెస్ట్లలో ఈ స్మార్ట్ఫోన్ వరుసగా 419, 1,461 పాయింట్లను స్కోర్ చేసింది. ఇదిలా ఉంటే BIS, TUV, EE ప్లాట్ఫార్మ్లు మాత్రం Vivo Y18i గురించి ఎలాంటి సమాచారాన్ని అందించలేదు. ఇక ఈ స్పెసిఫికేషన్ల బట్టి ఇది బడ్జెట్ స్మార్ట్ఫోన్గా అంచనా వేయబడింది. ప్రస్తుతం కంపెనీ Vivo Y18i అలాగే Vivo Y18t గురించి ఎలాంటి అధికారిక సమాచారాన్ని వెల్లడించలేదు. అయితే రానున్న రోజుల్లో వీటి గురించి మరిన్ని విషయాలు వెల్లడయ్యే అవకాశం ఉంది.
Share
SpiceJet staffer arrested: జైపూర్ ఎయిర్పోర్టు.. సీఐఎస్ఎఫ్ జవాన్ చెంప ఛెళ్లుమనిపించిన స్పైస్ జెట్ ఉద్యోగి..
National:పార్లమెంట్ లో ప్రతిధ్వనిస్తున్న రాహుల్ రింగ్‘టోన్’
