Vivo X500 Pro: స్మార్ట్ఫోన్ మార్కెట్లో వివో కొత్త ఫ్లాగ్షిప్ సిరీస్ ‘వివో X500’ గురించి జోరుగా చర్చ సాగుతోంది. ఈ సిరీస్ డిస్ప్లే, బ్యాటరీ, కెమెరా ఫీచర్లకు సంబంధించి ఇప్పటికే పలు లీకులు వచ్చాయి. తాజాగా ఈ సిరీస్లోని ‘వివో X500 ప్రో’ మోడల్ వివరాలను ప్రముఖ టిప్స్టర్ డిజిటల్ చాట్ స్టేషన్ పంచుకున్నారు. ఈ ఫోన్ సరికొత్త ఫ్లాగ్షిప్ ప్రాసెసర్తో పాటు అద్భుతమైన కెమెరా సెటప్తో మార్కెట్లోకి వచ్చే అవకాశం ఉంది.
వివో X500 ప్రో స్మార్ట్ఫోన్ మీడియాటెక్ కంపెనీకి చెందిన సరికొత్త డైమెన్సిటీ 9600 ప్రో చిప్సెట్తో పనిచేస్తుందని సమాచారం. ఇది 2 నానోమీటర్ ప్రాసెస్పై తయారైన అత్యంత శక్తివంతమైన ప్రాసెసర్ కావడం విశేషం. అంతేకాకుండా.. ఈ ఫోన్ 6.37 అంగుళాల స్క్రీన్తో కాంపాక్ట్ సైజులో రానుంది. చేతిలో పట్టుకోవడానికి వీలుగా ఉండే ప్రీమియం ఫోన్లను ఇష్టపడేవారికి ఇది ఒక మంచి ఎంపిక కానుంది.
Also Read: మార్కెట్ షేక్ అవ్వడం ఖాయం.. ఇన్-బిల్ట్ కూలింగ్ ఫ్యాన్తో Redmi K90 Ultra వచ్చేస్తోందోచ్!
కెమెరా విభాగంలో వివో ఎప్పుడూ ఒక అడుగు ముందే ఉంటుంది. ఈ కొత్త ఫోన్లో 50MP ప్రైమరీ కెమెరాను అందించనున్నారు. దీనిలో 1/1.28 అంగుళాల పెద్ద సెన్సార్తో పాటు LOFIC అనే సరికొత్త టెక్నాలజీని వాడుతున్నట్లు తెలుస్తోంది. దీంతో ఎక్కువ వెలుతురు లేదా తక్కువ వెలుతురు ఉన్న క్లిష్టమైన పరిస్థితుల్లో కూడా ఫొటోలు చాలా స్పష్టంగా, నాణ్యతతో వస్తాయి. దీంతో పాటు మరో 50MP అల్ట్రావైడ్ యాంగిల్ లెన్స్ కూడా ఉండనుంది.
ఈ స్మార్ట్ఫోన్లో ప్రధాన ఆకర్షణ దీనిలోని 64MP పెరిస్కోప్ టెలిఫోటో కెమెరా. ఇది 85mm ఫోకల్ లెంగ్త్తో వస్తుండటం వల్ల అద్భుతమైన పోర్ట్రెయిట్, మాక్రో ఫొటోలను షూట్ చేయవచ్చు. వివో X500 ప్రో సిరీస్లోని అన్ని మోడళ్లలో ఈ 85mm పెరిస్కోప్ లెన్స్ ఉండబోతోందని లీకులు చెబుతున్నాయి. ఈ సిరీస్లో స్టాండర్డ్ వివో X500 మోడల్ 6.59 అంగుళాల డిస్ప్లే, 7,500mAh భారీ బ్యాటరీతో రానుండగా, హై-ఎండ్ మోడల్ అయిన వివో X500 ప్రో మాక్స్ మరిన్ని అప్గ్రేడెడ్ ఫీచర్లతో అలరించనుంది.
Also Read: యాపిల్ హిస్టరీలోనే బిగ్గెస్ట్ కెమెరా అప్గ్రేడ్.. iPhone 18 Pro లీకైన వివరాలు చూస్తే మైండ్ బ్లాకే!
Share
మ్యూజిక్ లవర్స్కు పండగే..మోడ్రన్ సౌండ్ను రీడిఫైన్ చేసే బ్రాండెడ్ హెడ్ఫోన్స్!
మీ కల ఎప్పటికీ నిజం కాదు.. బీజేపీ లీడర్ల ప్రకటనలపై జోగు రామన్న సంచలన కౌంటర్!
