Galaxy Z Fold 8 Ultra Leaks: శాంసంగ్ గెలాక్సీ ప్రియులకు గుడ్ న్యూస్. వచ్చే నెల జరగబోయే గెలాక్సీ అన్ప్యాక్డ్ ఈవెంట్లో కంపెనీ తమ కొత్త ఫోల్డబుల్ సిరీస్ను లాంచ్ చేయబోతున్నట్లు తెలుస్తోంది. ఈసారి ఈ లైనప్లో Galaxy Z Fold 8, Galaxy Z Fold 8 Ultra అనే రెండు మోడల్స్ రానున్నాయి. ఈ ఫోన్ల అధికారిక వివరాలు ఇంకా బయటకు రాకముందే, వీటికి సంబంధించిన రియల్ లైఫ్ ఫొటోలు, డిజైన్ లీకులు నెట్టింట తెగ హల్చల్ చేస్తున్నాయి.
ప్రముఖ టిప్స్టర్ ఐస్ యూనివర్స్ సోషల్ మీడియా ప్లాట్ఫామ్ Xలో దీనికి సంబంధించిన ఆసక్తికరమైన సమాచారాన్ని పంచుకున్నారు. ఒక రెస్టారెంట్లో శాంసంగ్ ఉద్యోగి ఈ కొత్త వైడ్ ఫోల్డింగ్ ఫోన్ను వాడుతుండగా తీసిన ఫొటో ప్రస్తుతం వైరల్ అవుతోంది. ఈ ఫోన్ డిజైన్ ముందే బయటకు రాకుండా ఉండేందుకు దానిపై ఒక ప్రత్యేకమైన ప్రొటెక్టివ్ కేస్ వేసినట్లు స్పష్టంగా కనిపిస్తోంది.
లీకైన ఫొటోల ప్రకారం.. ఈ Galaxy Z Fold 8 మోడల్లో వెనుకవైపు పిల్-షేప్డ్ కెమెరా మాడ్యూల్తో కూడిన డ్యూయల్ రియర్ కెమెరా సిస్టమ్ ఉంది. ఆ కెమెరాల కిందే ఎల్ఈడీ ఫ్లాష్ను అమర్చారు. కవర్ డిస్ప్లేపై మధ్యలో సెల్ఫీ కెమెరా ఉండే అవకాశం ఉంది. అలాగే ఇంటర్నెట్లో చక్కర్లు కొడుతున్న ఈ రెండు ఫోన్ల రెండర్స్ ఒకే విధమైన బ్లూ కలర్ షేడ్లో ఆకట్టుకుంటున్నాయి.
Also Read: సామాన్యులు సైతం కొనగలిగే ధరకే Apple Smart Glasses.. కానీ ట్విస్ట్ ఏంటంటే?
ఇక ఈ సిరీస్లో రానున్న టాలర్ (పొడవుగా ఉండే) మోడల్ అయిన Z Fold 8 Ultraలో మాత్రం ట్రిపుల్ రియర్ కెమెరా సెటప్ను అందించబోతున్నారు. ఇది కూడా పిల్-షేప్డ్ కెమెరా ఐలాండ్లోనే ఉంటుంది. శాంసంగ్ ఇప్పటికే తమ ఫ్లాగ్షిప్ లాప్టాప్లు, గెలాక్సీ ఎస్ సిరీస్ ఫోన్ల కోసం వాడుతున్న ప్రీమియం Ultra బ్రాండింగ్ను ఇప్పుడు ఫోల్డబుల్ ఫోన్లకు కూడా తీసుకురావడం విశేషం.
గతంలో ఈ ఫోన్లను Galaxy Z Fold 8 Wide, Galaxy Z Fold 8 అని పిలుస్తారని ప్రచారం సాగింది. కానీ శాంసంగ్ తమ వ్యూహాన్ని మార్చుకుని వైడ్ ఫోల్డింగ్ ఫోన్ను గెలాక్సీ జెడ్ ఫోల్డ్ 8 గా, రెగ్యులర్ మోడల్ను గెలాక్సీ జెడ్ ఫోల్డ్ 8 ఆల్ట్రా గా మార్కెట్లోకి తీసుకురావాలని నిర్ణయించినట్లు తాజా నివేదికలు చెబుతున్నాయి.
Also Read: Google Pixel 10a ధర భారీగా పెంపు.. కానీ ఈ ఒక్క ట్రిక్తో పాత ధరకే సొంతం చేసుకోవచ్చు!
Share
నిర్మల్ జిల్లాలో ఘోరం.. కూలర్లో నీళ్లు పోస్తూ తండ్రీకొడుకులు దుర్మరణం!
కూలర్లో నీళ్లు పోస్తున్నారా? ఈ తప్పులు చేశారో.. కరెంటు షాక్ పక్కా!
