Realme Narzo 90 5G: సామాన్యులు సైతం కొనగలిగేలా తక్కువ ధరలోనే ఎక్కువ ఫీచర్లు అందించడంలో ప్రముఖ టెక్ సంస్థ రియల్మీ ఎప్పుడూ ముందుంటుంది. ఈ క్రమంలో తాజాగా విడుదలైన రియల్మీ నార్జో 90 5G మోడల్ టెక్ ప్రియులను విశేషంగా ఆకర్షిస్తోంది. ముఖ్యంగా రూ.15,000 ధరలో ప్రీమియం ఫీచర్లు ఆశించే వారికి ఇదొక అద్భుతమైన అవకాశం. ఇప్పుడీ ఫోన్ ఈ-కామర్స్ దిగ్గజం అమెజాన్ బ్రాండ్ డేస్ సేల్లో ఆఫర్ల ద్వారా కేవలం రూ.15,499కే లభిస్తోంది.
ఈ రియల్మీ నార్జో 90 ఫోన్ 7000mAh భారీ బ్యాటరీని కలిగి ఉంది. దీంతో ఈ ఫోన్ను ఒక్కసారి ఛార్జ్ చేస్తే దాదాపు రెండ్రోజుల పాటు ఎలాంటి టెన్షన్ లేకుండా వాడుకోవచ్చు. దీనికి తోడు 60W ఫాస్ట్ ఛార్జింగ్ సదుపాయం ఉండటంతో, ఇంత పెద్ద బ్యాటరీ కూడా చాలా తక్కువ సమయంలోనే ఫుల్ అయిపోతుది. రోజంతా స్క్రోలింగ్ చేసేవారికి, లాంగ్ జర్నీలు చేసేవారికి ఈ ఫోన్ బాగా సెట్ అవుతుంది.
Also Read: శాంసంగ్ గెలాక్సీ Z ఫ్లిప్ 7 ఒలింపిక్ ఎడిషన్ వచ్చేసింది.. దీని ప్రత్యేకతలపై ఓ లుక్కేయండి!
ఈ ఫోన్లో 6.57 ఇంచుల అమోలెడ్ డిస్ప్లే, 120Hz రిఫ్రెష్ రేట్ కలిగి ఉండటం వల్ల వాడకం చాలా స్మూత్గా ఉంటుంది. ఇక 4000 నిట్స్ బ్రైట్నెస్తో ఎండలో కూడా స్క్రీన్ ఎంతో స్పష్టంగా కనిపిస్తుంది. ఇక కెమెరా పరంగా చూసుకుంటే.. ఫోన్ వెనుక వైపు 50MP కెమెరాతో పాటు, ముందు వైపు కూడా 50MP సెల్ఫీ కెమెరాను అమర్చారు. దీంతో వీడియో కాల్స్, సెల్ఫీలు చాలా క్వాలిటీగా వస్తాయి.
సాధారణంగా బడ్జెట్ ఫోన్లలో ఐపీ రేటింగ్స్ తక్కువగా ఉంటాయి. కానీ ఈ నార్జో 90 5Gలో మాత్రం ఐపీ66, ఐపీ68, ఐపీ69 వంటి అత్యున్నత ప్రొటెక్షన్ ప్రమాణాలు ఉన్నాయి. దీంతో భారీ వర్షంలో తడిసినా, పొరపాటున నీటిలో పడినా ఫోన్కు ఏమీకాదు. అలాగే మీడియాటెక్ డైమెన్సిటీ 6400 మాక్స్ చిప్సెట్తో గేమింగ్, మల్టీటాస్కింగ్ చేసేవారికి మెరుగైన పనితీరును అందిస్తుంది. ఆండ్రాయిడ్ 15తో వచ్చే ఈ ఫోన్, విక్టరీ గోల్డ్, కార్బన్ బ్లాక్ రంగుల్లో లభిస్తుంది.
Also Read: యాపిల్ మ్యాక్ యూజర్ల కోసం ప్రత్యేక మానిటర్లు.. BenQ నుంచి రెండు కొత్త మోడల్స్!
Share
Donald Trump: ఆయన భార్య అందగత్తె.. అందుకే ఆ పదవి ఇచ్చా! నోరుజారిన ట్రంప్..
Pawan Kalyan : ప్చ్.. పవన్ కళ్యాణ్ టైమ్ బాగోలేదు, వాళ్లకు ఛాన్స్ దొరికిందిగా!
