Portable AC Benefits: ప్రస్తుతం మార్కెట్ లో లభించే ఏసీలు.. ప్రధానంగా రెండు వ్యత్యాసాలను కలిగి ఉన్నాయి. ఒకటి గోడకు తగిలించేది (Split ACs) అయితే.. రెండోది తేలిగ్గా తరలించగలిగే ఏసీలు (Portable ACs). కొందరిలో స్ప్లిట్ ఏసీల విషయంలో ఉన్న క్లారిటీ.. పోర్టబుల్ వాటికి వచ్చేసరికి ఉండటం లేదు. ముఖ్యంగా మధ్యతరగతి ఇళ్లకు అవి సరిగ్గా సరిపోతాయా? లేవా? అన్న అనుమానాలు చాలా మందిలో ఉన్నాయి. ఈ నేపథ్యంలో పోర్టబుల్ ఎయిర్ కండీషనర్లను (Portable ACs) కొనుగోలు చేయడం వల్ల కలిగే ఆరు ప్రధాన లాభాలేంటో ఇప్పుడు పరిశీలిద్దాం.
ఈ ఏసీలకు కింది భాగంలో చక్రాలు (casters) ఉండటం వల్ల.. వీటిని ఒక గది నుండి మరో గదికి చాలా సులభంగా తరలించవచ్చు. మీరు పగలు హాల్లో ఉన్నా, రాత్రి పడకగదికి వెళ్లినా, ఈ ఏసీని మీతో పాటే తీసుకెళ్లవచ్చు.
స్ప్లిట్ ఏసీల మాదిరిగా గోడలకు రంధ్రాలు చేయడం లేదా బయటి వైపు యూనిట్లను అమర్చాల్సిన అవసరం లేదు. కిటికీ ద్వారా వేడి గాలిని బయటకు పంపే పైపును అమర్చుకుంటే సరిపోతుంది. దీనికి సాధారణంగా టెక్నీషియన్ల సహాయం కూడా అవసరం లేదు. ఫలితంగా ఇన్ స్టాలేషన్ ఛార్జీ ఆదా అయినట్లే.
మధ్యతరగతి చెందినవారిలో ఎక్కువ మంది అద్దె ఇళ్లల్లోనే జీవిస్తుంటారు. కాబట్టి తరచూ ఇళ్లు మారే వారికి ఇది బెస్ట్ ఛాయిస్. ఇంటి యజమాని అనుమతి లేకుండానే వీటిని ఇన్స్టాల్ చేసుకోవచ్చు. అలాగే ఇల్లు మారేటప్పుడు మీతో పాటు కొత్త ఇంటికి తీసుకెళ్లవచ్చు.
చిన్న గదులు, ఇరుకైన ఇంటిలోనూ ఎంచెక్కా పోర్టబుల్ ఏసీని వినియోగించవచ్చు. తక్కువ స్థలంలోనే ఇవి సరిగ్గా ఫిట్ అయిపోతాయి. అవసరం లేనప్పుడు వీటిని పక్కకు జరిపి స్టోర్ రూమ్లో దాచుకోవచ్చు.
సాధారణంగా వేసవిలో ఏసీ ఇన్ స్టాలేషన్ చేసే వారికి భారీగా డిమాండ్ ఉంటుంది. మీరు ఏసీ కొన్నప్పటికీ కొన్ని సందర్భాల్లో ఇన్ స్టాలేషన్ కోసం ఎదురుచూడాల్సి రావొచ్చు. అదే పోర్టబుల్ ఏసీని ఇంటికి తీసుకొచ్చిన వెంటనే వినియోగించవచ్చు. తక్షణమే ఇవి కూలింగ్ ను అందిస్తాయి.
Also Read: Air Conditioner: ఏసీని 24 గంటల పాటు వాడుతున్నారా? ఇక మిమ్మల్ని పైవాడే కాపాడాలి!
చాలా పోర్టబుల్ ఏసీలలో కూలింగ్తో పాటు గాలిలోని తేమను తొలగించే ‘డీహ్యూమిడిఫైయర్’ (Dehumidifier) ఫీచర్ ఉంటుంది. వర్షాకాలంలో గదిలో వచ్చే ఉక్కపోత, తేమను తగ్గించడానికి ఇది చాలా బాగా ఉపయోగపడుతుంది.
Also Read: Trump vs Kim: కిమ్ను టార్గెట్ చేసిన ట్రంప్.. అణు యుద్ధం తప్పదా?
Share
Gray pumpkin: గుమ్మానికి బూడిద గుమ్మడికాయ ఇలా కడితే మీ ఇంట్లో అష్టైశ్వర్యాలకు లోటుండదట
AI Tools: ఏఐ టూల్స్ వాడుతున్నారా ? ఇలా చేయకపోతే.. మీ పర్సనల్ డేటా రిస్కులో పడ్డట్లే !
