NASA Aircraft: అమెరికా అంతరిక్ష సంస్థ నాసాకి చెందిన ఓ రీసెర్చ్ విమానానికి పెను ప్రమాదం తప్పింది. ల్యాండింగ్ గేర్ పని చేయకపోవడంతో అత్యవసరంగా భూమిపై దిగింది. ఆ సమయంలో విమానం వెనుక నుంచి భారీ ఎత్తున మంటలు వ్యాపించారు. అప్పటికే అక్కడున్న సిబ్బంది మంటలను అదుపులోకి తెచ్చారు. అసలు ఏమైంది?
గాల్లో ఉండగా నాసా రీసెర్చ్ విమానం సమస్య
అమెరికాలోని నాసాకు చెందిన రీసెర్చ్ విమానానికి సాంకేతిక సమస్య తలెత్తింది. అయితే ఆ సమస్య ల్యాండ్ గేర్లో వచ్చింది. పరిస్థితి గమనించిన పైలట్, సమీపంలోని ఎయిర్పోర్టు అధికారులతో మాట్లాడాడు. ఏ మాత్రం ఆలస్యం చేయకుండా హ్యూస్టన్లోని ఎల్లింగ్టన్ ఎయిర్పోర్టులో అత్యవసర ల్యాండింగ్ చేశాడు.
ఆ సమయంలో విమానం అదుపుతప్పి రన్వేపై ఓ వైపుకు వంగిపోయింది. దీంతో విమానం వెనుక నుంచి తొలుత పొగలు, ఆ తర్వాత భారీగా మంటలు వచ్చాయి. అప్పటికే అక్కడున్న ఎయిర్పోర్టులోని రెస్క్యూ సిబ్బంది, మంటలను అదుపులోకి తీసుకొచ్చారు. వారి సహాయంతో కాక్పిట్ నుంచి సురక్షితంగా బయటపడ్డాడు పైలట్.
ల్యాండింగ్ గేర్ లేకుండానే భూమిపైకి, ఎగిసిపడిన మంటలు
ఈ విషయాన్ని స్థానిక మీడియా తెలిపింది. ఈ ఘటనను నాసా ధ్రువీకరించింది. ఈ ఘటనలో సిబ్బంది అంతా సురక్షితంగా బయటపడ్డారని పేర్కొంది. జరిగిన ఘటనపై దర్యాప్తు చేస్తున్నట్లు తెలిపింది. ప్రమాదానికి గురైన విమానం నాసా (WB-57)కు చెందినది. పరిశోధన కోసం వినియోగించే విమానం, ఇద్దరు సిబ్బందితో అధిక ఎత్తులో ఎగరగలదు.
ఎక్కువ ఎత్తులో ఎగరడానికి దీన్ని రూపొందించింది. కేవలం అరడజను గంటలపాటు గాలిలో ఎగరగలదు. ఫుటేజ్లో విమానం కాక్పిట్ హాచ్ తెరిచి ఉండగా రన్వేపై ఆగిపోయినట్లు కనిపించింది. WB-57 విమానాన్ని 1970ల నుండి నాసా పరిశోధన కార్యకలాపాల కోసం ఉపయోగిస్తోంది. ఎల్లింగ్టన్ ఫీల్డ్ సమీపంలోని NASA జాన్సన్ స్పేస్ సెంటర్లో ఉంటుంది.
ALSO READ: ఫిబ్రవరిలో స్మార్ట్ఫోన్ల జాతర.. శాంసంగ్ నుంచి మోటో వరకు టాప్-5 మొబైల్స్!
ఆ తరహా మూడు విమానాలను నడుపుతోంది. WB-57 అనేది మిడ్-వింగ్ కాగా, లాంగ్-రేంజ్ రీసెర్చ్ ఎయిర్క్రాఫ్ట్ మరొకటి. ఇంకొకటి 63 వేల అడుగుల కంటే ఎక్కువ ఎత్తులో ఎగరగలదు. వాతావరణ పరిశోధన మిషన్ల కోసం ఉపయోగించబడుతుంది. దాదాపు ఈ విమానం ఆరున్నర గంటలపాటు ప్రయాణించగలదు. 2,500 నాటికల్ మైళ్ల వరకు ప్రయాణిస్తుంది. 8,800 పౌండ్ల పేలోడ్ వరకు మోసుకెళ్తుంది. దాదాపు 410 నాట్ల వాయు వేగంతో నడుస్తోంది.
WATCH: NASA plane suffers “mechanical issue,” lands without landing gear at Ellington Field in Houston pic.twitter.com/bJI4UVLPQu
— BNO News (@BNONews) January 27, 2026
Share
Ibrahimpatanam: కనిపెంచినందుకు కానుక ఇదేనా..? ఒకేసారి పోలీస్ స్టేషన్ మెట్లెక్కిన 35 మంది వృద్ధులు!
Upcoming Smartphones Feb 2026: ఫిబ్రవరిలో స్మార్ట్ఫోన్ల జాతర.. శాంసంగ్ నుంచి మోటో వరకు షేక్ చేయనున్న టాప్-5 మొబైల్స్!
