Motorola Edge 70 Fusion: స్మార్ట్ఫోన్ మార్కెట్లో తనదైన ముద్ర వేస్తున్న ప్రముఖ టెక్ సంస్థ మోటరోలా.. ఇప్పుడు Edge సిరీస్లో మరో పవర్ఫుల్ ఫోన్ను మార్కెట్లోకి తీసుకురావడానికి సిద్ధమైంది. Motorola Edge 70 Fusion పేరుతో రానున్న ఈ ఫోన్ గురించి ప్రస్తుతం టెక్ వర్గాల్లో ఆసక్తికర చర్చ నడుస్తోంది. తాజాగా లీకైన ఫొటోలు చూస్తుంటే.. ఈ ఫోన్ డిజైన్ పరంగా యువతను ఆకట్టుకునేలా ఉంది. ముఖ్యంగా పాంటోన్ కలర్ ఆప్షన్లతో పాటు నైలాన్, లినెన్ మెటీరియల్తో వస్తున్న వెనుక ప్యానెల్ దీనికి ప్రీమియం లుక్ను ఇస్తోంది.
Motorola Edge 70 Fusion డిస్ప్లే విభాగంలో కొత్త బెంచ్మార్క్ సెట్ చేయబోతోంది. 6.78-అంగుళాల క్వాడ్ కర్డ్వ్ అమోలెడ్ స్క్రీన్, 1.5K రిజల్యూషన్తో అద్భుతమైన విజువల్ ఎక్స్పీరియన్స్ అందిస్తుంది. 144Hz రిఫ్రెష్ రేట్ వల్ల గేమింగ్, స్క్రోలింగ్ చాలా మెరుగ్గా ఉంటుంది. ఇక ఎండలో కూడా స్క్రీన్ స్పష్టంగా కనిపించేలా ఏకంగా 5200 నిట్స్ పీక్ బ్రైట్నెస్ను దీనిలో జోడించారు. అతి తక్కువ బెజెల్స్ ఉండటం వల్ల ఫోన్ చూడటానికి చాలా సన్నగా కనిపిస్తోంది.
Also Read: యాపిల్ నుంచి మరో బిగ్ సర్ప్రైజ్.. స్పెషల్ ఎడిషన్ బ్లాక్ యూనిటీ బ్యాండ్ వచ్చేసింది!
స్నాప్డ్రాగన్ 7s జెన్ 3 ప్రాసెసర్తో రానున్న ఈ ఫోన్.. మల్టీ టాస్కింగ్ కోసం 12GB వరకు RAM ఆప్షన్లను కలిగి ఉంటుంది. ఆండ్రాయిడ్ 16 లేటెస్ట్ సాఫ్ట్వేర్తో ఇది పనిచేయనుందని లీక్స్ ద్వారా తెలుస్తోంది. ఇక ఫొటోగ్రఫీ కోసం 50MP ప్రధాన కెమెరాతో కూడిన ట్రిపుల్ కెమెరా సెటప్ ఉండగా.. సెల్ఫీల కోసం 32MP కెమెరాను అమర్చారు. క్వాలిటీ ఫొటోలు, వీడియో కాల్స్ కోసం ఈ సెటప్ ఎంతో మేలు చేస్తుంది.
ఈ Motorola Edge 70 Fusion ఫోన్లో మునుపెన్నడూ లేని విధంగా ఏకంగా 7000mAh భారీ బ్యాటరీని సంస్థ ఇస్తోంది. సాధారణంగా ఇంత పెద్ద బ్యాటరీ ఉంటే ఫోన్ బరువుగా ఉంటుంది. కానీ మోటరోలా దీనిని చాలా స్లిమ్గా డిజైన్ చేయడం గమనార్హం. దీనికి తోడు 68W ఫాస్ట్ ఛార్జింగ్ సపోర్ట్ ఉండటంతో.. ఒక్కసారి ఛార్జ్ చేస్తే రెండ్రోజుల పాటు టెన్షల్ లేకుండా వాడుకోవచ్చు.
Also Read: అమెజాన్లో గూగుల్ పిక్సెల్ 10 ప్రో XLపై షాకింగ్ డీల్.. ఆఫర్ మిస్ అవ్వకండి భయ్యా!
Share
Deputy CM Plane Crashed: మహారాష్ట్రలో ఘోర విమాన ప్రమాదం.. డిప్యూటీ సీఎం అజిత్ పవార్ దుర్మరణం
French Rail Controversy: ఆ రైళ్లలోకి పిల్లల నో ఎంట్రీ, దుమారం రేపుతున్న ఫ్రెంచ్ రైల్వే నిర్ణయం!
