Meta AI Glasses: ప్రముఖ టెక్ దిగ్గజం మెటా.. ప్రముఖ ఐవేర్ బ్రాండ్ ఎస్సిలోర్ లక్సోటికాతో కలిసి సరికొత్త ఏఐ ఆధారిత స్మార్ట్ గ్లాసెస్‌ను మార్కెట్లోకి తీసుకొచ్చింది. ‘మెటా గ్లాసెస్’ పేరుతో వచ్చిన ఈ గ్యాడ్జెట్.. స్టెలిష్ డిజైన్లతో పాటు అత్యాధునిక సాంకేతికతను కలిగి ఉంది. కైలీ జెన్నర్ ఎడిషన్‌తో పాటు మూడు విభిన్న ఫ్రేమ్ స్టైల్స్‌లో ఇవి లభిస్తాయి.
ఈ సరికొత్త మెటా గ్లాసెస్ ప్రారంభ ధర రూ.28,000గా ఉంది. ఇవి అమెజాన్, బెస్ట్ బై, మెటా అధికారిక వెబ్‌సైట్‌తో పాటు ప్రముఖ రిటైల్ స్టోర్లలో అందుబాటులోకి వచ్చాయి. క్లాసిక్ బ్లాక్, రేసింగ్ గ్రీన్, మెర్లోట్ వంటి ఆకర్షణీయమైన రంగుల్లో ఇవి లభిస్తాయి. ఇందులో క్లియర్, సన్, పోలరైజ్డ్ లెన్స్ ఆప్షన్లు ఉన్నాయి. ప్రిస్క్రిప్షన్ గ్లాసెస్ వాడేవారి కోసం ప్రత్యేక ఎక్స్ఛేంజ్ ప్రోగ్రామ్ కూడా ఉంది. అమెరికా, యూకే, కెనడా, ఆస్ట్రేలియా వంటి పలు దేశాల్లో ప్రస్తుతానికి ఇవి అందుబాటులో ఉన్నాయి. భారత మార్కెట్లోకి ఎప్పుడు వస్తాయనేది మెటా ఇంకా ప్రకటించలేదు.
Also Read: భారత్‌లో boAt Airdopes ProClip లాంచ్.. తక్కువ ధరలో ప్రైవసీకి పక్కా గ్యారెంటీ!
ఈ గ్లాసెస్‌లో మెటా సూపర్ఇంటెలిజెన్స్ లాబ్స్ రూపొందించిన సరికొత్త ‘మ్యూజ్ స్పార్క్’ ఏఐ మోడల్‌ను ఉపయోగించారు. ఇది కేవలం వాయిస్ అసిస్టెంట్‌లా కాకుండా.. మనం చూసే వాటిని అర్థం చేసుకుని సమాధానాలు చెప్పగలదు. దీని ద్వారా చేతులు ఉపయోగించకుండానే ఫొటోలు తీయడం, లైవ్ ట్రాన్స్‌లేషన్, షెడ్యూల్ మేనేజ్మెంట్, నావిగేషన్ వంటి పనులను సులభంగా చేసుకోవచ్చు.
ఇందులో 100 డిగ్రీల ఫీల్డ్ ఆఫ్ వ్యూ కలిగిన 12MP కెమెరాను అమర్చారు. దీని ద్వారా 3K రెజల్యూషన్‌తో అద్భుతమైన వీడియోలను, స్పష్టమైన ఫొటోలను రికార్డ్ చేయొచ్చు. అలాగే డైనమిక్ ఫొటో ఫీచర్ ద్వారా బెస్ట్ షాట్‌ను ఇది సెలెక్ట్ చేస్తుంది. ఇక ఆడియో విషయానికి వస్తే.. ఈ గ్లాసెస్‌లో ఓపెన్-ఇయర్ స్పీకర్లతో పాటు ఏకంగా 6 మైక్రోఫోన్ల సిస్టమ్ ఉంది. ఇది బయటి గాలి శబ్దాలను తగ్గించి, కాల్స్ మాట్లాడుతున్నప్పుడు స్పష్టమైన వాయిస్‌ను అందిస్తుంది.
ఈ మెటా గ్లాసెస్ సింగిల్ ఛార్జ్‌పై 8 గంటల కంటే ఎక్కువ బ్యాటరీ లైఫ్‌ను ఇస్తాయి. ఛార్జింగ్ కేస్‌తో కలిపితే మరో 40 గంటల అదనపు బ్యాటరీ లభిస్తుంది. ఇందులో 32GB స్టోరేజ్ ఉండటంతో దాదాపు 1000 ఫొటోలు లేదా వందకు పైగా చిన్న చిన్న వీడియోలను స్టోర్ చేసుకోవచ్చు. అలాగే వైఫై 6, బ్లూటూత్ 5.4 కనెక్టివిటీతో పాటు హిందీ సహా 20 భాషల్లో లైవ్ ట్రాన్స్‌లేషన్ ఫీచర్‌ను ఇది సపోర్ట్ చేస్తుంది.
Also Read: ఇంతకంటే తక్కువకు రాదు.. Google Pixel 10పై రూ.29,000 వరకు లాభం పొందే సూపర్ ఛాన్స్!
Share
రూ.వెయ్యిలోపు బెస్ట్ స్మార్ట్వాచెస్.. ప్రీమియం లుక్ ఇచ్చే టాప్ 5 మోడల్స్
IRCTC సీఎండీ సంజయ్ కుమార్ జైన్ రాజీనామా.. రైల్వే శాఖ ఆమోదం!
