AI Health Tracker: ప్రముఖ టెక్ సంస్థ లూనా సరికొత్త హెల్త్ ట్రాకర్ను భారత మార్కెట్లోకి పరిచయం చేసింది. లూనా బ్యాండ్ పేరుతో వస్తున్న ఈ పరికరం కేవలం డేటాను చూపించడమే కాకుండా.. వాయిస్ కమాండ్స్ ఆధారంగా రోజూవారీ ఆరోగ్య ప్రణాళికను సిద్ధం చేస్తుంది. ప్రస్తుతం దీని కోసం వెయిట్లిస్ట్ రిజిస్ట్రేషన్లు కూడా ప్రారంభమయ్యాయి.
సాధారణ ఫిట్నెస్ బ్యాండ్లు కేవలం మన శరీరానికి సంబంధించిన డేటాను మాత్రమే చూపిస్తాయి. కానీ ఈ లూనా బ్యాండ్ మాత్రం మన దినచర్యను ప్లాన్ చేయడంలో సహాయపడుతుంది. ఇది మన శరీర సంకేతాలను నిరంతరం గమనిస్తూ.. రక్త పరీక్షల వివరాలు, మెడికల్ హిస్టరీ, ఆహారపు అలవాట్లను విశ్లేషిస్తుంది. వీటన్నింటినీ క్రోడీకరించి ప్రతిరోజూ మనం ఆరోగ్యంగా, చురుగ్గా ఉండేలా ఒక ప్రణాళికను అందిస్తుంది.
ఈ బ్యాండ్లో ఉండే హాప్టిక్ అలర్ట్స్ సిస్టమ్ యూజర్ల పరిస్థితిని బట్టి తగిన సూచనలు చేస్తుంది. ఉదాహరణకు: ఉదయాన్నే లేవగానే కాఫీ ఎప్పుడు తాగాలో, అలాగే ఆఫీసు పనిపై ఎక్కువ శ్రద్ధ పెట్టడానికి ఏ సమయం అనుకూలంగా ఉంటుందో కూడా ఇది గుర్తు చేస్తుంది. దీనివల్ల వినియోగదారులు తమ పనులను మరింత సమర్థవంతంగా చేసుకోగలుగుతారు.
Also Read: ఎండలు మండిపోతున్నా నో వర్రీ.. మెడలో వేసుకుని స్మార్ట్ ACని తెచ్చిన సోనీ.. రేట్ ఎంతంటే?
ఇందులో డేటాను మాన్యువల్గా ఎంటర్ చేయాల్సిన అవసరం లేదు. కేవలం వాయిస్ కమాండ్స్ ద్వారానే మనం తినే ఆహారం, చేసే వ్యాయామాలు, ఇతర అలవాట్లను రికార్డ్ చేయొచ్చు. అలాగే మన ఆరోగ్యానికి సంబంధించిన ఎలాంటి సందేహాలనైనా నేరుగా లూనాను అడిగి తెలుసుకోవచ్చు. నిద్ర, పోషకాహారం, ఒత్తిడి వంటి అంశాలపై ఇది ఎప్పటికప్పుడు స్పష్టమైన అవగాహన కల్పిస్తుంది.
మొదటి విడత కింద లూనా బ్యాండ్ను కేవలం ఆహ్వానం (ఇన్వైట్) ఉన్నవారికి మాత్రమే విక్రయించనున్నారు. జూలై 2026 చివరి వారం నుండి దీని షిప్పింగ్ ప్రారంభం కానుంది. ఆరోగ్యంపై ప్రత్యేక శ్రద్ధ పెట్టాలనుకునే వారు లూనా వెబ్సైట్లోకి వెళ్లి ఇప్పుడే వెయిట్లిస్ట్లో పేరు నమోదు చేసుకోవచ్చు.
Also Read: జియో గేమ్ ఛేంజర్ ఆఫర్.. అన్ని బ్రాండ్ల కీప్యాడ్ ఫోన్లకూ రోజుకు రూ.4కే ప్లాన్!
Share
జూలై 1 నుంచి ఉపాధి హామీ బంద్.. కేంద్రం తెస్తున్న కొత్త చట్టం వెనుక అసలు కథ ఇదేనా?
వీటితో తక్కువ బడ్జెట్లో.. మీ ఇంటికి 24 గంటల సేఫ్టీ
