iPhone 18 Pro: ప్రపంచవ్యాప్తంగా ఉన్న యాపిల్ లవర్స్ అందరూ iPhone 18 సిరీస్ కోసం ఎంతో ఆసక్తిగా ఎదురుచూస్తన్న విషయం తెలిసిందే. ఈ సిరీస్ నుంచి ఏదైనా లీక్స్ వెలువడ్డాయంటే.. టెక్ ప్రియుల్లో ఒకటే హడావిడి మొదలైపోతుంది. తాజాగా ఈ ఫోన్ గురించి వెలువడిన లీక్స్చూ స్తుంటే.. ఐఫోన్ లవర్స్కు ఈసారి షాక్ తగిలేలా ఒక అప్డేట్ వచ్చింది. ముఖ్యంగా ఐఫోన్లో బ్లాక్ కలర్ వేరియంట్ను ఇష్టపడే వాళ్లకి. అవును.. మీరు విన్నది నిజమే. ఈసారి ఐఫోన్ 18 సిరీస్లోని ప్రో మోడల్లో బ్లాక్ కలర్ ఉండకపోవచ్చనే ఊహాగానాలు వినిపిస్తున్నాయి.
సాధారణంగా చాలామంది ఐఫోన్ను బ్లాక్ లేదంటే స్పేస్ గ్రే రంగుల్లో చూడటానికి ఇష్టపడతారు. కానీ, తాజా సమాచారం ప్రకారం ఈసారి ప్రో మోడల్స్లో బ్లాక్ కలర్ ఉండకపోవచ్చట. ప్రముఖ టిప్స్టర్ వైల్యాబ్ చెప్తున్న దాని ప్రకారం.. ఐఫోన్ 18 ప్రో ఈసారి గ్రే, సిల్వర్, డార్క్ రెడ్ కలర్స్లో రాబోతోంది. సాధారణంగా యాపిల్ తమ ప్రో మోడల్స్కు రెడ్ కలర్ను అంత త్వరగా కేటాయించదు. కానీ ఈసారి మాత్రం గట్టిగానే ప్లాన్ చేసినట్లు తెలుస్తోంది. గత ఏడాది ఆరెంజ్ కలర్కు వచ్చిన క్రేజ్ చూశాక.. ఇలాంటి కొత్త ప్రయోగాలు చేయాలని కంపెనీ డిసైడ్ అయినట్లు తెలుస్తోంది.
Also Read: ఏటీఎం కార్డు ఇంట్లో మర్చిపోయారా? పేటీఎం ఉంటే చాలు.. ఇలా నగదు విత్ డ్రా చేసుకోవచ్చు!
డిజైన్ విషయంలో పెద్దగా మార్పులు లేకపోయినా.. ఫోన్ పైన ఉండే ఆ చిన్న కెమెరా కటౌట్ (పంచ్ హోల్) సైజ్ ఈసారి తగ్గే అవకాశం ఉంది. దీనివల్ల ఫోన్ స్క్రీన్ ఇంకాస్త పెద్దగా, క్లియర్గా కనిపిస్తుంది. అలాగే బాడీ తయారీలో అల్యూమినియం వాడుతున్నారట. దీనివల్ల ఫోన్ చేతిలో పట్టుకుంటే చాలా స్టైలిష్గా, లైట్ వెయిట్గా అనిపిస్తుంది. కొత్త రంగులు ఈ మెటల్ ఫినిషింగ్పై ఇంకా అద్భుతంగా మెరిసిపోతాయని టాక్.
కేవలం కలర్స్ మాత్రమే కాదు.. పనితీరులో కూడా ఐఫోన్ 18 ప్రో ఒక రేంజ్లో ఉండబోతోందట. దీనిలో వాడే 2nm ఏ20 ప్రో చిప్సెట్ వల్ల ఫోన్ అస్సలు హ్యాంగ్ అవ్వకుండా, సూపర్ ఫాస్ట్గా పనిచేస్తుంది. పైగా ఈసారి బ్యాటరీ విషయంలో కూడా యాపిల్ గట్టిగానే ప్లాన్ చేసినట్లు ఉంది. 5,000mAh కంటే.. ఎక్కువ సామర్థ్యం ఉన్న బ్యాటరీని పెడుతున్నారట. దీనిని ఒక్కసారి ఛార్జింగ్ పెడితే చాలు.. రోజంతా నిశ్చింతగా వాడుకోవచ్చు. అయితే, ఇవన్నీ ప్రస్తుతం లీకులు మాత్రమే. అసలు విషయం తెలియాలంటే సెప్టెంబర్ వరకు వెయిట్ చేయాల్సిందే మరి.
Also Read: షియోమీ విధ్వంసం.. 200MP కెమెరా, 8000mAh బ్యాటరీతో మిగతా ఫోన్లకు చెక్!
Share
అగ్నికి ఆజ్యం పోసిన అధ్యక్షుడి హితబోధ... రాంచంద్రరావుపై భగ్గుమన్న కాషాయదండు!
ప్రభుత్వ కళాశాలకు మహర్దశ.. విద్యారంగంలో కీలక ముందడుగు
