Induction vs Gas Stove: పశ్చిమాసియాలో ముదురుతున్న యుద్ధ మేఘాలు ప్రపంచవ్యాప్తంగా చమురు ధరలపై తీవ్ర ప్రభావం చూపుతున్నాయి. దీని ఫలితంగా భారత్లో ఎల్పీజీ గ్యాస్ సిలిండర్ ధరలు క్రమంగా పెరుగుతోంది. మరోవైపు మండుతున్న ఎండల వల్ల సమ్మర్లో ఏసీలు, కూలర్ల వాడకం పెరిగి కరెంట్ బిల్లులు తడిసి మోపెడవుతాయని సామాన్యులు భయపడుతున్నారు. ఇలాంటి టెన్షన్ల మధ్య.. ప్రతిరోజూ వంటకి గ్యాస్ వాడాలా? లేక ఇండక్షన్ స్టవ్ మంచిదా? అని చాలామందికి పెద్ద డౌట్ వస్తోంది. మరి వేసవిలో కూడా కరెంట్ బిల్లు భారం పడకుండా, గ్యాస్ ఖర్చును తగ్గిస్తూ స్మార్ట్గా ఎలా వంట చేయాలో ఇప్పుడు చూద్దామా..
సాధారణ గ్యాస్ స్టవ్ వాడితే ఆ మంట పాత్ర మొత్తాన్ని వేడి చేస్తుంది. దీనివల్ల గ్యాస్ ఎక్కువ ఖర్చవుతుంది. కానీ ఇండక్షన్ అలా కాదు.. ఇది విద్యుదయస్కాంత శక్తితో నేరుగా పాత్ర అడుగు భాగాన్నే వేడి చేస్తుంది. అందుకే ఇండక్షన్ మీద వంట చాలా ఫాస్ట్గా అయిపోతుంది. పాలు కాచుకోవాలన్నా, నీళ్లు వేడి చేయాలన్నా గ్యాస్ కంటే ఇండక్షనే చాలా స్పీడ్.
Also Read: ఈ వేసవిలో ఏ ఫ్యాన్ వాడటం హెల్త్కి మంచిది? నిపుణులు ఇస్తున్న సూచనలివే!
చాలామందికి ఉన్న పెద్ద భయం ఏంటంటే.. ఇండక్షన్ వాడితే కరెంట్ బిల్లు పెరుగుతుందని. కానీ నిజం చెప్పాలంటే, ప్రస్తుత పరిస్థితుల్లో గ్యాస్ రేట్ల కంటే కరెంటే మనకు చౌకగా పడుతోంది. పైగా తెలంగాణలో గృహజ్యోతి పథకం కింద కొంత వరకు ఫ్రీ కరెంట్ వస్తోంది కాబట్టి, ఇండక్షన్ వాడితే నెలకు రూ.500 నుంచి రూ.1000 వరకు ఈజీగా మిగుల్చుకోవచ్చు. ఇక గ్యాస్ బుక్ చేయడం, అది వచ్చే వరకు ఎదురుచూడటం వంటి తిప్పలు కూడా ఇండక్షన్తో ఉండవు.
వంటగదిలో సేఫ్టీ అనేది చాలా ముఖ్యం. గ్యాస్ లీక్ అవుతుందన్న భయం లేదా చిన్న పిల్లలు ఉన్న ఇంట్లో మంట వల్ల ప్రమాదాలు జరిగే ఛాన్స్ ఉంటుంది. కానీ ఇండక్షన్ మీద మంట ఉండదు కాబట్టి.. ఇలాంటి ప్రమాదాలు తక్కువ. అలాగే వంట అయిపోయాక క్లీన్ చేయడం కూడా చాలా ఈజీ. ఒక తడి గుడ్డతో తుడిస్తే చాలు.. కొత్తదానిలా మెరిసిపోతుంది. గ్యాస్ స్టవ్ బర్నర్లు, ఇనుప స్టాండ్లను తోమి శుభ్రం చేయాలంటే అది పెద్ద సర్కస్సే మరి.
వంట పనిని చకచకా ముగించేయాలనుకుంటే మాత్రం ఇండక్షన్ స్టవ్ బెస్ట్ ఆప్షన్. కాకపోతే, ఇండక్షన్ వాడాలంటే దానికి సరిపోయే ప్రత్యేక పాత్రలే ఉండాలి. పాత అల్యూమినియం గిన్నెలు దీనిపై పని చేయవు. ఒకవేళ మీ ఏరియాలో పవర్ కట్స్ ఎక్కువగా ఉన్నా, లేదా మంట మీద పుల్కాలు, రొట్టెలు కాల్చడం అలవాటున్నా గ్యాస్ స్టవ్ పక్కన ఉండాల్సిందే. అందుకే ఇవాల్టి రోజుల్లో చాలామంది స్మార్ట్ ఫ్యామిలీలు రెండింటినీ వాడుతూ సమయాన్ని, డబ్బును ఆదా చేసుకుంటున్నారు.
Also Read: భారీ బ్యాటరీ, సూపర్ ఫాస్ట్ ఛార్జింగ్తో Poco కొత్త ఫోన్లు.. ఫీచర్లు మామూలుగా లేవుగా!
Share
India vs North Korea Railways: నార్త్ కొరియాలో రైళ్ల స్పీడ్ మరీ అంత తక్కువా? వాటిలోనూ జనాలు వెళ్లరా?
Chandrababu Naidu: నీ ప్రాబ్లం ఏంటి ఆటిట్యూడ్ తగ్గించుకో .. కలెక్టర్ పై చంద్రబాబు ఫైర్
