Induction Stove Tips: దేశంలో గ్యాస్ కొరత నేపథ్యంలో ప్రస్తుతం చాలా మంది ఇండక్షన్ స్టవ్స్ వినియోగిస్తున్నారు. దీని వినియోగంపై చాలా మందికి అవగాహన లేనప్పటికీ.. ప్రస్తుత ఇబ్బందుల దృష్ట్యా వాడకతప్పడం లేదు. అయితే సాధారణ గ్యాస్ స్టవ్ తరహాలోనే.. వంట అవ్వగానే ప్రతీ ఒక్కరూ ఇండక్షన్ స్టవ్ స్విచ్ ఆఫ్ చేస్తుంటారు. అయితే ఇది సరైన పద్దతి కాదని నిపుణులు హెచ్చరిస్తున్నారు. దాని వల్ల సమస్యలు ఎదురుకావొచ్చని హెచ్చరిస్తున్నారు. ఇండక్షన్ స్టవ్ త్వరగా పాడయ్యే ప్రమాదముందని సూచిస్తున్నారు.
ఇండక్షన్ స్టవ్ పని చేసేటప్పుడు దాని లోపల ఉండే కాయిల్స్, సర్క్యూట్ బోర్డ్ విపరీతంగా వేడెక్కుతాయి. కాబట్టి దానిని చల్లబరిచేందుకు ఇండక్షన్ స్టవ్ లో ఇన్ బిల్ట్ గా కూలింగ్ ఫ్యాన్ అనేది ఏర్పాటు చేస్తారు. ఇది వంట ఆపివేసిన తర్వాత కూడా స్టవ్ లోపల వేడిని తగ్గించేందుకు తిరుగుతూనే ఉంటుంది. మనం మెయిన్ స్విచ్ ఆపకుండా ఉంటే ఈ ఫ్యాన్ కొంత సమయం పాటు తిరిగి లోపల ఉన్న వేడి గాలిని బయటకు పంపేస్తుంది. తద్వారా స్టవ్ ను కూలింగ్ మోడ్ లోకి తీసుకొస్తుంది.
వంట పూర్తయిన వెంటనే ప్లగ్ పాయింట్ వద్ద స్విచ్ ఆపేస్తే ఆ కూలింగ్ ఫ్యాన్ కూడా వెంటనే ఆగిపోతుందని నిపుణులు చెబుతున్నారు. దీనివల్ల లోపల నిలిచిపోయిన వేడి.. సెన్సార్లను, మదర్ బోర్డును లేదా ఇతర సున్నితమైన ఎలక్ట్రానిక్ భాగాలను దెబ్బతీస్తుందని హెచ్చరిస్తున్నారు. దీనివల్ల ఇండక్షన్ స్టవ్ పనితీరు తగ్గిపోవడమే కాకుండా కాలక్రమేణా అది పూర్తిగా పాడైపోయే ప్రమాదముందని అంచనా వేస్తున్నారు.
Also Read: TCL QM8K Smart TVs: అమెజాన్ బంపరాఫర్.. టీసీఎల్ స్మార్ట్ టీవీలపై.. కళ్లుచెదిరే డిస్కౌంట్!
వంట పూర్తయ్యాక మొదట ఇండక్షన్ స్టవ్ పైన ఉన్న ఆఫ్ బటన్ను మాత్రమే నొక్కాలి. ఆ తర్వాత కనీసం 5 నుండి 10 నిమిషాల వరకు వేచి ఉండాలి. లోపల ఫ్యాన్ తిరుగుతున్న శబ్దం ఆగిపోయిన తర్వాత మాత్రమే మెయిన్ స్విచ్ ఆపివేస్తే మంచిది. ఇలా చేయడం వల్ల మీ ఇండక్షన్ కుక్టాప్ ఎక్కువ కాలం మన్నికగా ఉంటుంది.
ముఖ్యగమనిక: ఈ వార్తను ప్రముఖ టెక్ వెబ్ సైట్ లోని కథనాలు, నిపుణుల సూచనల ఆధారంగా అందించడం జరిగింది. ఇది కేవలం మీ అవగాహన కోసం మాత్రమే. ఇందులోని కంటెంట్ కు బిగ్ టీవీ ఎలాంటి బాధ్యత వహించదు.
Also Read: Gas Saving Tips: గ్యాస్ కొరత వేధిస్తోందా? ఈ చిట్కాలు పాటిస్తే.. నెల వచ్చే గ్యాస్ 3 నెలల వస్తుంది!
Share
Item Songs: ఐటెం సాంగ్తో ఇమేజ్ డ్యామేజ్..?కోట్ల ఆఫర్లను కాదంటున్న స్టార్ హీరోయిన్లు!
Actor Rajashekhar: ఇన్నాళ్లు ఆ అపోహలో ఉన్నాను.. నాకు అవకాశాలు ఇవ్వండి..రాజశేఖర్ ఎమోషనల్!
