Huawei Smartwatches: ప్రముఖ టెక్ దిగ్గజం హువావే నుంచి సరికొత్త స్మార్ట్‌వాచ్‌లు త్వరలోనే మార్కెట్లోకి రావడానికి సిద్ధంగా ఉన్నాయి. Huawei Watch Fit 5, Watch Fit 5 Pro పేరుతో రాబోతున్న ఈ వాచ్‌లకు సంబంధించిన వివరాలు ప్రస్తుతం సోషల్ మీడియాలో తెగ వైరల్ అవుతున్నాయి. కంపెనీ ఇంకా అధికారికంగా ప్రకటించకముందే వీటి ఫీచర్లు, ధరలు బయటకు రావడంతో టెక్ ప్రియుల్లో ఆసక్తి నెలకొంది. పాత మోడళ్లతో పోలిస్తే ఈసారి లుక్, బిల్డ్ క్వాలిటీ విషయంలో హువావే గట్టిగానే ప్లాన్ చేసినట్లు తెలుస్తోంది.
తాజా లీక్స్ ప్రకారం.. హువావే వాచ్ ఫిట్ 5 ధర సుమారు రూ. 21,800 ఉండొచ్చు. ఇక ప్రీమియం ఫీచర్లు ఉండే ప్రో వెర్షన్ ధర రూ.32,700 వరకు ఉండచ్చని అంచనా. రంగుల విషయానికొస్తే.. బేసిక్ మోడల్ బ్లాక్, వైట్, సిల్వర్/గ్రీన్, పర్పుల్ షేడ్స్‌లో దొరుకుతుంది. ప్రో వెర్షన్ మాత్రం స్టైలిష్‌గా ఉండే బ్లాక్, వైట్, ఆరెంజ్ రంగుల్లో వస్తోంది. హువావే సిగ్నేచర్ స్టైల్ అయిన రెక్టాంగిల్ షేప్‌లోనే ఇవి కూడా ఉండబోతున్నాయి.
Also Read: భారీ బ్యాటరీ, అదిరిపోయే కెమెరాతో Oppo F33 సిరీస్ వచ్చేసింది.. ధర ఎంతంటే?
ఈసారి వాచ్‌లు చూడటానికే కాదు.. వాడటానికి కూడా చాలా బలంగా ఉండేలా డిజైన్ చేశారు. వాచ్ ఫిట్ 5 అల్యూమినియం బాడీతో వస్తుంటే.. ప్రో మోడల్‌లో టైటానియం ఫినిషింగ్ ఇచ్చారట. దీనివల్ల వాచ్ మరింత గట్టిగా ఉండటమే కాకుండా చేతికి పెట్టుకుంటే మంచి రాయల్ లుక్ ఇస్తుంది. డిస్‌ప్లే పగిలిపోకుండా ప్రో వెర్షన్‌లో సాఫైర్ క్రిస్టల్ ప్రొటెక్షన్ ఇచ్చారు. ఈ వాచ్‌లకు డస్ట్ రెసిస్టెన్స్ కూడా ఉంది. ఇక ప్రో మోడల్ అయితే నీళ్లలో ఏకంగా 40 మీటర్ల లోతు వరకు తట్టుకోగలదు. దీంతో ఈత కొట్టేటప్పుడు గానీ, డైవింగ్ చేసేటప్పుడు గానీ ఎలాంటి భయం అక్కర్లేదన్నమాట.
ఇకపోతే డిస్‌ప్లే విషయానికొస్తే.. ఈ రెండింటిలోనూ మంచి క్వాలిటీ స్క్రీన్స్ ఇచ్చారు. వాచ్ ఫిట్ 5లో 1.82 అంగుళాల అమోలెడ్ స్క్రీన్ ఉంటే.. ప్రో మోడల్‌లో 1.92 అంగుళాల స్క్రీన్ ఉంది. ఎండలో చూసినా అక్షరాలు స్పష్టంగా కనిపించేలా హై బ్రైట్‌నెస్ ఫీచర్ ఉంది. ఇక దీనిలో జీపీఎస్, బ్లూటూత్ 6.0, హార్ట్ రేట్ మానిటర్, బాడీ టెంపరేచర్ చూసే సెన్సార్లు అన్నీ ఉన్నాయి. ఎక్కువగా హెల్త్ కేర్ తీసుకునేవారి కోసం ప్రో మోడల్‌లో ECG సదుపాయం కూడా ఇచ్చారు. ఈ వాచ్‌ను ఒక్కసారి ఫుల్ ఛార్జ్ చేస్తే దాదాపు 10 రోజుల వరకు బ్యాటరీ బ్యాకప్ ఇస్తుందని లీకైన సమాచారాన్ని బట్టి తెలుస్తోంది.
Also Read: భారీ బ్యాటరీ, ఐఫోన్ లాంటి డిజైన్.. సామాన్యుల కోసం టెక్నో పవర్‌ఫుల్ 5G మొబైల్!
Share
ప్రీతీ జింటా నాకు కూడా హగ్ ఇచ్చిందిరోయ్..వరల్డ్ కప్ సాధించిన ఫీలింగ్ లో అర్ష్దీప్
జీవన్ రెడ్డి చేరికతో హరీష్ రావు అసంతృప్తి.. కేటీఆర్ బతిమాలుకుని మరీ..? అద్దంకి దయాకర్ సంచలనం
