Induction Stove Tips: పశ్చిమాసియాలో యుద్ధం కారణంగా మన దేశవ్యాప్తంగా కూడా వంట గ్యాస్ ధరలు ఆకాశాన్ని అంటుతున్నాయి. ఈ క్రమంలో చాలామంది ఇండక్షన్ స్టవ్ల వైపు మొగ్గు చూపుతున్నారు. వీటి ద్వారా సులభంగా, వేగంగా వంట చేసుకునే వెసులుబాటు ఉన్నప్పటికీ కరెంటు బిల్లు పెరుగుతుందేమోననే భయం కొంతమందిని వెంటాడుతోంది. అయితే, ఇండక్షన్ స్టవ్ వాడేటప్పుడు కొన్ని సింపుల్ టిప్స్ పాటిస్తే విద్యుత్ ఆదా చేయొచ్చు. అదెగాలో ఇప్పుడు చూసేద్దాం రండి..
ఇండక్షన్ స్టవ్ లోపల ఉండే రాగి కాయిల్ విద్యుత్ అయస్కాంత శక్తిని ఉత్పత్తి చేస్తుంది. మనం స్టవ్ మీద పెట్టిన పాత్ర ఇనుము లేదా స్టెయిన్లెస్ స్టీల్తో తయారై ఉంటేనే ఆ అయస్కాంత క్షేత్రం నేరుగా పాత్రను వేడి చేస్తుంది. దీనివల్ల వేడి వృధా కాకుండా నేరుగా గిన్నెకు మాత్రమే అందుతుంది.
Also Read: వావ్, గ్యాస్ స్టవ్లా పనిచేసే ఎలక్ట్రిక్ స్టవ్.. ధర కూడా చాలా తక్కువ!
⇒ కరెంటు బిల్లు తగ్గాలంటే ముందుగా సరైన పాత్రలను ఎంచుకోవాలి. అడుగు భాగం సమానంగా ఉండి, ఇండక్షన్కు సపోర్ట్ చేసే పాత్రలనే వాడాలి. పాత్ర పరిమాణం స్టవ్ మీద ఉన్న సర్కిల్ కు తగ్గట్టుగా ఉంటే వేడి బయటకు పోదు. వంట చేసేటప్పుడు పాత్రపై మూత పెట్టడం వల్ల లోపల వేడి త్వరగా పెరిగి వంట త్వరగా పూర్తవుతుంది.
⇒ మరో ముఖ్యమైన విషయం ఏమిటంటే.. ఇండక్షన్ స్టవ్ పెనం మీద పెట్టగానే వేడెక్కుతుంది. కాబట్టి అనవసరంగా ముందే ఆన్ చేసి ఉంచకూడదు. విప్రో ఇండక్షన్ వంటి ఆధునిక స్టవ్లలో ఉండే ప్రీ-సెట్ మెనూ ఆప్షన్లను వాడటం వల్ల ఏ వంటకు ఎంత వేడి కావాలో అంత మాత్రమే వినియోగించుకుంటుంది. వంట పూర్తయిన వెంటనే స్విచ్ ఆఫ్ చేయడం, గ్లాస్ ప్లేట్ను ఎప్పటికప్పుడు శుభ్రంగా ఉంచుకోవడం వల్ల స్టవ్ సామర్థ్యం పెరుగుతుంది.
⇒ ఇండక్షన్ స్టవ్ వాడటం వల్ల సమయం ఆదాతో పాటు వంటగదిలో వేడి కూడా తక్కువగా ఉంటుంది. పైన చెప్పిన చిన్న చిన్న జాగ్రత్తలు పాటిస్తే, వంట చేయడాన్ని ఎంజాయ్ చేయడమే కాకుండా నెలాఖరులో వచ్చే కరెంటు బిల్లును కూడా సగానికి తగ్గించుకోవచ్చు.
Also Read: ఫ్రిడ్జ్ డోర్ తీయకుండానే కూల్ వాటర్ తాగొచ్చు.. AI టెక్నాలజీతో సరికొత్త రిఫ్రిజిరేటర్ లాంచ్!
Share
KTR : కేటీఆర్ వద్ద కొత్త అస్త్రాలు.. రేవంత్ను వాటితో ఢీకొట్టగలరా?
Electric Hot Pots: ఎలక్ట్రిక్ హాట్ పాట్ ఉంటే చాలు.. గ్యాస్ లేకుండానే నిమిషాల్లో వంట చేసేయొచ్చు !
