Cooler cooling tips: ఎండలు మండిపోతున్నప్పుడు ఉపశమనం కోసం చాలా మంది ఎయిర్ కూలర్ ఆన్ చేస్తారు. కానీ.. కొన్నిసార్లు కూలర్ ఆన్ చేయగానే గది చల్లబడటానికి బదులు విపరీతమైన ఉక్కపోత, చెమటలు పట్టడం మొదలవుతాయి. గది అంతా ఏదో ప్రెషర్ కుక్కర్లా మారిపోయినట్లు అనిపిస్తుంది. అసలు కూలర్ వాడుతున్నప్పుడు ఈ హ్యుమిడిటీ (తేమ) సమస్య ఎందుకు వస్తుంది? ఏసీ లాంటి చల్లదనం రావాలంటే.. మనం ఎలాంటి చిట్కాలు పాటించాలి? కూలర్ వాడేటప్పుడు చాలా మంది చేసే తప్పులు ఏంటో ఇప్పుడు తెలుసుకుందాం.
ఎయిర్ కూలర్లు పనిచేసే విధానాన్ని అర్థం చేసుకుంటే ఈ ఉక్కపోత రహస్యం ఈజీగా తెలిసిపోతుంది. కూలర్లు “Evaporative Cooling” అనే టెక్నాలజీతో పనిచేస్తాయి. అంటే.. కూలర్ వెనక ఉండే ప్యాడ్స్పై నీళ్లు పడినప్పుడు, బయటి వేడి గాలి ఆ నీటిని ఆవిరి చేసుకుని గదిలోకి వస్తుంది. ఈ ప్రాసెస్ వల్ల గదిలోకి చల్లదనంతో పాటు భారీగా “తేమ”కూడా ప్రవేశిస్తుంది.
గది తలుపులు, కిటికీలు అన్నీ పూర్తిగా మూసేసి కూలర్ ఆన్ చేస్తే.. ఆ తేమ అంతా గదిలోనే ఉండిపోతుంది. గాలిలో తేమ శాతం ఎక్కువైపోవడం వల్ల మన ఒంటికి పట్టే చెమట త్వరగా ఆరిపోదు. దాంతో గది చల్లగా ఉన్నట్లు అనిపించినా, ఒళ్లంతా అంటుకుపోతూ విపరీతమైన ఉక్కపోతగా అనిపిస్తుంది.
1. క్రాస్ వెంటిలేషన్ తప్పనిసరి:
కూలర్ వాడేటప్పుడు గదిని ఎప్పుడూ ఏసీ రూమ్లా పూర్తిగా మూసి ఉంచకూడదు. కూలర్ వెనక వైపు తాజా గాలి రావడానికి ఒక కిటికీ ఉండాలి. అలాగే కూలర్ విసిరే తేమతో కూడిన గాలి బయటకు వెళ్ళిపోవడానికి దానికి ఎదురుగా ఉండే మరో కిటికీ లేదా తలుపును కొద్దిగా తెరిచి ఉంచాలి. దీని వల్ల గదిలో గాలి ఎప్పటికప్పుడు మారుతూ ఉక్కపోత లేకుండా ఉంటుంది.
2. హ్యుమిడిటీ కంట్రోల్ ఫీచర్ వాడండి:
ఇప్పుడు వచ్చే లేటెస్ట్ కూలర్లలో ‘Humidity Control’ స్విచ్ ఇస్తున్నారు. ఒకవేళ మీ కూలర్లో ఈ ఆప్షన్ ఉంటే.. వాతావరణంలో ఉడుకు ఎక్కువగా ఉన్నప్పుడు దాన్ని అడ్జస్ట్ చేయండి. ఒకవేళ ఆ ఫీచర్ లేకపోతే, కాసేపు పంప్ ఆఫ్ చేసి కేవలం ఫ్యాన్ మోడ్ మాత్రమే రన్ చేయండి. గదిలో తేమ తగ్గాక మళ్లీ పంప్ ఆన్ చేసుకోవచ్చు.
Also Read: కూలర్ ఆన్ చేస్తే విపరీతమైన ఉక్కపోతా? ఈ చిన్న ట్రిక్తో ఏసీ లాంటి చల్లదనం పక్కా!
3. ఐస్ చాంబర్ :
గది త్వరగా చల్లబడాలంటే కూలర్ పైన ఉండే ఐస్ బాక్స్లో కొన్ని ఐస్ ముక్కలు వేయండి. దీని వల్ల నీరు త్వరగా కూల్ అయి, గదిలోకి వచ్చే గాలి మరింత చల్లగా మారుతుంది. అయితే ట్యాంక్ నిండా కేవలం ఐస్ మాత్రమే వేయకూడదు. ఇది ఆవిరి ప్రక్రియను మందగింపజేస్తుంది.
4. కూలింగ్ ప్యాడ్స్ క్లీనింగ్ & మెయింటెనెన్స్:
కూలర్ వెనక ఉండే హనీకోంబ్ లేదా గడ్డి ప్యాడ్స్పై దుమ్ము పేరుకుపోతే.. నీటి సరఫరా సరిగ్గా జరగదు. దీనివల్ల కూలింగ్ తగ్గి ఉక్కపోత పెరుగుతుంది. కాబట్టి వారానికి ఒకసారి కూలర్ ట్యాంక్ క్లీన్ చేసి, ప్యాడ్స్ దుమ్ము లేకుండా చూసుకోవడం చాలా అవసరం.
Share
Tanveer Ahmed: వైభవ్ బ్యాట్ లో AI చిప్స్..అందుకే భయంకరమైన సిక్సులు కొడుతున్నాడు
రాహుల్కు రక్షణ కవచంలా ట్రబుల్ షూటర్స్! దక్షిణాదిన కాంగ్రెస్కు నవశకం..!!
