Power Saving Tips: సాధారణంగా ఎండాకాలం మొదలైందంటే.. రోజురోజుకీ ఎండల తీవ్రత పెరుగుతుంటాయి. ఈ క్రమంలో ఉక్కపోత భరించలేక చాలామంది వెంటనే ఏదో ఒక AC కొనేద్దామని షాపులకు వెళ్తుంటారు. అక్కడ కేవలం తక్కువ ధరకో లేదా చూడటానికి బాగుందని ఏదో ఒక బ్రాండ్ ఏసీని తెచ్చేసుకుంటారు. తీరా ఇంటికి తెచ్చాక.. గది సరిగ్గా చల్లబడకపోవడమో లేదా నెల తిరిగేసరికి కరెంటు బిల్లు చూసి గుండె గుభేల్ అనడమో జరుగుతుంటుంది. అసలు సమస్య ఏసీది కాదు.. మన గదికి తగ్గ సరైన ఏసీని ఎంచుకోకపోవడమే. అందుకే ఏసీ కొనేముందు ఈ విషయాలు ఓసారి చూసుకోండి.
ఏసీ కొనడానికి వెళ్లినప్పుడు మొదట చూడాల్సింది మన గది ఎంత పెద్దది అని. చిన్న గదిలో పెద్ద ఏసీ పెడితే కరెంటు దండగ. అదే పెద్ద గదిలో చిన్న ఏసీ పెడితే అది ఎంతసేపు తిరిగినా గది చల్లబడదు. సాధారణంగా 100 చదరపు అడుగుల లోపు ఉండే చిన్న గదులకు 1 టన్ను ఏసీ సరిపోతుంది. అదే మామూలు సైజు బెడ్ రూమ్ (100-150 అడుగులు) అయితే 1.5 టన్ను తీసుకోవడం బెటర్. ఇంకా పెద్ద హాల్ లాంటి వాటికైతే 2 టన్నుల ఏసీ ఉండాల్సిందే.
గది సైజుతో పాటు అది ఎక్కడ ఉందనేది కూడా చాలా ముఖ్యం. ముఖ్యంగా అపార్ట్మెంట్లలో పై అంతస్తులో (టాప్ ఫ్లోర్) ఉండేవారికి ఎండ నేరుగా తగులుతుంది. అలాగే పడమర వైపు కిటికీలు ఉండి సాయంత్రం దాకా ఎండ పడే గదులు త్వరగా వేడెక్కుతాయి. ఇలాంటి గదులు ఉన్నవారు మామూలు కంటే కాస్త ఎక్కువ కెపాసిటీ ఉన్న ఏసీని ఎంచుకోవడం మంచిది. లేదంటే గది చల్లబడటానికి చాలా టైమ్ పడుతుంది.
Also Read: మూడు 200MP కెమెరాలతో Xiaomi 17 Max సరికొత్త రికార్డు.. ఫీచర్లు చూస్తే మైండ్ బ్లాకే!
మరో ముఖ్యమైన విషయం.. ఆ గదిలో ఎంతమంది ఉంటారు? అనేది. గదిలో ఎక్కువ మంది జనం ఉన్నా, లేదా గదిలో వేడిని పుట్టించే టీవీలు, కంప్యూటర్లు, గేమింగ్ సిస్టమ్స్ లాంటివి ఉన్నా ఏసీ మీద లోడ్ పెరుగుతుంది. అందుకే గదిలో ఉండే జనాన్ని, వస్తువులను బట్టి కూడా మన ఏసీ పవర్ ఉండాలి. అప్పుడే కంప్రెసర్ మీద భారం పడకుండా గది త్వరగా చల్లబడుతుంది.
ఇప్పుడు మార్కెట్లో ఇన్వర్టర్ ఏసీలు బాగా పాపులర్ అయ్యాయి. వీటికి ఉన్న స్పెషాలిటీ ఏంటంటే.. గది చల్లబడగానే కంప్రెసర్ వేగాన్ని తగ్గించి కరెంటును ఆదా చేస్తాయి. ముఖ్యంగా 3 స్టార్ లేదా 5 స్టార్ రేటింగ్ ఉన్న ఇన్వర్టర్ ఏసీలు తీసుకుంటే నెలవారీ బిల్లులో చాలా మార్పు కనిపిస్తుంది. మొదట్లో కొంచెం రేటు ఎక్కువ అనిపించినా.. లాంగ్ రన్లో చాలా వరకు డబ్బులు మిగులుస్తాయి.
ఏసీలో ఫీచర్లు ఎన్ని ఉన్నా.. అది ఎంతకాలం మన్నుతుందనేది ముఖ్యం. ఎప్పుడైనా సరే కాపర్ కండెన్సర్ ఉన్న మోడల్స్ తీసుకోవడం ఉత్తమం. ఇవి త్వరగా పాడవవు, రిపేర్లు కూడా తక్కువగా వస్తాయి. ఇక ఇప్పుడు వస్తున్న కన్వర్టిబుల్ ఏసీలు అయితే మరీ మంచిది. బయట వాతావరణాన్ని బట్టి ఏసీ పవర్ను మనం అడ్జస్ట్ చేసుకోవచ్చు. వై-ఫై, యాప్ కంట్రోల్ వంటి స్మార్ట్ ఫీచర్లు సౌకర్యంగా ఉన్నా, కూలింగ్ సామర్థ్యానికే మొదటి ప్రాధాన్యత ఇవ్వాలి.
Also Read: ధర తక్కువ అని పెద్ద గదికి 1 టన్ ఏసీ కొన్నారా? ఏం పర్లేదు.. ఇలా చెయ్యండి!
Share
సూర్య 'కరుప్పు' విడుదలలో తీవ్ర గందరగోళం.. వారికి వార్నింగ్ ఇచ్చిన మూవీ టీం..
హాలీవుడ్ లోకి నిఖిల్.. తెలుగు సినిమాలకు గుడ్ బై..?
