Battery Life Tips: మీరు వాడుతున్న స్మార్ట్ఫోన్ స్లోగా ఛార్జ్ అవుతుందా? దీంతో విసిగిపోయి కొత్త ఫోన్ కొనాలని ప్లాన్ చేస్తుంటే మాత్రం.. ఒక్క నిమిషం ఆగండి. మీ స్మార్ట్ఫోన్ వేగంగా, సురక్షితంగా ఛార్జ్ అవ్వాలంటే.. కొన్ని సింపుల్ చిట్కాలను పాటిస్తే చాలంటున్నారు టెక్ నిపుణులు. దీంతో కొత్త ఫోన్ కొనాల్సిన అవసరం లేకుండానే.. ప్రస్తుత ఫోన్ బ్యాటరీ సామర్థ్యాన్ని పెంచుకోవచ్చు. అదెలాగంటే..
స్మార్ట్ఫోన్ను ఛార్జ్ చేసే సమయంలో నెట్వర్క్ సిగ్నల్స్, లొకేషన్, బ్యాక్గ్రౌండ్ యాప్స్ బ్యాటరీను వేగంగా ఖర్చు చేసేస్తాయి. కాబట్టి ఫోన్కు ఛార్జింగ్ పెట్టేటప్పుడు.. ఏరోప్లేన్ మోడ్లో ఆన్ చేయండి. దీంతో ఛార్జింగ్ వేగం గణనీయంగా పెరుగుతుంది. ముఖ్యంగా రాత్రి సమయంలో ఛార్జ్ చేసే వారికి ఇది చాలా ఉపయోగకరం.
ఒకవేళ ఏరోప్లేన్ మోడ్ పెట్టలేకపోతుంటే.. ఫోన్ సెట్టింగ్స్లోకి వెళ్లి పవర్ సేవింగ్ మోడ్ను ఆన్ చేయండి. ఇది బ్యాక్గ్రౌండ్ యాప్స్ని ఆపి, ఫోన్ పవర్ను వృధా కాకుండా చూసుకుంటుంది. ఫలితంగా.. ఛార్జింగ్ వేగం పెరుగుతుంది.
రాత్రంతా ఫోన్ను ఛార్జ్ పెట్టే అలవాటు ఉన్నవారికి Optimized battery charging లేదా Adaptive Protection ఆన్ చేయడం అవసరం. ఇది బ్యాటరీని 80 శాతం పూర్తయిన తర్వాత కాస్త మెల్లగా ఛార్జ్ చేస్తుంది. దీంతో ఫోన్ వేడెక్కకుండా, బ్యాటరీకి హాని కలగకుండా కాపాడుతుంది.
కొన్నిసార్లు ఛార్జింగ్ సమయంలో ఫోన్ విపరీతంగా వేడెక్కి పోతుంటుంది. నిజానికి ఈ వేడే బ్యాటరీకి అసలైన శత్రువు. కాబట్టి.. చార్జింగ్ పెట్టేముందు ఫోన్ కవర్ తీసేస్తే.. ఫోన్ చల్లగా ఉంటుంది. అలాగే గాలి తగిలి ఛార్జింగ్ వేగం కూడా పెరుగుతుంది.
స్మార్ట్ఫోన్ కంపెనీ ఇచ్చిన ఒరిజినల్ కేబుల్, అడాప్టర్ను మాత్రమే వాడాలి. ఇవి సరైన పవర్ను అందిస్తాయి. అదనంగా.. సెట్టింగ్స్లో Fast Charging ఆప్షన్ ఆన్లో ఉందో లేదో చెక్ చేయడం మర్చిపోకండి.
పాత స్మార్ట్ఫోన్లలో ఆప్టిమైజ్డ్ ఫీచర్ లేకపోవచ్చు. అందువల్ల బ్యాటరీని 20 శాతం కంటే.. తక్కువకు తగ్గనివ్వకండి. దీంతోపాటు 80 శాతం కంటే.. ఎక్కువ ఛార్జ్ కూడా చేయకండి. దీని వల్ల బ్యాటరీ లైఫ్ను ఎక్కువ రోజులు కాపాడుకోవచ్చు.
Share
Harish Rao: లోకేష్ బాటలో హరీష్ రావు.. ‘రెడ్ బుక్’లో వాళ్ల పేర్లు?
CM Chandrababu: సీఎం చంద్రబాబు బంపర్ ఆఫర్.. నోబెల్ సాధిస్తే రూ. 100 కోట్లు ఫ్రీ
