Wear OS: టెక్నాలజీ మన జీవితాలను ఎంతగా మారుస్తుందో చెప్పడానికి ఇదొక చక్కని ఉదాహరణ. ఇప్పటివరకు మనం స్మార్ట్వాచ్లను సమయం, ఫోన్ నోటిఫికేషన్లు చూడటానికో లేదా అడుగులను లెక్కించడానికో వాడేవాళ్లం. కానీ ఇప్పుడు అదే వాచ్.. మన ప్రాణాలను కాపాడే రక్షణ కవచంగా మారింది. గూగుల్ తన Wear OS వినియోగదారుల కోసం తాజాగా అప్డేట్ను తీసుకొచ్చింది. అదేంటో ఇప్పుడు వివరంగా తెలుసుకుందాం.
నిన్న మొన్నటి వరకు మన స్మార్ట్వాచ్కు భూకంప హెచ్చరికలు రావాలంటే.. అది కచ్చితంగా ఫోన్తో కనెక్ట్ అయి ఉండాల్సి వచ్చేది. ఫోన్ కూడా మన దగ్గర ఉండి, బ్లూటూత్ కూడా ఆన్లో ఉండాలి. ఒకవేళ ఎమర్జెన్సీ టైంలో ఫోన్ పక్కన లేకపోయినా లేదా ఛార్జింగ్ అయిపోయినా వాచ్లో అలర్ట్స్ వచ్చేవి కావు. కానీ ఇప్పుడు గూగుల్ ప్లే సర్వీసెస్ అప్డేట్ ద్వారా ఈ సమస్కకు చెక్ పెట్టింది. ఇకపై ఫోన్తో సంబంధం లేకుండా మన వాచ్కు నేరుగా భూకంప హెచ్చరికలు వస్తాయన్నమాట.
Also Read: మళ్లీ రాదు ఈ అవకాశం.. ఏసీలు, ఫ్రిడ్జ్లు, కూలర్లపై ఊహించని రీతిలో ధర తగ్గింపు!
గూగుల్ తన ఆండ్రాయిడ్ ఎర్త్క్వేక్ అలర్ట్స్ సిస్టమ్ కోసం ప్రపంచవ్యాప్తంగా ఉన్న లక్షలాది ఆండ్రాయిడ్ ఫోన్లలోని చిన్న చిన్న సెన్సార్లను ఉపయోగిస్తుంది. ఎక్కడైనా భూమిలో అసాధారణ కదలికలు మొదలైనప్పుడు, ఆ ఫోన్లు వెంటనే సమాచారాన్ని గూగుల్ సర్వర్లకు పంపిస్తాయి. సర్వర్లు ఆ డేటాను విశ్లేషించి, భూకంపం వచ్చే అవకాశం ఉందని నిర్ధారిస్తే.. వెంటనే ఆ ప్రాంతంలోని వాచ్లకు నేరుగా హెచ్చరికలను పంపిస్తాయి.
భూకంపం సంభవించడానికి కొన్ని సెకన్ల ముందే మీ వాచ్ వైబ్రేట్ అవుతూ హెచ్చరికను చూపిస్తుంది. ఆ కొద్దిపాటి సమయం మనకు ఎంతో విలువైనది. ఆ సమయంలో కిటికీలకు దూరంగా వెళ్లడం, టేబుల్ కింద దాక్కోవడం లేదా సురక్షిత ప్రాంతాలకు వెళ్లడం వంటివి చేసి మనల్ని మనం కాపాడుకోవచ్చు.
ఈ ఫీచర్ పని చేయాలంటే మీ స్మార్ట్వాచ్కు నేరుగా ఇంటర్నెట్ సౌకర్యం ఉండాలి. అంటే.. LTE సపోర్ట్ ఉన్న వాచ్లు లేదా Wi-Fiకి కనెక్ట్ అయి ఉన్న వాచ్లలో మాత్రమే ఇది పనిచేస్తుంది. మీ వాచ్లో గూగుల్ ప్లే సర్వీసెస్ను అప్డేట్ చేసుకోవడం ద్వారా ఈ సేఫ్టీ ఫీచర్ను పొందవచ్చు.
Also Read: ఇది కలా.. నిజమా? అమెజాన్లో నథింగ్ ఫోన్ 3పై రూ.32,000 ఫ్లాట్ డిస్కౌంట్!
Share
Sree Vishnu: సినిమా ముందే లీకైంది.. ‘విష్ణు విన్యాసం’ హడావుడి రిలీజ్కు కారణమిదే!
Kakinada Blast: వేట్లపాలెం ప్రమాద స్థలంలో సీఎం చంద్రబాబు.. బాధిత కుటుంబాలకు భరోసా
