Google Pixel: గూగుల్ పిక్సెల్ యూజర్లకు గుడ్ న్యూస్ వచ్చేసింది. ఈ క్రమంలో గూగుల్ తాజా ఆండ్రాయిడ్ 16 బీటా 3 అప్డేట్ను పిక్సెల్ ఫోన్లకు విడుదల చేసింది. ఇది 2025 రెండో త్రైమాసికంలో విడుదల కానున్న ఆండ్రాయిడ్ 16 వెర్షన్కు కీలక అప్డేట్. దీని ద్వారా పిక్సెల్ యూజర్లకు మరింత మెరుగైన యాక్సెసిబిలిటీ, భద్రత, యూజర్ ఎక్సీపిరియన్స్ లభించనుంది. మార్చి మధ్యలో విడుదల అవుతుందని లీక్లు చెబుతున్న ఈ అప్డేట్ ఇప్పుడు అధికారికంగా అందుబాటులోకి వచ్చింది.
Android 16 Beta 3 – ఎవరికి లభిస్తుంది?
గూగుల్ పిక్సెల్ పరికరాలకు ఆండ్రాయిడ్ 16 బీటా 3 ను అందుబాటులోకి వస్తుంది. మీరు ఆయా మోడల్ను కలిగి ఉంటే, మీరు ఈ కొత్త ఫీచర్లను అనుభవించవచ్చు. గూగుల్ మద్దతు ఇచ్చిన పరికరాల జాబితాలో
పిక్సెల్ 9 సిరీస్ – పిక్సెల్ 9, పిక్సెల్ 9 ప్రో, పిక్సెల్ 9 ప్రో ఫోల్డ్
పిక్సెల్ 8 సిరీస్ – పిక్సెల్ 8, పిక్సెల్ 8 ప్రో, పిక్సెల్ 8a
పిక్సెల్ 7 సిరీస్ – పిక్సెల్ 7, పిక్సెల్ 7 ప్రో, పిక్సెల్ 7a
పిక్సెల్ 6 సిరీస్ – పిక్సెల్ 6, పిక్సెల్ 6 ప్రో, పిక్సెల్ 6a
ఈ పరికరాల్లో మీరు బీటా 3 ను డౌన్లోడ్ చేసి ఉపయోగించుకోవచ్చు.
Android 16 Beta 3 – కొత్త ఫీచర్లు ఇవే!
ఈ తాజా అప్డేట్తో గూగుల్ వినియోగదారులకు మరింత అధునాతన ఫీచర్లను అందిస్తోంది. ఫీచర్లు పూర్తిగా వినియోగదారుల అనుభవాన్ని మెరుగుపరిచేలా రూపొందించబడ్డాయి.
Read Also: Realme C63: రూ. 7 వేలకే ప్రీమియం ఫీచర్ల స్మార్ట్ఫోన్..
మెరుగైన యాక్సెసిబిలిటీ (Accessibility)
స్క్రీన్పై టెక్స్ట్ స్పష్టంగా కనిపించేలా మెరుగైన టెక్స్ట్ విజిబిలిటీ, రంగుల కాంబినేషన్లను పరిచయం చేసింది. దృష్టి సమస్యలు ఉన్న వారికి ఇది చాలా ప్రయోజనంగా ఉంటుంది. డార్క్ మోడ్లో కూడా టెక్స్ట్ స్పష్టంగా ఉండేలా మార్పులు చేశారు.
ఆరాకాస్ట్ బ్లూటూత్ సపోర్ట్ (Auracast Bluetooth Support)
వినికిడి సమస్యలు ఉన్నవారు ఈ ఫీచర్ ద్వారా బ్లూటూత్ ద్వారా పబ్లిక్ ఆడియో సిస్టమ్స్తో కనెక్ట్ అవ్వొచ్చు. ఎయిర్పోర్ట్లు, హోటళ్ల లాబీలలోని స్పీకర్లకు కనెక్ట్ అవ్వడం సాధ్యమవుతుంది. ఇయర్బడ్లు, హియరింగ్ ఎయిడ్లు వంటి పరికరాల ద్వారా శబ్దాన్ని స్పష్టంగా వినవచ్చు.
మెరుగైన భద్రత, గోప్యత (Enhanced Security and Privacy)
స్థానిక నెట్వర్క్ రక్షణ (Local Network Protection) – వినియోగదారులు తమ స్థానిక నెట్వర్క్ను యాక్సెస్ చేసే అనుమతులను నియంత్రించుకోవచ్చు. అనుమతి లేని యాప్లు స్థానిక నెట్వర్క్ను యాక్సెస్ చేయకుండా అడ్డుకోవచ్చు. ఫోన్లో డేటా లీక్ కాకుండా మరింత రక్షణ అందించనుంది.
మెరుగైన పనితీరు (Performance Boost)
పిక్సెల్ ఫోన్ల పనితీరును మెరుగుపరిచేలా కొత్త మెకానిజం. బ్యాటరీ సేవింగ్ ఆప్షన్ ద్వారా బ్యాక్గ్రౌండ్ యాప్లు ఆటోమేటిక్గా క్లోజ్ అవ్వడం జరుగుతుంది. గేమింగ్ మోడ్లో ల్యాగ్ లేకుండా ఫోన్ ఫాస్ట్గా పనిచేస్తుంది.
కొత్త AI ఫీచర్లు (New AI Features)
రాబోయే బీటా అప్డేట్లో మరింత అధునాతన AI ఆధారిత ఫీచర్లు అందుబాటులోకి రానున్నాయి. వినియోగదారుల నడవడికను అర్థం చేసుకుని, AI ఆధారంగా ఉత్తమమైన సూచనలు చేయడం జరుగుతుంది.
Android 16 Beta 3 ఎలా డౌన్లోడ్ చేసుకోవాలి?
మీరు Pixel 6a లేదా అంతకంటే తాజా మోడల్ ఉపయోగిస్తుంటే, క్రింద ఇచ్చిన స్టెప్స్ను ఫాలో అవ్వండి:
Google Pixel బీటా ప్రోగ్రామ్ లో నమోదు కావాలి.
సెట్టింగ్స్లో System → Software Update లోకి వెళ్లండి.
“Android 16 Beta 3” అప్డేట్ను సెలెక్ట్ చేసి డౌన్లోడ్ చేసుకోండి.
ఇన్స్టాల్ అయిన తర్వాత మీ ఫోన్ను రీబూట్ చేయండి.
గమనిక: బీటా వెర్షన్ను ఇన్స్టాల్ చేయడానికి ముందు, మీ డేటా బ్యాక్అప్ తీసుకోవడం మంచిది. ఎందుకంటే, బీటా వెర్షన్లో కొన్ని సమస్యలు ఎదురయ్యే అవకాశముంది.
Share
Chandoo Mondeti: సూర్య కాదు.. ‘తండేల్’ తర్వాత ఈ తెలుగుతోనే చందూ మోండేటి సినిమా..
Karnataka Accident: కారు ఢీకొని.. తలకిందులుగా వేలాడిన మహిళ, వీడియో వైరల్!
