Google Pixel 10 Price Cut: ప్రముఖ ఈ-కామర్స్ దిగ్గజం ఫ్లిప్కార్ట్ స్మార్ట్ఫోన్ ప్రియులకు క్రేజీ ఆఫర్ తీసుకొచ్చింది. గూగుల్ ఫ్లాగ్షిప్ ఫోన్ ‘పిక్సెల్ 10’ పై భారీగా ధర తగ్గించింది. అద్భుతమైన ఏఐ ఫీచర్లు, అదిరిపోయే కెమెరా పెర్ఫార్మెన్స్తో మార్కెట్లోకి వచ్చిన ఈ ఫోన్ను ఇప్పుడు చాలా తక్కువ ధరకే సొంతం చేసుకోవచ్చు.
గూగుల్ ఈ ఫోన్ 12GB RAM, 256GB స్టోరేజ్ వేరియంట్ను రూ.79,999 లాంచ్ ధరతో మార్కెట్లోకి తెచ్చింది. కానీ ప్రస్తుత ఆఫర్లో భాగంగా ఈ ఫోన్ ఫ్లిప్కార్ట్లో రూ.57,999కే అందుబాటులో ఉంది. అంటే నేరుగా రూ.22 వేల తగ్గింపు లభిస్తోంది. దీనికి తోడు ఎంపిక చేసిన బ్యాంక్ కార్డులపై రూ.7,000 ఇన్స్టంట్ డిస్కౌంట్ కూడా ఉంది. పాత ఫోన్ ఎక్స్ఛేంజ్ చేయడం ద్వారా లేదా నో-కాస్ట్ ఈఎంఐ ఆప్షన్ల ద్వారా ఈ ధరను ఇంకా తగ్గించుకోవచ్చు.
Also Read: ఫోన్ ఓపెన్ చేయక్కర్లేదు.. చేతిపైనే అంతా, పెబుల్ తెచ్చిన ఈ స్మార్ట్ బ్యాండ్ స్పెషాలిటీ ఏమిటంటే?
ఈ స్మార్ట్ఫోన్ గూగుల్ సొంతంగా తయారు చేసిన లేటెస్ట్ టెన్సర్ G5 చిప్సెట్తో పనిచేస్తుంది. దీనిలో 6.3 ఇంచుల యాక్చువా OLED డిస్ప్లేను అందించారు. ఇది 120Hz రీఫ్రెష్ రేట్, 3,000 నిట్స్ పీక్ బ్రైట్నెస్తో వస్తుంది కాబట్టి.. స్క్రీన్ చాలా స్మూత్గా, బ్రైట్గా కనిపిస్తుంది. అలాగే స్క్రీన్ రక్షణ కోసం గొరిల్లా గ్లాస్, సెక్యూరిటీ కోసం ఇన్-డిస్ప్లే ఫింగర్ప్రింట్ సెన్సార్ ఉన్నాయి.
ఫొటోగ్రఫీ ఇష్టపడే వారికి Pixel 10 ఒక మంచి ఛాయిస్. దీని వెనుక భాగంలో మూడు కెమెరాలు ఉన్నాయి. ఓఐఎస్ సపోర్ట్ ఉన్న 48 మెగాపిక్సెల్ ప్రధాన కెమెరాతో పాటు, 13 మెగాపిక్సెల్ అల్ట్రావైడ్ లెన్స్, 10.8 మెగాపిక్సెల్ టెలిఫోటో లెన్స్ ఉన్నాయి. అలాగే సెల్ఫీల కోసం ముందు భాగంలో 10.5 మెగాపిక్సెల్ కెమెరాను అమర్చారు.
రోజంతా వాడుకోవడానికి ఈ ఫోన్లో 4970mAh సామర్థ్యం గల బ్యాటరీ ఉంది. ఇది 30W వైర్డ్ ఛార్జింగ్, 10W వైర్లెస్ ఛార్జింగ్ను సపోర్ట్ చేస్తుంది. Pixel 10 లేటెస్ట్ ఆండ్రాయిడ్ 16 ఆపరేటింగ్ సిస్టమ్తో వస్తుంది. అలాగే నీరు, ధూళి నుండి రక్షణ కోసం ఐపీ68 రేటింగ్ను కూడా కలిగి ఉంది. గూగుల్ క్లీన్ ఆండ్రాయిడ్ అనుభవంతో పాటు దీనికి సుదీర్ఘ కాలం పాటు సాఫ్ట్వేర్ అప్డేట్లను కూడా అందించనుంది.
Also Read: మీ WhatsApp హ్యాక్ అయిందా? ఢిల్లీ పోలీస్ చెప్పిన ఈ సీక్రెట్ కోడ్తో క్షణాల్లో రికవరీ చేయొచ్చు!
Share
కేసీఆర్ను ఓడగొట్టి.. మీరే నష్టపోయారు! ఆయనకేం నష్టం లేదు! కేటీఆర్ నోటా మళ్లీ అవే మాటలు...
అమ్మాయిల కోసం.. టాప్ 5 స్టైలిష్ నాయిస్ స్మార్ట్వాచెస్
