Google Gemma 4: నేటి టెక్నాలజీ యుగంలో ఆర్టిఫిషియల్ ఇంటెలిజెన్స్ (AI) వాడకం రోజురోజుకూ పెరిగిపోతోంది. అయితే ఇప్పటివరకు పెద్ద పెద్ద ఏఐ టూల్స్ వాడాలంటే ఇంటర్నెట్, క్లౌడ్ కంప్యూటింగ్ సపోర్ట్ తప్పనిసరిగా ఉండేది. కానీ ఇప్పుడు గూగుల్ డీప్మైండ్ ఈ సమస్యకు చెక్ పెడుతూ సరికొత్త ప్రయోగం చేసింది. జెమిని టెక్నాలజీ ఆధారంగా పనిచేసే Gemma 4 12B అనే ఓపెన్ ఏఐ మోడల్ను మార్కెట్లోకి విడుదల చేసింది. దీని ప్రత్యేకత ఏంటంటే.. ఎలాంటి క్లౌడ్ సపోర్ట్ లేకుండా నేరుగా పర్సనల్ కంప్యూటర్లు, వర్క్స్టేషన్లలోనే ఇది చాలా వేగంగా పనిచేస్తుంది.
సాధారణంగా భారీ ఏఐ మోడల్స్ రన్ అవ్వాలంటే ఖరీదైన సర్వర్లు, ఎక్కువ కంప్యూటింగ్ పవర్ అవసరమవుతాయి. కానీ గూగుల్ ఈ మోడల్ను చాలా తెలివిగా డిజైన్ చేసింది. ఇది తక్కువ హార్డ్వేర్ సామర్థ్యంతోనే అద్భుతమైన అవుట్పుట్ ఇస్తుంది. మనం రోజువారీగా వాడే నార్మల్ డెస్క్టాప్ సిస్టమ్స్, కన్జ్యూమర్ గ్రేడ్ గ్రాఫిక్స్ కార్డ్స్ (GPUs) ఉన్న కంప్యూటర్లలో కూడా ఇది చాలా స్మూత్గా రన్ అవుతుంది. దీనివల్ల డెవలపర్లు, కంపెనీలకు క్లౌడ్ ఖర్చులు భారీగా తగ్గుతాయి. అన్నింటికంటే ముఖ్యంగా.. డేటా అంతా మన సిస్టమ్లోనే ఉండటం వల్ల ప్రైవసీకి ఎలాంటి ఢోకా ఉండదు.
Also Read: ఈ మండే ఎండలకు తక్కువ బడ్జెట్లో ఏసీ కావాలా? రూ. 25,000 లోపు బెస్ట్ ఆప్షన్స్ ఇవే!
ఈ సరికొత్త Google Gemma 4 మోడల్ పాత వాటికంటే చాలా తెలివైంది. క్లిష్టమైన సమస్యలను అర్థం చేసుకోవడం, ఇచ్చిన సూచనలను ఖచ్చితంగా పాటించడం, ఒకదాని తర్వాత ఒకటిగా ఉండే మల్టీస్టెప్ టాస్క్లను పూర్తి చేయడంలో ఇది చాలా మెరుగ్గా పనిచేస్తుంది. సాఫ్ట్వేర్ డెవలపర్లు తమకు నచ్చిన ఏఐ అప్లికేషన్లను తయారు చేసుకోవడానికి వీలుగా ఫంక్షన్ కాలింగ్, స్ట్రక్చర్డ్ JSON అవుట్పుట్ వంటి అడ్వాన్స్డ్ ఫీచర్లను దీనిలో ఇచ్చారు. అలాగే కోడింగ్ రాయడం, అందులోని తప్పులను సరిదిద్దడం వంటి పనులను కూడా ఇది చిటికెలో పూర్తి చేస్తుంది.
Gemma 4 కేవలం టెక్ట్స్కే పరిమితం కాలేదు. ఇమేజెస్, వీడియోలను కూడా సులభంగా విశ్లేషించగలదు. ఫొటోలలోని టెక్ట్స్ను గుర్తించడం (OCR), పెద్ద పెద్ద డాక్యుమెంట్లను ఒకేసారి చదివి అర్థం చేసుకోవడం వంటి మల్టీమోడల్ పనులను చాలా ఈజీగా చేస్తుంది. దీనికోసం డేటాను వేరే చోటికి పంపాల్సిన అవసరం లేదు. అంతేకాదు.. ఈ ఏఐ మోడల్ ప్రపంచవ్యాప్తంగా 140 కంటే ఎక్కువ భాషలను సపోర్ట్ చేస్తుంది. అపాచీ 2.0 లైసెన్స్తో వస్తున్నందున, రీసెర్చ్ చేసేవారితో పాటు కమర్షియల్ బిజినెస్ల కోసం కూడా ఎవరైనా దీనిని ఉచితంగా వాడుకోవచ్చు.
Also Read: నథింగ్ నుంచి బడ్జెట్ ఫ్రెండ్లీ ఇయర్బడ్స్.. ఫీచర్లు తెలిస్తే వెంటనే బుక్ చేసుకుంటారు!
Share
ఇల్లంతా చల్లగా ఉండాలా.. సెంట్రలైజ్డ్ ఏసీ బెస్ట్ భయ్యా.. కాకపోతే!
చల్లని కబురు వచ్చేసింది.. కేరళలోకి నైరుతి రుతుపవనాలు ఎంట్రీ, వారం రోజుల్లో తెలుగు రాష్ట్రాల్లోకి ప్రవేశం
