Spam Calls: ప్రస్తుత రోజుల్లో అనవసరమైన స్పామ్ కాల్స్, మార్కెటింగ్ కాల్స్ ఇలా అనేకం చాలా వరకు పెరిగిపోయాయి. ఇవి మన రోజువారీ జీవితంలో అంతరాయం కలిగిస్తూ, సమయాన్ని వృథా చేస్తున్నాయి. కొన్నిసార్లు బ్యాంకింగ్ స్కామ్లు, ఫేక్ ఆఫర్లు, లక్కీ డ్రా వంటి పేర్లతో ప్రజలను మోసం చేసే ప్రయత్నాలు కూడా జరుగుతున్నాయి. ఇలా అకారణంగా వచ్చే కాల్స్ వల్ల చాలా మంది విసుగు చెంది, అసలు కాల్స్ను కూడా అందుకోకుండా ఉంటున్నారు. ఈ సమస్యను తగ్గించేందుకు ప్రభుత్వం, నెట్వర్క్ ప్రొవైడర్లు కూడా చర్యలు తీసుకుంటున్నారు.
అందుబాటులోకి కొత్త ఫీచర్
దీనికి పరిష్కారంగా భారతీయ టెలికాం కంపెనీలు Caller Name Presentation (CNAP) అనే కొత్త ఫీచర్ను అందుబాటులోకి తీసుకురాబోతున్నాయి. ఈ CNAP ఫీచర్ వల్ల కాల్ చేస్తున్న వ్యక్తి పేరు నేరుగా మీ ఫోన్ స్క్రీన్పై కనిపిస్తుంది. అంటే, మీరు Truecaller లాంటి యాప్స్ లేకుండానే కాల్ చేసిన వ్యక్తి వివరాలను తెలుసుకోవచ్చు.
CNAP ఫీచర్ అంటే ఏంటి?
CNAP (Caller Name Presentation) అనేది ఒక టెలికాం ఫీచర్. ఇది కాల్ చేస్తున్న వ్యక్తి అసలైన పేరును మీ మొబైల్ స్క్రీన్పై ప్రదర్శిస్తుంది.
ఇప్పటి వరకూ..
మనం Truecaller, Whoscall లాంటి యాప్స్ను ఉపయోగించి కాలర్ వివరాలు తెలుసుకోవాల్సి వచ్చేది. వీటిలో యూజర్-జనరేటెడ్ డేటా ఆధారంగా పేర్లు కనిపించేవి. అంటే, ఎవరో ఒకరు మన నెంబర్ను ఏదో పేరుతో సేవ్ చేస్తే, అదే పేరు అందరికీ కనబడేది. కానీ, దీనివల్ల అసలు పేరు కాకుండా, పొరపాటు సమాచారం కూడా కనిపించేది.
ఇకపై..
-CNAP వల్ల నేరుగా టెలికాం కంపెనీ డేటాబేస్లో నమోదైన పేరు కనబడుతుంది.
-ఇది KYC డాక్యుమెంట్స్ (ఆధార్, PAN, డ్రైవింగ్ లైసెన్స్) ఆధారంగా నిర్ధారించబడిన పేరును మాత్రమే చూపిస్తుంది.
-దాంతో స్కామ్ కాల్స్, ఫేక్ కాల్స్ గుర్తించడానికి చాలా ఉపయోగపడుతుంది.
Read Also: Wireless Earbuds Offer: OnePlus వైర్లెస్ ఇయర్బడ్స్ పై
CNAP ఎలా పనిచేస్తుంది?
-మీరు ఎవరినైనా కాల్ చేస్తే, మీరు టెలికాం కంపెనీ వద్ద ఎలా రిజిస్టర్ అయ్యారో, ఆ పేరే కాల్ రిసీవ్ చేసే వ్యక్తికి కనిపిస్తుంది.
-మీ ఫోన్ నెంబర్ KYC (Know Your Customer) డాక్యుమెంట్స్తో రిజిస్టర్ అయిన పేరు యూజర్ స్క్రీన్పై ప్రదర్శించబడుతుంది.
-మీ ఫోన్లో Truecaller లేకపోయినా, కాల్ చేసిన వ్యక్తి పేరు మీ స్క్రీన్పై కనిపిస్తుంది.
-ఇప్పుడు మీరు స్కామ్ కాల్ అనిపిస్తే, వెంటనే బ్లాక్ చేయవచ్చు!
CNAP ఫీచర్ను ఎప్పుడు విడుదల చేస్తారు?
-2023 ఫిబ్రవరిలో TRAI (Telecom Regulatory Authority of India) ఈ ఫీచర్పై సిఫార్సులు ఇచ్చింది.
-Department of Telecommunications (DoT) ఈ ఫీచర్ను త్వరగా అమలు చేయాలని సూచించింది.
-Jio, Airtel, Vi వంటి ప్రముఖ భారతీయ టెలికాం కంపెనీలు ఇప్పటికే ఈ ఫీచర్ను అమలు చేయడానికి సాంకేతికను సిద్ధం చేసుకుంటున్నాయి.
-HP, Dell, Nokia, Ericsson లాంటి కంపెనీల సహాయంతో ఈ వ్యవస్థను అభివృద్ధి చేస్తున్నారు.
-2025 మధ్యలో లేదా చివరి నాటికి ఈ ఫీచర్ అందుబాటులోకి వచ్చే అవకాశం ఉంది.
CNAP వల్ల కలిగే ప్రయోజనాలు
-స్కామ్ & ఫ్రాడ్ కాల్స్ తగ్గిపోతాయి – అసలు పేరు కనబడేలా ఉండటం వల్ల మోసగాళ్లు దొరికిపోతారు.
-స్పామ్ & మార్కెటింగ్ కాల్స్ బ్లాక్ చేయడం సులభం – ఎవరి నుంచి కాల్ వచ్చిందో తెలుసుకుని, అవసరం లేనివాటిని బ్లాక్ చేయొచ్చు.
-Truecaller అవసరం తగ్గిపోతుంది – టెలికాం నెట్వర్క్ నుంచే పేర్లు కనబడటం వల్ల, యాప్స్ ఉపయోగించాల్సిన పనిలేదు.
-వ్యాపారాలు ట్రస్ట్ పెరుగుతుంది – కంపెనీలు అసలు పేరుతో కనబడటం వల్ల, ఫేక్ బ్రాండ్స్ ఆగిపోతాయి.
-ప్రైవసీ మెరుగవుతుంది – ఇతర యాప్స్ డేటా సేకరించకుండా, అధికారిక నెట్వర్క్ నుంచే సమాచారం పొందొచ్చు.
Share
Ruhani Sharma: భూమ్ అనిపించిన రుహానీ శర్మ.. ఆ అందాలేంటి బాబోయ్..!
India US Tariffs: చైనా, కెనడా లాగా కాదు.. ఇండియా మాకు ప్రత్యేకం కానీ: సుంకాలపై అమెరికా
