Summer Tips: దుబాయ్, సౌదీ వంటి గల్ఫ్ దేశాల పేర్లు వినగానే ముందుగా మనందరికీ గుర్తొచ్చేది ఆకాశాన్ని తాకే భవనాలు. కానీ, అక్కడ వేసవి వచ్చిందంటే పరిస్థితి చాలా భయంకరంగా ఉంటుంది. ఉష్ణోగ్రతలు ఏకంగా 50 డిగ్రీలు దాటేస్తాయి. కారు స్టీరింగ్ పట్టుకోవాలన్నా, రోడ్డు మీద అడుగు పెట్టాలన్నా భయపడేంత సెగ ఉంటుంది. మరి ఇంతటి నిప్పుల కొలిమిలో కూడా అక్కడి జనం ఎలా హ్యాపీగా ఉంటున్నారో తెలుసా? దీనికి కారణం వాళ్లు పాటించే కొన్ని స్మార్ట్ చిట్కాలు. అవేంటో ఇప్పుడు మనమూ తెలుసుకుందాం..
ఎండలు ముదురుతున్నాయని తెలిస్తే చాలు.. అక్కడి ప్రభుత్వాలు కఠినమైన రూల్స్ పెడతాయి. జూన్ నుంచి సెప్టెంబర్ వరకు మధ్యాహ్నం 12:30 నుండి 3:00 గంటల వరకు ఎవరూ ఎండలో పని చేయకూడదు. దీనినే ‘మిడ్ డే బ్రేక్’ అంటారు. ఈ టైమ్లో రోడ్ల మీద జనం కూడా కనిపించరు. అందుకే మనం కూడా ఎండ తీవ్రత ఎక్కువగా ఉండే మధ్యాహ్నం వేళ పనులను వాయిదా వేసుకుని, ఉదయం లేదా సాయంత్రం ప్లాన్ చేసుకోవడం అన్నిటికంటే బెస్ట్.
దుబాయ్లో అడుగుపెట్టిన క్షణం నుంచి మనకు ఎక్కడా వేడి తగలకుండా జాగ్రత్తలు ఉంటాయి. బస్ స్టాప్లు, మెట్రో స్టేషన్లు కూడా ఏసీలతో నిండి ఉంటాయి. భవనాల నిర్మాణంలో కూడా ప్రత్యేక అద్దాలను వాడతారు. ఇవి సూర్యరశ్మిని వెనక్కి పంపేసి గది లోపల చల్లగా ఉండేలా చూస్తాయి. ఇక పాతకాలపు పద్ధతైన ‘విండ్ టవర్ల’ టెక్నాలజీని వాడుతూ విద్యుత్ ఖర్చు లేకుండా చల్లటి గాలిని ఇంటి లోపలికి రప్పించుకుంటారు.
Also Read: AC పేలుళ్లకు అసలు కారణం ఇదేనా? కేంద్ర ప్రభుత్వం చెప్పిన ఈ 5 జాగ్రత్తలు పాటించకపోతే రిస్కే!
ఎడారి దేశాల్లో ఉండేవారు ఎండను తట్టుకోవడానికి తమ ఆహారపు అలవాట్లను మార్చుకుంటారు. మసాలాలు, వేపుళ్లు తగ్గించి పండ్లు, పెరుగు, సలాడ్స్, ఖర్జూరాలకు ప్రాధాన్యత ఇస్తారు. శరీరం డీహైడ్రేట్ కాకుండా రోజుకు కనీసం 5 లీటర్ల నీటిని తాగుతూ.. ఓఆర్ఎస్ లేదా నిమ్మరసం తీసుకుంటారు. మనం కూడా ఈ ఎండలకు కాటన్ దుస్తులు ధరిస్తూ, నీళ్లు ఎక్కువగా తాగితే ఎండ దెబ్బ నుంచి సులభంగా తప్పించుకోవచ్చు.
పగటిపూట కిటికీ కర్టెన్లు పూర్తిగా మూసి ఉంచడం వల్ల గదులు వేడెక్కకుండా ఉంటాయి. ఇక కారు విషయంలో దుబాయ్లో ఇంట్రెస్టింగ్ టిప్ పాటిస్తారు. గమ్యస్థానానికి చేరుకునే 5 నిమిషాల ముందే ఏసీ ఆపేస్తారు. దీనివల్ల బాడీ బయట ఉన్న వేడికి నెమ్మదిగా అలవాటు పడుతుంది. చల్లటి ఏసీ నుంచి ఒక్కసారిగా 50 డిగ్రీల ఎండలోకి వెళ్తే వచ్చే ‘హీట్ స్ట్రోక్’ ప్రమాదాన్ని ఇలా తప్పించుకోవచ్చు.
Also Read: Wi-Fi AC ఏసీ అంటే లగ్జరీ కాదు.. టైం, కరెంట్ బిల్లును సేవ్ చేసే స్మార్ట్ టెక్నాలజీ!
Share
CBSE Class 12 results-2026: సీబీఎస్ఈ ఇంటర్ ఫలితాలు విడుదల.. అబ్బాయిల కంటే అమ్మాయిల ఉత్తీర్ణత ఎక్కువ
నాడు అడవిని శాసించిన నేత.. నేడు పరీక్షా హాల్లో విద్యార్థి.. ఎందుకో తెలిస్తే ఆశ్చర్యపోతారు!
