Washing Machine Tips: మనందరి వార్డ్రోబ్లో కచ్చితంగా మనకు నచ్చిన ఫేవరెట్ డ్రెస్సులు కొన్ని ఉంటాయి. మనసుకు నచ్చిన దుస్తులు వేసుకుంటే వచ్చే ఆ కాన్ఫిడెన్సే వేరు. అయితే, ఈ రోజుల్లో బిజీ లైఫ్ వల్ల టైమ్ లేక, మనం చేసే అతిపెద్ద తప్పు ఏంటంటే.. వాషింగ్ మెషీన్ కదా అని అన్ని రకాల బట్టలను అందులో కుక్కేయడం. ఒక్కసారి ఆలోచించండి.. ఆ వేగంగా తిరిగే చక్రాలు, వేడి నీళ్లు, ఘాటైన సర్ఫ్ పొడులు మన సున్నితమైన పట్టు చీరలను లేదా ఖరీదైన సూట్లను ఏం చేస్తాయో? పాపం, అవి తమ రంగును, మెరుపును, ఆఖరికి వాటి షేప్ను కూడా కోల్పోతాయి.
కష్టపడి కొనుక్కున్న బట్టలు అలా పాడైపోతుంటే చూస్తూ తట్టుకోవడం ఎవరికైనా కష్టమే మరి. అందుకే.. వాషింగ్ మెషీన్ మన పనిని సులభం చేసినా, కొన్ని బట్టల విషయంలో మాత్రం మనం చాలా జాగ్రత్తగా ఉండాల్సిందే. మరి మన వార్డ్రోబ్లోని ఏయే దుస్తులను మెషీన్లో వేయకూడదో, వాటిని ఎలా కాపాడుకోవాలో ఇప్పుడు తెలుసుకుందామా..
పండగలు లేదా ఫంక్షన్లప్పుడు మనం ఎంతో ఇష్టంగా కట్టుకునే పట్టుచీరలు, జరీ వర్క్ ఉన్న డ్రెస్సులను మెషీన్లో అస్సలు వేయకండి. మెషీన్ తిరిగే వేగానికి ఆ జరీ పోగులు బయటకు వచ్చేసి, బట్ట పీచు పీచుగా అయిపోయే ప్రమాదం ఉంది. వీటిని వీలైనంత వరకు డ్రై క్లీనింగ్కు ఇవ్వడమే బెటర్.
Also Read: థైరాయిడ్ రిపోర్ట్ నార్మల్గా ఉన్నా నీరసం తగ్గడం లేదా? అసలు గుట్టు ఇదే!
కుందన్లు, పూసలు లేదా అద్దాలతో డిజైన్ చేసిన డ్రెస్సులు చూడటానికి చాలా అందంగా ఉంటాయి. కానీ, మెషీన్లో వేస్తే మాత్రం ఆ డిజైన్ చిందరవందర అయిపోతుంది. ఒక్కోసారి ఆ పూసలు ఊడిపోయి మెషీన్ లోపల ఇరుక్కుపోయే అవకాశం కూడా ఉంది. ఇలాంటి వాటిని చేత్తో చాలా సున్నితంగా ఉతకాలి.
చలికాలంలో మనం వేసుకునే ఉన్ని బట్టలు మెషీన్ వేడికి లేదా వేగానికి సాగిపోయి వాటి షేప్ను కోల్పోతాయి. ఒక్కోసారి స్వెటర్లు కుంచించుకుపోయి చిన్నవిగా అయిపోవచ్చు. అందుకే వీటిని ప్రత్యేకమైన లిక్విడ్ డిటర్జెంట్లతో చేత్తో ఉతికితేనే ఎక్కువ కాలం మన్నుతాయి.
లెదర్ జాకెట్లు, సింథటిక్ మెటీరియల్స్ మెషీన్ నీళ్లలో నానితే వాటిపై ఉన్న పొర పొట్టులా ఊడిపోతుంది. అలాగే ఇవి వాటి సహజమైన మెరుపును కోల్పోయి పాతవాటిలా కనిపిస్తాయి. వీటిని కేవలం తడి గుడ్డతో తుడవడమో లేదా నీటితో సున్నితంగా వాష్ చేయడమో చేయాలి.
చాలామంది చేసే సాధారణ పొరపాటు ఏమిటంటే.. ఇన్నర్ వేర్లను వాషింగ్ మెషీన్లో వేస్తుంటారు. దీంతో వాటిలోని ఎలాస్టిక్ త్వరగా లూజ్ అయిపోతుంది. తద్వారా అవి వాటి షేప్ను కోల్పోయి అసౌకర్యాన్ని కలిగిస్తాయి. వీటిని చేత్తో ఉతికితేనే హైజీనిక్గా ఉండటంతో పాటు ఎక్కువ రోజులు వస్తాయి.
Also Read: మార్కెట్లోకి అదిరిపోయే పోర్టబుల్ ఏసీలు.. ఏ గదిలోకి కావాలంటే ఆ గదిలో పెట్టుకోవచ్చు!
Share
Uday Kiran: పవన్ సినిమాపై ఉదయ్ కిరణ్ అలా అన్నారా.. అసలు విషయం చెప్పిన వి.ఎన్ ఆదిత్య!
Bhatti Vikramarka: మున్సిపల్ పోరులో కాంగ్రెస్ క్లీన్ స్వీప్.. ఇది ప్రజా తీర్పునకు నిదర్శనం : డిప్యూటీ సీఎం భట్టి విక్రమార్క
