Fan Speed Tips: ప్రస్తుత వేసవిలో కాలంలో ఫ్యాన్ గాలి లేకుండా క్షణం కూడా ఉండే పరిస్థితి లేదు. అయితే కొన్ని సార్లు ఈ సీలింగ్ ఫ్యాన్లు.. చాలా నెమ్మదిగా తిరుగుతూ సహనానికి పరీక్షగా మారుతుంటాయి. అసలే ఉక్కపోతతో అల్లాడిపోతున్న ఇంటి సభ్యులకు.. ఈ ఫ్యాన్ స్లో తిరగడం అనేది మరింత చికాకును కలిగిస్తుంటుంది. ఆ కోపంలో పాత దాని స్థానంలో కొత్తది ఫిక్స్ చేసేందుకు రెడీ అయిపోతుంటారు. అయితే కొన్ని సులువైన చిట్కాలు పాటించడం ద్వారా పాత ఫ్యాన్ నే తిరిగి కొత్తదానిలా తిరిగేలా చేయవచ్చని నిపుణులు సూచిస్తున్నారు. అవి ఏంటో ఇప్పుడు చూద్దాం.
చాలా కాలం పాటు ఫ్యాన్ తుడవకపోతే రెక్కలపై మందపాటి దుమ్ము పేరుకుపోతుంది. ఈ అదనపు బరువు వల్ల ఫ్యాన్ వేగం కొన్నిసార్లు తగ్గే అవకాశముంది. కాబట్టి ముందుగా ఫ్యాన్ బ్లేడ్లను మెత్తని బట్టతో శుభ్రం చేస్తే మంచిందని నిపుణులు సూచిస్తున్నారు.
ఫ్యాన్ స్లోగా తిరగడానికి 90% ప్రధాన కారణం పాడైపోయిన కెపాసిటర్ (Capacitor). దీని పనితీరు బలహీనపడితే ఫ్యాన్కు తగినంత పవర్ అందదు. తక్కువ ఖర్చుతో దొరికే కొత్త కెపాసిటర్ను టెక్నీషియన్ సాయంతో మార్చితే మంచిందని నిపుణులు సూచిస్తున్నారు. దీని వల్ల గతంలో కంటే ఫ్యాన్ మరింత వేగంగా తిరుగుతుందని స్పష్టం చేస్తున్నారు.
కొన్నిసార్లు సమస్య ఫ్యాన్లో కాకుండా గోడకు ఉండే రెగ్యులేటర్లో ఉండవచ్చు. రెగ్యులేటర్ పాతదైనా లేదా లోపల వైరింగ్ లూజ్ అయినా ఫ్యాన్ స్పీడ్ తగ్గే అవకాశముందని నిపుణులు సూచిస్తున్నారు. కాబట్టి ఒకసారి రెగ్యులేటర్ మారిస్తే.. ఫ్యాన్ వేగం పెరిగే ఛాన్స్ ఉంటుంది.
ఫ్యాన్ మోటార్లోని బేరింగ్స్ సజావుగా తిరగడానికి లూబ్రికేషన్ అవసరం. ఫ్యాన్ తిరిగేటప్పుడు కిర్రుమనే శబ్దం వస్తున్నా, స్లోగా తిరుగుతున్నా మోటార్ భాగాలలో కొన్ని ఆయిల్ చుక్కలు వేయాలని నిపుణులు సూచిస్తున్నారు. లేదంటే గ్రీసింగ్ చేయడం ద్వారా కూడా ఫ్యాన్ వేగాన్ని పెంచవచ్చని సలహా ఇస్తున్నారు.
Also Read: BSNL బంపరాఫర్.. ఫ్రీ సిమ్, కాల్స్, రోజూ 2GB డేటా.. మే 31 వరకే ఛాన్స్
ఫ్యాన్ రెక్కలు ఎప్పుడూ కూడా ఒకే లెవెల్లో ఉండటం చాలా ముఖ్యం. ఏ ఒక్క రెక్క కొద్దిగా వంగినా గాలి నిరోధకత పెరిగి స్పీడ్ తగ్గే అవకాశం ఉంటుందని నిపుణులు అంటున్నారు. కాబట్టి అన్ని రెక్కలు సమానంగా ఉన్నాయో లేదో చూసి.. వంపు ఉన్న రెక్కను వెంటనే సరిచేయడం మంచిదని స్పష్టం చేస్తున్నారు. ఈ చిన్న మార్పులు చేసినా ఫ్యాన్ వేగం పెరగకపోతే.. అప్పుడు కొత్తది కొనడం లేదా మెకానిక్ ను పిలిచే ఆలోచన చేయాలని సూచిస్తున్నారు.
Also Read: AC Side Effects: అతిగా ఏసీలో ఉంటే.. మీ శరీరంలో జరిగే మార్పులు ఇవే.. ఏ క్షణమైనా..!
Share
భార్యను వేధించే సైకో భర్త కథ.. నందు ‘అగ్లీ స్టోరీ’ ఎలా ఉందంటే?
గూగుల్ వాడుతున్నారా? ఈ 5 సీక్రెట్ ఫీచర్స్ తెలిస్తే షాక్ అవుతారు!
