Best Wi-Fi Cameras 2026: ఇల్లు, ఆఫీస్ లేదా షాపుల సెక్యూరిటీ కోసం ఒకప్పుడు వేల రూపాయలు ఖర్చు చేసి పెద్ద పెద్ద సీసీటీవీ సిస్టమ్స్ పెట్టించాల్సి వచ్చేది. కానీ ఇప్పుడు సాంకేతికత పెరిగింది. కేవలం రూ.5,000 లోపు బడ్జెట్లోనే నైట్ విజన్, మోషన్ ట్రాకింగ్, టూ-వే ఆడియో వంటి అద్భుతమైన ఫీచర్లతో స్మార్ట్ వై-ఫై కెమెరాలు అందుబాటులోకి వచ్చాయి. వీటిని మొబైల్ యాప్ ద్వారా ప్రపంచంలో ఎక్కడి నుంచైనా ఆపరేట్ చేయవచ్చు.
ప్రస్తుత రోజుల్లో తక్కువ ధరలోనే అద్భుతమైన రికార్డింగ్ క్వాలిటీ ఇచ్చే కెమెరాలు దొరుకుతున్నాయి. క్లౌడ్ స్టోరేజ్, మెమరీ కార్డ్ సపోర్ట్ ఉండటం వల్ల రికార్డింగ్స్ భద్రంగా ఉంటాయి. అయితే కొనే ముందు ఇండోర్ కోసం అయితే 360 డిగ్రీల వ్యూ ఉండేలా చూసుకోవాలి. అదే అవుట్డోర్ (ఇంటి బయట) కోసం అయితే ఎండ, వాన తట్టుకునే రగ్గడ్ డిజైన్ ఉన్న కెమెరాలను ఎంచుకోవడం మంచిది.
రూమ్ మొత్తం ఒకే కెమెరాతో కవర్ చేయాలనుకుంటే క్యూబో స్మార్ట్ 360, సీపీ ప్లస్ ఈజీకామ్ పీటీ, ఎజ్వీజ్ C6N వంటి పాన్టిల్ట్ (PTZ) కెమెరాలు బెస్ట్ ఆప్షన్స్. ఇవి మొబైల్ ఫోన్ ద్వారా మనకు నచ్చిన వైపు తిప్పుకోవడానికి వీలవుతాయి. దీనిలో ఎజ్వీజ్ కెమెరాలో ప్రైవసీ షట్టర్ ఉంటుంది. దీంతో మనకు అవసరం లేనప్పుడు లెన్స్ని క్లోజ్ చేసుకోవచ్చు. అలాగే క్యూబో కెమెరా అలెక్సా, గూగుల్ అసిస్టెంట్తో కూడా పనిచేస్తుంది. పిల్లలు లేదా పెంపుడు జంతువులను కనిపెట్టడానికి ఇవి బాగా ఉపయోగపడతాయి.
Also Read: ఫ్లిప్కార్ట్లో Samsung Galaxy A35 5Gపై రూ.14,000 తగ్గింపు.. ఇప్పుడు ఎంతకు దొరుకుతోందంటే?
ఇంటి గేటు, పార్కింగ్ లేదా దుకాణం ముందు భాగంలో నిఘా కోసం సీపీ ప్లస్ ఈజీకామ్+ బులెట్ కెమెరా చాలా బాగుంటుంది. ఇది అవుట్డోర్ వాతావరణాన్ని తట్టుకునేలా మొరటుగా డిజైన్ చేయబడింది. దీనిలో ఉండే ఇన్ఫ్రారెడ్ సెన్సార్లు రాత్రి వేళల్లో కూడా స్పష్టమైన విజువల్స్ అందిస్తాయి. దొంగతనాలు లేదా అనుమానాస్పద కదలికలు జరిగినప్పుడు వెంటనే ఫోన్కు అలర్ట్ పంపుతుంది.
స్పష్టమైన ఇమేజ్ క్వాలిటీ కావాలనుకునే వారికి 2K రిజల్యూషన్ ఇచ్చే సీపీ ప్లస్ CP-Z43Q మోడల్ సరైన ఛాయిస్. ఇది ముఖాలను, వస్తువులను చాలా షార్ప్గా చూపిస్తుంది. ఇక బ్లైండ్ స్పాట్స్ లేకుండా ఎక్కువ ఏరియా కవర్ చేయాలనుకుంటే మైజిక్ స్మార్ట్హోమ్ డ్యూయల్ లెన్స్ కెమెరా అద్భుతంగా పనిచేస్తుంది. రెండు లెన్స్లు ఉండటం వల్ల ఒకే కెమెరాతో రెండు వైపులా నిఘా పెట్టవచ్చు. దీనివల్ల కలర్ నైట్ విజన్ కూడా లభిస్తుంది.
మీరు గనుక ఫస్ట్ టైమ్ సీసీ కెమెరా వాడుతుంటే.. ఎలాంటి హంగులు లేకుండా సింపుల్గా ఉండే జెబ్రోనిక్స్ జెబ్ స్మార్ట్ క్యామ్ 100ని ఎంచుకోవచ్చు. మొత్తంగా చూస్తే.. బడ్జెట్లో బెస్ట్ క్లారిటీ కోసం సీపీ ప్లస్, ఇండోర్ సేఫ్టీ కోసం క్యూబో లేదా ఎజ్వీజ్, ఎక్కువ వ్యూ కోసం మైజిక్ డ్యూయల్ లెన్స్ కెమెరాలు పస్తుతం బెస్ట్ ఆప్షన్లుగా నిలుస్తున్నాయి. మీ అవసరాన్ని బట్టి సరైన దాన్ని ఎంచుకోవడం ఉత్తమం.
Also Read: ఇలాంటి ప్లాన్ ఎప్పుడూ చూసుండరు.. ఒక్క రీఛార్జ్తో 365 రోజుల వాలిడిటీ.. రాత్రిపూట ఫ్రీ డేటా!
Share
ఈ జన్మలో రాహుల్ గాంధీ ప్రధాని కాలేడు.. రాసిపెట్టుకోండి- కిషన్ రెడ్డి
ఫ్రీ చదువు, వైద్యం ఇవ్వకపోతే రాళ్లతో కొట్టండి.. కవిత సంచలన వ్యాఖ్యలు!
