Best Mobiles Under 30k: ప్రస్తుతం స్మార్ట్ఫోన్ మార్కెట్లో రూ.30,000 లోపు కేటగిరీకి విపరీతమైన డిమాండ్ ఉంది. ఖర్చు పెట్టే ప్రతి రూపాయికి సరైన విలువను ఇచ్చే ఫోన్లు ఈ రేంజ్లోనే దొరుకుతాయి. 2026లో వచ్చిన చాలా మోడల్స్ను పరీక్షించిన తర్వాత, వినియోగదారుల అంచనాలను అందుకున్న కొన్ని బెస్ట్ ఫోన్ల గురించి ఇప్పుడు తెలుసుకుందాం.
విచిత్రం ఏమిటంటే.. సరికొత్త 2026 మోడల్స్ అన్ని ఫీచర్లలో యావరేజ్గా ఉంటే.. కొంచెం పాతవైనా 2025 మోడల్స్ మాత్రం అదిరిపోయే హెచ్డీఆర్ డిస్ప్లేలు, గేమింగ్ పర్ఫార్మెన్స్, భారీ బ్యాటరీలతో మెప్పిస్తున్నాయి. ఈ పాత మోడల్స్ త్వరలోనే స్టాక్ అయిపోయే ఛాన్స్ ఉంది కాబట్టి.. నచ్చితే వెంటనే కొనేయడం మంచిది.
మార్కెట్లో మంచి రేటింగ్తో దూసుకుపోతున్న మోడల్స్ చూస్తే.. మోటోరోలా ఎడ్జ్ 70 ఫ్యూజన్ (8GB+128GB) రూ.29,499కి లభిస్తోంది. అలాగే రియల్మీ P4 పవర్ (8GB+128GB) రూ.28,999కి, మోటోరోలా ఎడ్జ్ 70 (8GB+256GB) రూ.27,999కి అందుబాటులో ఉన్నాయి. వీటితో పాటు మోటోరోలా ఎడ్జ్ 60 ప్రో (8GB+256GB) రూ.29,999కి, రియల్మీ P4 ప్రో (8GB+128GB) రూ.26,999కి లభిస్తున్నాయి.
Also Read: ఇలాంటి స్మార్ట్ గ్యాడ్జెట్ ఒకటుందని తెలిస్తే.. అసలు స్టవ్ మీద గుడ్లు ఉడకబెట్టడమే మానేస్తారు!
ఈ ఫోన్ ధర మునుపటి మోడల్స్ కంటే కాస్త పెరిగినప్పటికీ.. అన్ని విభాగాల్లోనూ యూజర్ల అంచనాలను అందుకుంటోంది. దీని డిజైన్ చాలా స్టైలిష్గా ఉంటుంది. ముఖ్యంగా ఫ్యాబ్రిక్ లాంటి ఫినిషింగ్తో పాటు ఐపీ69 (IP69) డస్ట్, వాటర్ రెసిస్టెన్స్ రేటింగ్ ఉండటం పెద్ద ప్లస్ పాయింట్. దీనిలో క్వాడ్కర్వ్డ్ అమోలెడ్ డిస్ప్లే ఇచ్చారు. అయితే ఈ ఫోన్లో హెచ్డీఆర్ సపోర్ట్ లేకపోవడం కొంచెం నిరాశపరిచినా.. డాల్బీ అట్మోస్ స్పీకర్ల సౌండ్ క్వాలిటీ మాత్రం అదిరిపోతుంది.
ఇక కెమెరాల విషయానికి వస్తే.. పగటిపూట, రాత్రి వేళల్లో కూడా మెయిన్, అల్ట్రావైడ్ కెమెరాలు సూపర్ ఫొటోలను అందిస్తాయి. ఈ అల్ట్రావైడ్ కెమెరానే క్లోజప్ షాట్స్ కోసం మాక్రో కెమెరాగా కూడా వాడుకోవచ్చు. దీనిలో 2X డిజిటల్ జూమ్ ఫొటోలు కూడా చాలా స్పష్టంగా వస్తాయి. అన్నింటికంటే ముఖ్యంగా.. ఈ ఫోన్లో ఇచ్చిన భారీ 7,000mAh బ్యాటరీ హెవీగా వాడినా ఒక పూర్తి రోజు కంటే ఎక్కువే వస్తుంది. అయితే, ఇది రోజువారీ పనులకు, మల్టీటాస్కింగ్కు బాగుంటుంది కానీ, హెవీ గేమింగ్ ఆడేవారికి మాత్రం అంతగా సెట్ కాకపోవచ్చు.
Also Read: ఫ్యాన్ వేస్తే గది చల్లబడుతుందా? మనమంతా నమ్మే ఈ అబద్ధం వెనుకున్న అసలు నిజమిదే!
Share
South korea: హ్యుందాయ్ మోబిస్ విస్తరణకు ఏపీ మద్దతు.. సౌత్ కొరియాలో బిజీగా మంత్రి లోకేష్
వయనాడ్లో ప్రకృతి బీభత్సం.. విరిగిపడ్డ కొండచరియలు, శిథిలాల కింద 30 మందికి పైగా కార్మికులు!
