Airtel Hotspot Ban: ప్రస్తుతం సోషల్ మీడియాలో ఎయిర్టెల్ అన్లిమిటెడ్ 5G డేటా హాట్స్పాట్ వినియోగంపై నిషేధం విధించిందనే వార్త విపరీతంగా ప్రచారమవుతోంది. వినియోగదారులు తమ మొబైల్ నుంచి వేరే పరికరాలకు డేటా షేర్ చేయలేరని, ఇది కస్టమర్లకు పెద్ద షాక్ అని ప్రచారం జరుగుతోంది. అయితే ఈ ప్రచారంలో ఎంతవరకు నిజం ఉందో, అసలు ఎయిర్టెల్ నిబంధనలు ఏమిటో ఇప్పుడు చూద్దాం.
ఎయిర్టెల్ తమ అన్లిమిటెడ్ 5G ప్లాన్లలో హాట్స్పాట్ సేవలను పూర్తిగా నిలిపివేసిందని, ఇకపై డేటాను వేరే డివైజ్లకు షేర్ చేయడం కుదరదని నెటిజన్లు ఆందోళన వ్యక్తం చేస్తున్నారు. ఆఫర్ సమయంలో ఈ విషయాలు సరిగ్గా చెప్పలేదని సబ్స్క్రైబర్లు భావిస్తున్నారు.
Also Read: ఈ స్మార్ట్వాచ్ దెబ్బకు మార్కెట్ షేకవ్వాల్సిందే.. భారీ అప్గ్రేడ్తో Galaxy Watch 9!
ఎయిర్టెల్ ఫెయిర్ యూసేజ్ పాలసీ ప్రకారం.. అన్లిమిటెడ్ 5G ఆఫర్ అనేది కేవలం వ్యక్తిగత వినియోగానికి మాత్రమే ఉద్దేశించింది. నెలకు 300 GB వరకు వాడకాన్ని సాధారణ వినియోగంగా భావిస్తారు. ఆ పరిమితి దాటితే దానిని వాణిజ్యపరమైన వినియోగంగా పరిగణించి వేగం తగ్గించడం లేదా ఆంక్షలు విధించడం జరుగుతుంది. నెట్వర్క్ దుర్వినియోగాన్ని అడ్డుకోవడానికే ఈ నిబంధన ఉంది.
చాలామంది భావిస్తున్నట్లుగా ఎయిర్టెల్ హాట్స్పాట్ను పూర్తిగా నిలిపివేయలేదు. సాధారణ వ్యక్తిగత అవసరాల కోసం హాట్స్పాట్ ద్వారా డేటా షేర్ చేసుకోవడానికి ఎలాంటి ఇబ్బంది లేదు. నిబంధనల ప్రకారం కమర్షియల్ రీతిలో లేదా పరిమితికి మించి విపరీతంగా వినియోగిస్తేనే ఆంక్షలు వర్తిస్తాయి.
అన్లిమిటెడ్ 5G ఆఫర్లు ఇప్పటికీ అందుబాటులోనే ఉన్నాయి. వినియోగదారులు ఎలాంటి ఆందోళన లేకుండా తమ ఫోన్లలో ఈ సేవలను వాడుకోవచ్చు. కేవలం హాట్స్పాట్ ద్వారా పరిమితికి మించి వాడకుండా చూసుకుంటే సరిపోతుంది.
Also Read: ఛార్జర్ లేదా? డోంట్ వర్రీ.. ఫోన్ బ్యాటరీ ఫుల్ చేయడానికి ఈ ఒక్క కేబుల్ చాలు!
Share
వర్షాకాలంలో మాత్రమే పరుగులు తీసే హెరిటేజ్ రైలు.. ప్రకృతి ఒడిలో అద్భుత ప్రయాణం!
ఫిఫా ఫైనల్ కురుక్షేత్రం.. 16 ఏళ్ల కల నెరవేరిన వేళ.. కన్నీళ్లతో మెస్సీ వీడ్కోలు!
