AC vs Dehumidifier: వర్షాకాలంలో గాలిలో తేమ అధికంగా ఉంటుంది. దీని వల్ల బయటి వాతావరణం చల్లగా ఉన్నప్పటికీ గదిలో ఉక్కపోతగా అనిపిస్తుంది. అటు ఇల్లంతా జిగటగా అనిపించడమే కాకుండా బట్టలు త్వరగా ఆరవు. అయితే ఈ ఇన్-డోర్ హ్యుమిడిటీ (తేమ)ని తగ్గించడానికి రెండు ఆప్షన్లు ఉన్నాయి. అందులో ఏసీ ఒకటి కాగా, మరొకటి డీహ్యూమిడిఫైయర్ (Dehumidifier). మరి ఈ రెండింటిలో ఉక్కపోతను తగ్గించడానికి ఏది బెటర్? ఏది ఎలా పనిచేస్తుంది? అనే విషయాలను ఈ కథనంలో తెలుసుకునే ప్రయత్నం చేద్దాం.
సాధారణంగా ఏసీ అనేది.. గదిని చల్లబరచడానికి మాత్రమే వాడతారని చాలామంది భావిస్తుంటారు. కానీ ఏసీ గదిలోని వేడి గాలిని లాక్కునే క్రమంలో ఆ గాలిలో ఉన్న తేమను కూడా నీటి బిందువుల రూపంలో మార్చి బయటకు పంపేస్తుంది. ప్రస్తుత లేటెస్ట్ ఏసీలలో ‘డ్రై మోడ్’ (Dry Mode) అనే ప్రత్యేక ఆప్షన్ ను కూడా తీసుకొచ్చారు. వర్షాకాలంలో ఈ మోడ్ను ఆన్ చేసినప్పుడు.. ఏసీ గదిని ఎక్కువగా చల్లబరచకుండా కేవలం గాలిలోని తేమను మాత్రమే సమర్థవంతంగా తొలగిస్తుంది.
గాలిలోని తేమను సమర్థవంతంగా తొలగించే డీహ్యూమిడిఫైయర్ డిజైన్ చేశారు. ఇది గదిలోని తేమతో కూడిన గాలిని లోపలికి లాక్కొని అందులోని తడిని వేరు చేసి పొడి గాలిని మళ్లీ బయటకు వదులుతుంది. అయితే ఇది గది ఉష్ణోగ్రతను ఏమాత్రం ప్రభావితం చేయదు. అయితే వర్షాకాలంలో ఉండే ఉక్కపోతను తగ్గించి.. గది వాతావరణాన్ని మాత్రం ఆహ్లాదకరంగా మారుస్తుందని నిపులు పేర్కొంటున్నారు.
ఇంట్లోని వాతావరణాన్ని బట్టి రెండింటిలో ఒకదాన్ని ఎంచుకోవచ్చని నిపుణులు అంటున్నారు. నిపుణుల ప్రకారం.. మీ ప్రాంతంలో ఎండలు ఎక్కువగా ఉండి, ఉక్కపోతగా అనిపిస్తే ఏసీ బెస్ట్ ఛాయిస్. ఎందుకంటే ఇది చల్లదనంతో పాటు తేమను కూడా తగ్గిస్తుంది. ఒకవేళ వాతావరణం చల్లగా ఉండి కేవలం తేమ మాత్రమే ఎక్కువగా ఉంటే డీహ్యూమిడిఫైయర్ బెస్ట్. అయితే ఏసీతో పోలిస్తే డీహ్యూమిడిఫైయర్ చాలా తక్కువ కరెంట్ను వాడుకుంటుంది. కాబట్టి విద్యుత్ బిల్లు ఆదా చేయాలనుకుంటే డీహ్యూమిడిఫైయర్ మంచి ఆప్షన్. మరోవైపు ఏసీని ఒక రూమ్లో ఫిక్స్ చేస్తే మార్చేందుకు ఏమాత్రం ఛాన్స్ ఉండదు. అదే డీహ్యూమిడిఫైయర్ను ఒక రూమ్ నుండి మరో రూమ్కి సులభంగా మార్చుకోవచ్చు.
Also Read: ఎయిర్ ప్యూరిఫైయర్ కొంటున్నారా? కంపెనీలు దాచే.. 5 పచ్చి నిజాలు ఇవే!
ఇంట్లో ఇప్పటికే ఏసీ ఉంటే వర్షాకాలంలో దాన్ని ‘డ్రై మోడ్’ లో పెట్టి తేమను తగ్గించుకోవచ్చు. దీనికోసం ప్రత్యేకంగా డబ్బులు ఖర్చు పెట్టాల్సిన పనిలేదు. అయితే ఏసీ లేని గదులు, బేస్మెంట్లలో విపరీతమైన వాసన వస్తూ తేమ ఎక్కువగా ఉంటే మాత్రం విడిగా డీహ్యూమిడిఫైయర్ కొనుగోలు చేయడం బెస్ట్. ముఖ్యంగా శ్వాసకోశ సమస్యలు, అలెర్జీలు ఉన్నవారికి డీహ్యూమిడిఫైయర్ చాలా అవసరం. ఇది ఇంట్లోని గాలిని పొడిగా ఉంచడంలో అద్భుతంగా సహాయపడుతుందని నిపుణులు స్పష్టం చేస్తున్నారు.
Also Read: ఫ్రిజ్లో పాలు పెడుతున్నారా? ఈ తప్పు చేస్తే పారబోయాల్సిందే!
Share
అఖిల్ రాజ్ తప్పు లేదు.. నా బర్త్డే రోజే ఆ వీడియో తీసి బుక్కయ్యా: డెలివరీ బాయ్ కామెంట్స్ వైరల్!
బండి భగీరథ్ కేసులో మరో ట్విస్ట్.. హైకోర్టు కీలక ఆదేశాలు
