AC Gas Tips: ఏసీకి వచ్చే ప్రధాన ఇబ్బందుల్లో గ్యాస్ సమస్య ఒకటి. ఇది పూర్తిగా అడుగంటకముందే వినియోగదారులకు కొన్ని లక్షణాలను చూపిస్తుంది. దానిని గుర్తించి వెంటనే గ్యాస్ రీఫిల్ చేసుకుంటే సకాలంలో సమస్య పరిష్కారం అవుతుంది. లేదంటే చల్లదనం లేకపోవడం, అధిక పవర్ బిల్లు, అనవసర రిపేర్లు వంటి సమస్యలు చుట్టుముట్టే ప్రమాదముంది. మరి ఏసీలో గ్యాస్ తక్కువగా ఉందని తెలుసుకోవడం ఎలా? గ్యాస్ తగ్గడానికి కారణాలేంటి? అలా జరిగినప్పుడు ఏం చేయాలి? ఈ కథనంలో పరిశీలిద్దాం.
ఏసీ ఆన్ చేసినా గది త్వరగా చల్లబడకపోవడం గ్యాస్ తగ్గిందని చెప్పేందుకు ప్రాథమిక లక్షణంగా చెబుతారు. ఏసీ నుంచి గాలి వస్తుంది కానీ అందులో ఉండాల్సిన చల్లదనం ఉండదు.
ఇండోర్ యూనిట్ నుండి చల్లని గాలికి బదులుగా గది ఉష్ణోగ్రతతో సమానమైన గాలి లేదా స్వల్పంగా వేడి గాలి రావడం గమనించవచ్చు.
అవుట్డోర్ యూనిట్ వద్ద ఉండే రాగి పైపుల (Copper pipes) మీద మంచు (Ice) పేరుకుపోయి తెల్లగా కనిపిస్తే అది గ్యాస్ తక్కువగా ఉందనడానికి స్పష్టమైన సంకేతం.
ఏసీ లోపల ఐస్ గడ్డకట్టి అది కరిగినప్పుడు ఇండోర్ యూనిట్ నుండి నీరు లీక్ అయ్యే అవకాశం ఉంది.
గ్యాస్ తక్కువగా ఉన్నప్పుడు కంప్రెషర్ పై ఒత్తిడి పడి ‘హిస్సింగ్’ (Hissing) లేదా ‘బబ్లింగ్’ వంటి శబ్దాలు వచ్చే అవకాశం ఉంది.
రాగి పైపులు పాతబడటం వల్ల లేదా వాటిపై తుప్పు పట్టడం వల్ల చిన్న చిన్న రంధ్రాలు ఏర్పడి గ్యాస్ లీక్ అయ్యే ఛాన్స్ ఉంది.
ఏసీని అమర్చేటప్పుడు పైపుల జాయింట్లు సరిగ్గా బిగించకపోతే కాలక్రమేణా గ్యాస్ బయటకు వెళ్లిపోతుంది.
ఏసీల్లో ఇలాంటి సమస్య చాలా అరుదుగా వస్తుంటుంది. ఇండోర్ లేదా అవుట్డోర్ కాయిల్స్ లో తయారీ సమయంలోనే ఉండే లోపాల వల్ల కూడా గ్యాస్ తగ్గుతుంది.
కొన్నిసార్లు దుమ్ము వల్ల కూడా కూలింగ్ తగ్గుతుంది. కాబట్టి ముందుగా ఫిల్టర్లను శుభ్రం చేసి చూడండి. అప్పటికీ సమస్య ఉంటే అది గ్యాస్ సమస్యే అని నిర్ధారించుకోండి.
గ్యాస్ నింపడం (Gas Charging) అనేది నిపుణులు చేయాల్సిన పని. వెంటనే ఒక మంచి ఏసీ టెక్నీషియన్ను పిలిపించుకోండి.
కేవలం గ్యాస్ నింపడమే కాకుండా అది ఎక్కడి నుండి లీక్ అవుతుందో గుర్తించి దాన్ని రిపేర్ చేయించడం చాలా ముఖ్యం. లేదంటే కొన్ని రోజులకే మళ్లీ గ్యాస్ అయిపోతుంది.
Also Read: Motorola AC: మధ్యతరగతి స్పెషల్.. మోటరోలా ఏసీలు వచ్చేసాయోచ్.. వై-ఫై, యాప్ కంట్రోల్ మరెన్నో ఫీచర్లు!
ఏసీని కనీసం సంవత్సరానికి రెండు సార్లు సర్వీసింగ్ చేయించడం వల్ల గ్యాస్ లీకేజీ, కూలింగ్ రాకపోవడం, వేడిగా వస్తుండటం వంటి సమస్యలను ముందుగానే గుర్తించి పరిష్కరించేందుకు వీలు ఏర్పడుతుంది.
Also Read: AI trading Profit: యూజర్ నిద్రపోతుండగా స్టాక్ ట్రేడింగ్ చేసిన ఏఐ.. ఒక్క రాత్రిలో రూ.29 లక్షల లాభం
Share
PM Kisan: పీఎం కిసాన్ డబ్బులు మీకు ఇంకా పడలేదా.. త్వరగా ఇలా చేయండి..?
Drunken Attack: వరంగల్లో ఆకతాయిల వీరంగం.. బైక్పై వెళ్తున్న వారిపై బీరు సీసాలతో దాడి, సీసీ ఫుటేజ్
