LPG Alternatives: ప్రస్తుతం పశ్చిమాసియాలో నెలకొన్న ఉద్రిక్తతల నేపథ్యంలో భారత్లో ఎల్పీజీ (LPG) సరఫరాకు తీవ్ర అంతరాయం ఏర్పడుతోంది. ఇలాంటి సమయంలో మీ వంటగది పనులు ఆగకుండా సాఫీగా సాగడానికి ఈ 6 సులభమైన మార్గాలు దోహదపడతాయి. ఇంతకి అవి ఏంటి? వాటివల్ల కలిగే ప్రయోజనాలు ఏవి? ఈ కథనంలో పరిశీలిద్దాం.
గ్యాస్ కు అత్యుత్తమమైన ప్రత్యామ్నయంగా ఇండక్షన్ స్టవ్ ను చెబుతుంటారు. ఇది గ్యాస్ స్టవ్ కంటే వేగంగా వంట చేసేస్తుంది. 90% శక్తిని వంటకే ఉపయోగిస్తుంది. కాబట్టి విద్యుత్ బిల్లు కూడా తక్కువే వస్తుంది.
దీన్ని కేవలం అన్నం వండటానికే కాకుండా మల్టీ-టాస్కింగ్ కోసం వాడొచ్చు. ఇందులో పప్పు, కిచిడీ, ఉప్మా వంటివి సులభంగా చేసుకోవచ్చు. పైన ఉండే స్టీమర్ బాస్కెట్లో కూరగాయలు లేదా ఇడ్లీలను కూడా ఉడికించుకోవచ్చు.
కేవలం ఆహారాన్ని వేడి చేయడానికే కాకుండా వంటకు కూడా దీన్ని ఉపయోగించుకోవచ్చు. బంగాళదుంపలు, కూరగాయలను త్వరగా ఉడికించడం, పప్పులను వండటం వంటివి మైక్రోవేవ్ సాయంతో చాలా వేగంగా చేసుకోవచ్చు. ఇది విద్యుత్ ద్వారా పనిచేస్తుంది కాబట్టి.. గ్యాస్ అవసరం ఉండదు.
వేపుళ్ళు (Fries/Roasts) ఎక్కువగా చేసుకునే వారికి ఈ సాధనాన్ని ఒక వరంగా చెప్పవచ్చు. దీని వల్ల నూనె వాడకం తగ్గడమే కాకుండా స్టవ్ మీద గంటల తరబడి వేయించే పని తప్పుతుంది. నాన్-వెజ్ వంటకాలు, చిరుతిళ్లకు ఇది ఉత్తమమైన సాధనంగా చెబుతారు.
ఎలక్ట్రిక్ కెటిల్ సైతం గ్యాస్ మీద ఆధారపడటాన్ని తగ్గిస్తాయి. చిన్న చిన్న పనులను వీటి సాయంతో చాలా తేలిగ్గా చేసుకోవచ్చు. ఉదాహరణకు టీ, కాఫీ కోసం నీటిని మరిగించడం లేదా వంటలో వాడే వేడి నీటిని ఇందులో సిద్ధం చేసుకోవడం వల్ల గ్యాస్ వినియోగాన్ని 10-15 శాతం తగ్గించవచ్చు.
Also Read: Gas Alternatives: దేశంలో గ్యాస్ కొరత.. ఎయిర్ ఫ్రైయర్, మైక్రోవేవ్, ఇండక్షన్ స్టవ్.. వంటకు ఏది బెస్ట్?
సాంకేతిక పరికరాలతో పాటు కొన్ని చిట్కాల ద్వారా గ్యాస్ను పొదుపు చేయవచ్చు. పప్పులు, బియ్యం వండే ముందు కనీసం 30 నిమిషాలు నానబెడితే అవి త్వరగా ఉడికి గ్యాస్ ఆదా అవుతుంది. అలాగే ఏ వంట చేసినా పాత్రపై మూత పెట్టడం వల్ల ఆవిరి బయటకు పోకుండా ఆహారం త్వరగా ఉడుకుతుంది. కిచిడీ లేదా పులావ్ వంటివి చేయడం వల్ల ఒకేసారి పని పూర్తవుతుంది. ఎక్కువ బర్నర్లు వాడాల్సిన అవసరం కాదు.
Also Read: Food Adulteration: డేంజర్ బెల్స్.. తక్కువ ధరకు ఎక్కువ రుచి అని తెగ తినేస్తున్నారా..!
Share
Strait of Hormuz: ఇరాన్-అమెరికా యుద్ధం ఆగినా.. రెండు నెలల వరకు షిప్లు రావడం కష్టమే? అదే కారణం
Kalvakuntla Kavitha: బర్త్ డే విషెస్.. గోధుమ గింజలతో కవిత భారీ చిత్రం.. ఫిదా అవుతున్న నెటిజన్లు!
