Fridge Smell: ప్రస్తుత రోజుల్లో ఫ్రిడ్జ్ అనేది అతి ముఖ్యమైన వస్తువుగా వంటగదిలో మారిపోయింది. కూరగాయలు, పాలు, మిగిలిపోయిన ఆహార పదార్థాలను తాజాగా ఉంచడానికి ఫ్రిడ్జ్ ఎంతగానో తోడ్పాటు అందిస్తోంది. అయితే కొన్నిసార్లు ఫ్రిడ్జ్ తెరవగానే ఒక రకమైన కుళ్లిన వాసన లేదా బ్యాడ్ స్మెల్ వస్తుంటుంది. ఇది ఫ్రిడ్జ్ లోని ఇతర ఆహార పదార్థాలకు కూడా చేరి అవి త్వరగా పాడయ్యే ప్రమాదం ఉంటుంది. కాబట్టి ఈ సమస్యకు చెక్ పెట్టడంతో పాటు ఫ్రిడ్జ్ ను సువాసనభరితంగా మార్చే 5 సులువైన చిట్కాలను ఈ కథనంలో అందించడం జరుగుతోంది. వాటిని పాటిస్తే ఫ్రిడ్జ్ ఎప్పుడు ఫ్రెష్ గా ఉంటుందని నిపుణులు అంటున్నారు. ఇంతకీ ఆ ట్రిక్స్ ఏంటో ఇప్పుడు చూద్దాం.
ఫ్రిడ్జ్ ను వారానికి ఒకసారి తప్పనిసరిగా టాప్ టూ బాటమ్ చెక్ చేయాలని నిపుణులు సూచిస్తున్నారు. వారం ప్రారంభంలో పెట్టిన కూరగాయలు కుళ్లిపోయినా.. పాత ఆహార పదార్థాలు బూజు పట్టినా వెంటనే వాటిని డస్ట్బిన్లో పడేయాలని సూచిస్తున్నారు. అలా చేస్తే ఫ్రిడ్జ్ లోని బ్యాడ్ స్మెల్ తొలగిపోయి.. ఫ్రెష్ గా ఉంటుందని తెలియజేస్తున్నారు.
ఫ్రిడ్జ్ లో వచ్చే ఎలాంటి దుర్వాసననైనా పీల్చుకోవడంలో బేకింగ్ సోడా అద్భుతంగా పనిచేస్తుందని నిపుణులు పేర్కొంటున్నారు. ఒక చిన్న గిన్నెలో బేకింగ్ సోడా లేదా వంట సోడా వేసి, దాన్ని ఫ్రిడ్జ్ లోపల ఒక మూలన పెట్టాలని హితవు పలుకుతున్నారు. అలా చేస్తే ఫ్రిడ్జ్ లోని తేమను, బ్యాడ్ స్మెల్ను అది లాగేస్తుందని స్పష్టం చేస్తున్నారు.
ఒక నిమ్మకాయను రెండు ముక్కలుగా కోసి ఫ్రిడ్జ్ షెల్ఫ్ లలో ఉంచితే మంచిదని నిపుణులు పేర్కొంటున్నారు. నిమ్మకాయలో ఉండే సిట్రస్ గుణాలు చెడు వాసనను దూరం చేసి, ఫ్రిడ్జ్ తెరవగానే మంచి తాజాదనాన్ని ఇస్తాయని తెలియజేస్తున్నారు. అలాగే కాస్త కాఫీ పొడిని ఒక చిన్న ప్లేట్లో వేసి ఫ్రిడ్జ్ లో ఉంచినా మంచి సువాసన వస్తుందని సలహా ఇస్తున్నారు.
మిగిలిపోయిన కూరలు, నాన్ వెజ్ పదార్థాలు, ఉల్లిపాయలు లాంటివి ఫ్రిడ్జ్ లో పెట్టేటప్పుడు ఎల్లప్పుడూ మూత గట్టిగా ఉన్న ఎయిర్ టైట్ బాక్సుల్లోనే పెట్టాలని నిపుణులు సూచిస్తున్నారు. లేదంటే వాటి వాసన ఫ్రిడ్జ్ అంతా వ్యాపించి.. పాలు లేదా నీళ్ల బాటిళ్లకు కూడా ఆ వాసన అంటుకుంటుందని పేర్కొంటున్నారు.
Also Read: పుల్వామా దాడి మాస్టర్మైండ్ హమ్జా బుర్హాన్ హతం.. శరీరంపై బుల్లెట్ల వర్షం!
కనీసం నెలకు రెండు సార్లు ఫ్రిడ్జ్ లోపలి భాగాలను శుభ్రం చేయాలని నిపుణులు సూచిస్తున్నారు. గోరువెచ్చని నీటిలో కొద్దిగా వెనిగర్ లేదా లిక్విడ్ సోప్ కలిపి మెత్తటి గుడ్డతో షెల్ఫ్లను తుడవాలని హితవు పలుకుతున్నారు. అలా చేస్తే షెల్ఫ్ లో పై పడ్డ ఆహార మరకల నుంచి దుర్వాసన రాకుండా ఉంటుందని స్పష్టం చేస్తున్నారు.
Also Read: 300 ఏళ్లుగా సూపర్ సక్సెస్.. కేరళ ‘కావి’ ఫ్లోరింగ్తో.. ఇల్లు ఎప్పుడూ కూలే!
Share
ధాన్యం కొనుగోళ్లు.. రైతుల కష్టాలకు.. కారణాలేమిటీ? కారకులెవరు? ఇదీ అసలు సంగతి!
చెక్ పోస్టు ముందే అక్రమ మద్యం సిట్టింగులు.. పట్టించుకోని అధికారులు
