WhatsApp Tricks: మనలో ప్రతి ఒక్కరి ఉదయం వాట్సప్ మెసేజ్‌లు చూడటంతోనే మొదలవుతుంది. స్నేహితులతో ముచ్చట్లు, ఆఫీస్ పనులు ఇలా అన్నింటికీ ఇదొక్కటే వేదిక. అయితే రోజూ వాడే ఈ యాప్‌లో మనకు తెలియని, మన పనిని మరింత సులువు చేసే ఎన్నో అద్భుతమైన ఫీచర్లు దాగున్నాయి. అయితే కేవలం చాటింగ్ మాత్రమే కాకుండా.. వాట్సప్‌ను సరికొత్తగా వాడుకోవడానికి పనికొచ్చే 10 సీక్రెట్ ట్రిక్స్ గురించి ఇప్పుడు వివరంగా తెలుసుకుందాం.
చాలామందికి తమ వ్యక్తిగత చాట్స్ ఇతరుల కంట పడకూడదనే ఆరాటం ఉంటుంది. దీనికోసం వాట్సప్ ఒక అద్భుతమైన లాక్ ఫీచర్‌ను తీసుకొచ్చింది. మనకు నచ్చిన చాట్‌ను లాక్ చేయడమే కాకుండా.. దానికి ఫోన్ పాస్‌వర్డ్ కాకుండా ఒక ప్రత్యేకమైన ‘సీక్రెట్ కోడ్’ కూడా సెట్ చేసుకోవచ్చు. దీంతో ఎవరైనా మన ఫోన్ తీసుకున్నా ఆ లాక్ చేసిన చాట్స్ అసలు కనిపించవు.
అలాగే ఒకే ఫోన్‌లో రెండు వేర్వేరు వాట్సప్ అకౌంట్లను అధికారికంగా వాడుకునే వీలుంది. దీనికోసం క్లోన్ యాప్స్ వాడాల్సిన అవసరం లేదు. సెట్టింగ్స్‌లోకి వెళ్లి నేరుగా మరో నెంబర్‌ను జోడించుకోవచ్చు. ఇక ఎవరైనా నెంబర్ సేవ్ చేయకుండా మెసేజ్ చేయాలనుకుంటే.. బ్రౌజర్‌లో ‘wa.me/ఫోన్ నంబర్’ అని టైప్ చేస్తే చాలు, నేరుగా వారి చాట్ బాక్స్ ఓపెన్ అవుతుంది.
Also Read: ChatGPT కంటే మెరుగ్గా పనిచేసే ఈ 7 ఉచిత AI Tools గురించి తెలుసా?
మనం బిజీగా ఉన్నప్పుడు అవతలి వారు పంపే పెద్ద పెద్ద వాయిస్ మెసేజ్‌లు వినడం కష్టంగా మారుతుంది. ఇప్పుడు వాట్సప్‌లో వచ్చిన కొత్త అప్‌డేట్ ద్వారా వాయిస్ మెసేజ్ కిందనే అది టెక్స్ట్‌గా మారి కనిపిస్తుంది. దీంతో సౌండ్ పెట్టుకుని వినాల్సిన అవసరం లేకుండానే టెక్ట్స్ రూపంలో చదివేయవచ్చు.
అలాగే మనం పంపే ఫొటోలు ఒక్కసారి చూశాక డిలీట్ అయిపోయేలా చేసే ‘వ్యూ వన్స్’ ఆప్షన్ వాయిస్ మెసేజ్‌లకు కూడా పనిచేస్తుంది. అంటే అవతలి వ్యక్తి ఆ వాయిస్ నోట్‌ను ఒక్కసారి మాత్రమే వినగలరు. ఇక చాటింగ్ చేసేటప్పుడు ముఖ్యమైన పదాలను బోల్డ్, ఇటాలిక్ లేదా స్ట్రైక్‌థ్రూ ఫార్మాట్లలోకి మార్చి పంపడం ద్వారా మీ మెసేజ్‌లను మరింత ఆకర్షణీయంగా మార్చవచ్చు.
వాట్సప్‌లో ఫొటోలు పంపినప్పుడు వాటి క్వాలిటీ తగ్గిపోతుందనే బాధ ఇక లేదు. ఫొటో పంపే ముందే పైన ఉండే HD ఆప్షన్ సెలెక్ట్ చేసుకుంటే అసలైన క్వాలిటీతో వెళ్తుంది. ఒకవేళ మనం ఆఫీస్ మీటింగ్‌లో ఉండి, తెలియని నెంబర్ల నుండి వచ్చే స్పామ్ కాల్స్ ఇబ్బంది పెడుతుంటే.. సెట్టింగ్స్‌లోకి వెళ్లి ‘సైలెన్స్ అన్‌నోన్ కాలర్స్’ ఆప్షన్ ఆన్ చేసుకోవచ్చు. దీనివల్ల ఆ కాల్స్ రింగ్ అవ్వవు కానీ హిస్టరీలో కనిపిస్తాయి.
మనకు తెలియకుండానే వాట్సప్ వల్ల ఫోన్ స్టోరేజ్ నిండిపోతూ ఉంటుంది. దీని కోసం ‘మేనేజ్ స్టోరేజ్’ ఆప్షన్‌లోకి వెళ్తే ఏ చాట్ ఎంత స్పేస్ తీసుకుందో స్పష్టంగా తెలుస్తుంది. అక్కడ అనవసరమైన ఫైల్స్ సులువుగా డిలీట్ చేయవచ్చు. అలాగే మన ప్రైవసీ కోసం మన లాస్ట్‌సీన్, ఆన్‌లైన్ స్టేటస్‌ను అందరికీ కాకుండా, మనం కోరుకున్న కొద్దిమందికి మాత్రమే కనిపించకుండా దాచేసే వీలుంది. ఈ పది సులువైన ట్రిక్స్ ఉపయోగించి వాట్సప్ అనుభవాన్ని మరింత స్మార్ట్‌గా మార్చేసుకోవచ్చు.
Also Read: అస్సలు వదలొద్దు మావా.. Xiaomi Mi 10T 5Gపై ఏకంగా రూ.21,000 తగ్గింపు, ఇలా కొనేయండి!
Share
మీ బైక్లో E20 పెట్రోల్ కొట్టిస్తున్నారా? ఈ నిజాలు ప్రతి ఒక్కరూ తెలుసుకోవాల్సిందే!
ముంబైలో పవన్ కళ్యాణ్ను పరామర్శించిన సీఎం చంద్రబాబు.. ఆరోగ్యం ఎలా ఉందంటే?
