Papam Prathap review: ఈటీవీ విన్ (ETV Win) అనగానే మన ఇంట్లో మనిషిలాంటి కంటెంట్ వస్తుందని ఆశిస్తాం. కానీ ‘పాపం ప్రతాప్’ చూశాక, ఆ నమ్మకం కాస్త నీరుగారిందనే చెప్పాలి. తిరువీర్ లాంటి టాలెంటెడ్ నటుడు ఉండటంతో గిన్నెలు మస్తు వేడెక్కుతాయని థియేటర్కి వెళ్తే, అక్కడ సినిమా కంటే మన బుర్రలే ఎక్కువ వేడెక్కాయి. మంచి హైప్ ఇప్పిన ఈ సినిమా ఎలా ఉందో చూసేద్దామా..
కథ విషయానికి వస్తే.. ఇది 90వ దశకంలో సాగే ఒక పల్లెటూరి డ్రామా. ప్రతాప్ (తిరువీర్) కి బుజ్జమ్మ అంటే ప్రాణం. ఎన్నో కష్టాలు పడి ఆమెను పెళ్లి చేసుకుంటాడు. కానీ విధి వైపరీత్యం ఏంటంటే.. పెళ్లైన మూడు రోజులకే బుజ్జమ్మ అలిగి పుట్టింటికి వెళ్ళిపోతుంది. దానికి కారణం ప్రతాప్లో ఏదో ‘సమస్య’ ఉందంట! ఆ సమస్య ఏంటో ఆమె ఎవరికీ చెప్పదు, దీని గురించి పంచాయితీ కూడా పెట్టింది. అది ఏంటో ప్రతాప్ స్వయంగా తెలుసుకోవాలట. ఈ సిల్లీ పాయింట్ చుట్టూ సినిమా మొత్తం సాగదీయడమే డైరెక్టర్ చేసిన పెద్ద సాహసం. మరి ఆ సాహసం ఫలించిందో లేదో ప్రేక్షకులే చెప్తారు.
‘మసూద’ లాంటి సినిమాలతో మెప్పించిన తిరువీర్, ఇందులో అమాయకపు ప్రతాప్గా బాగానే చేశాడు. కానీ ఆయన పాత్రను రాసుకున్న తీరు వల్ల నటన కంటే టార్చరే ఎక్కువగా అనిపిస్తుంది. అజయ్ ఘోష్, గోపరాజు రమణ లాంటి దిగ్గజ నటులు ఉన్నా, వారిని సరిగ్గా వాడుకోలేదు. ముఖ్యంగా ఆ విలేజ్ క్యారెక్టర్స్ చేసే అతి, హీరో కంటే ఎక్కువ సీన్ చేస్తూ ప్రేక్షకులకు నరకం చూపిస్తుంది.
డైరెక్టర్ అసలు ఏ ఉద్దేశంతో ఈ కథను ఎంచుకున్నారో అర్థం కాదు. 90ల కాలం నాటి వాతావరణం సెట్ చేయాలని చూశారు కానీ, కథలో దమ్ము లేకపోవడంతో ఆ ప్రయత్నం వృథా అయ్యింది. స్క్రీన్ ప్లే ఎంత నెమ్మదిగా సాగుతుందంటే, సినిమా చూస్తుంటే కాలం స్తంభించిపోయిందా అన్నట్టు ఉంటుంది. కామెడీ పేరుతో చేసిన ప్రయత్నాలు వికటించాయి. ఇక షకీలా మేటర్ లాంటివి తెచ్చి, దీన్ని ఫ్యామిలీ సినిమాగా ఉంచాలో లేక బీ-గ్రేడ్ సినిమాగా మార్చాలో తెలియని అయోమయంలో పడ్డారు.
Read also-ఓటీటీలోకి డిఫరెంట్ కాన్సెప్ట్ తో వచ్చిన హిందీ డార్క్ కామెడీ… ఇరగదీసిన రాజ్ కుమార్ రావ్
అసలు మచ్చట.. టైటిల్ ‘పాపం ప్రతాప్’ అని పెట్టారు కానీ, నిజానికి అది ‘పాపం ప్రేక్షకులు’ అని పెట్టాల్సింది. గిన్నెలు వేడెక్కుతాయనుకుంటే, అసలు పొయ్యే ఆరిపోయింది!
Papam Prathap Movie Review And Rating – 1.75/5
Share
Trump on Iran: చివరి అంకానికి ఇరాన్ యుద్ధం.. ఇస్లామాబాద్కు ట్రంప్ వెళ్లే ఛాన్స్, యురేనియం ఇచ్చేందుకు
Illu Illalu Pillalu Today Episode: నర్మదకు షాకిచ్చిన రామరాజు.. చందు పై అనుమానం.. భాగ్యంకు మైండ్ బ్లాక్..
