Year Ender 2025 : 2025 లో వచ్చిన బెస్ట్ ఇండియన్ అండర్రేటెడ్ సినిమాలు… ఒక్కోటి ఒక్కో ఓటీటీలో

Year Ender 2025 : 2025 సంవత్సరంలో భారీ స్థాయి సినిమాలెన్నో రిలీజ్ అయ్యాయి. కానీ అందులో భారీ అంచనాలతో వచ్చి, బాక్స్ ఆఫీసు దగ్గర బొక్క బోర్లా పడ్డ సినిమాలు కూడా ఉన్నాయి. ట్రెండ్ ను పక్కన పెట్టి ప్రయోగాలతో ఈ ఏడాదిని మూవీ లవర్స్ కు చీరస్మరణీయంగా చేయాలనుకున్న మేకర్స్ కు ఎదురు దెబ్బ తగిలింది. కానీ ఈ సినిమాలు ఓటీటీలలో మాత్రం మంచి రెస్పాన్స్ దక్కించుకున్నాయి. మరి 2025 లో వచ్చిన మోస్ట్ అండర్రేటెడ్ సినిమాలు ఏంటి? అవి ఏ ఓటీటీలలో ఉన్నాయో తెలుసుకుందాం పదండి.

రెట్రో (Retro)

కార్తీక్ సుబ్బరాజ్ దర్శకత్వంలో సూర్య హీరోగా, పూజా హెగ్డే హీరోయిన్ గా నటించిన మూవీ ‘రెట్రో’. గ్యాంగ్‌స్టర్ డ్రామాను ప్రేమకథతో మిళితం చేస్తూ రూపొందించిన ఈ సినిమా థియేటర్లలో నిరాశ పరిచింది. కానీ సూర్య అభిమానులు మాత్రం ఈ మూవీని బాగా ఎంజాయ్ చేశారు. ఈ మూవీకి ఐఎండీబీలో 6.6 రేటింగ్ ఉంది. ఈ మూవీ Netflixలో స్ట్రీమింగ్ అవుతోంది.

రేఖాచిత్రం (Rekhachithram)

జోఫిన్ టి. చాకో దర్శకత్వం వహించిన ఈ మూవీ కథ 1985లో అదృశ్యమైన యువతి చుట్టూ తిరుగుతుంది. ఆత్మహత్య కేసును దర్యాప్తు చేస్తున్న పోలీస్ అధికారి (ఆసిఫ్ అలీ) ఈ పాత రహస్యాన్ని ఛేదించడానికి ప్రయత్నిస్తాడు. గతం-వర్తమానాలను మిళితం చేస్తూ మలయాళ సినిమా చరిత్రలో జరిగిన వాస్తవ సంఘటనల ఆధారంగా తెరకెక్కిన అద్భుతమైన మిస్టరీ థ్రిల్లర్‌ ఇది. SonyLIVలో ఈ సినిమా అందుబాటులో ఉంది.

నరివెట్ట (Narivetta)

కేరళలోని మోస్ట్ కాంట్రావర్షియల్ కథాంశంతో రూపొందిన మూవీ ఇది. వయనాడ్‌లో గిరిజనుల నిరసనల నేపథ్యంలో సాగే ఈ చిత్రంలో సున్నితమైన అంశాలను అద్భుతంగా చూపించారు. 2025లో చాలా తక్కువ సినిమాలు అన్యాయాన్ని ఇంత ప్రత్యక్షంగా, ధైర్యంగా ప్రస్తావించాయి. SonyLIV ఓటీటీలో ఈ మూవీని చూడొచ్చు.

సూపర్‌బాయ్స్ ఆఫ్ మాలేగావ్ (Superboys of Malegaon)

రీమా కాగ్టి దర్శకత్వంలో తెరకెక్కించిన ఈ హార్ట్ టచింగ్ డ్రామాలో మాలేగావ్‌లో వివాహ వీడియోగ్రాఫర్ నుండి గ్రాస్‌రూట్ ఫిల్మ్ మేకర్‌గా మారిన్ నాసిర్ షేక్ ప్రయాణాన్ని చూడవచ్చు. ఫిల్మ్ మేకింగ్, స్నేహాలు, పేదరికం మధ్య హీరో మనుగడ మనసుకు హత్తుకునేలా ఉంటుంది. Amazon Prime Videoలో ఆ సినిమా స్ట్రీమింగ్ అవుతోంది.

చిడియా (Chidiya)

ముంబైలోని ఇరుకైన గల్లీలో జరిగే ఈ సున్నితమైన చిత్రం, బ్యాడ్మింటన్ ఆడాలని కలలు కనే ఇద్దరు యువ సోదరుల కథ. Amazon Prime Videoలో ఈ మూవీ స్ట్రీమింగ్ అవుతోంది. ఈ లిస్ట్ లో ఇంకా ది మెహతా బాయ్స్, కాళిధర్ లాపాట, స్టోలెన్ వంటి సినిమాలు కూడా ఉన్నాయి.

Read Aslo : OTT Movie : ఆడినోళ్లకు ఆడినంత… బెట్టింగ్ ఉచ్చులో మిడిల్ క్లాస్ అబ్బాయి… ఓటీటీలో అదరగొడుతున్న కన్నడ యాక్షన్ మూవీ