OTT Movie : టీచర్ పై స్టూడెంట్స్ అఘాయిత్యం… ఇదెక్కడి దిక్కు మాలిన మూవీ

OTT Movie : ఇప్పుడు ఎటువంటి సినిమాలు అయినా సరే ఓటీటీలో అందుబాటులోకి వచ్చేస్తున్నాయి. ప్రేక్షకులు కూడా ఓటీటీని ఎంటర్టైన్మెంట్ కోసం ఎక్కువగా ఫాలో అవుతున్నారు. భాషతో సంబంధం లేకుండా వీటిని చూసి ఎంజాయ్ చేస్తున్నారు. అయితే ఇప్పుడు మనం చెప్పుకోబోయే మూవీ, మలయాళం ఇండస్ట్రీ నుంచి వచ్చింది. ఈ సినిమా స్టోరీ ఒక లేడీ టీచర్ చుట్టూ తిరుగుతుంది. ఈ మూవీ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …

నెట్ ఫ్లిక్స్ (Netflix) లో

ఈ మలయాళ క్రైమ్ థ్రిల్లర్ మూవీ పేరు ‘ది టీచర్’ (The Teacher). 2022లో విడుదలైన ఈ మలయాళ మూవీకి వివేక్ దర్శకత్వం వహించారు. Nutmeg ప్రొడక్షన్స్, VTV ఫిల్మ్స్ నిర్మించిన ఈ మూవీలో అమలా పాల్, చెంబన్ వినోద్ హక్కిమ్ షా, మంజు పిళ్లై ప్రధాన పాత్రలు పోషించారు. ఈ సినిమాకు డాన్ విన్సెంట్ సంగీతం అందించారు. ‘అతిరన్’ సినిమా తర్వాత వివేక్ దర్శకత్వం వహించిన రెండో చిత్రం ఇది. ఈ మూవీ ప్రస్తుతం నెట్ ఫ్లిక్స్ (Netflix) లో అందుబాటులో ఉంది.

స్టోరీలోకి వెళితే …

దేవిక అనే మహిళ ఒక కాలేజ్ లో టీచర్ గా పని చేస్తుంటుంది. ఆమె తన భర్త సుజిత్ తో సంతోషంగా జీవితం గడుపుతూ ఉంటుంది. ఒక రోజు ఆమె కాలేజ్ లో ఏర్పాటు చేసిన ఒక ఫంక్షన్ కి వెళ్తుంది. అయితే మరుసటి రోజు ఆమె స్పృహలోకి వచ్చినప్పుడు, తన శరీరంపై గాయాలు ఉంటాయి. నిన్న ఏం జరిగిందో అస్సలు గుర్తు ఉండదు. తన శరీరంపై ఉన్న గాయాలను పరిశీలిస్తున్నప్పుడు, తనపై లైం*గిక దాడి జరిగిందని తెలుసుకుని బాధపడుతుంది. ఆమెకు డ్రగ్ ఇచ్చి ఆ పాడు పని చేస్తూ, కొంత మంది యువకులు దాన్ని వీడియో తీశారని తెలుస్తుంది. ఆ వీడియో కూడా వైరల్ అవ్వడంతో, ఆమె జీవితం తలకిందులు అవుతుంది.

భర్త సుజిత్ అర్థం చేసుకోకుండా, ఈ విషయంలో ఆమెనే నిందిస్తాడు. ఇది ఆమెను మరింత ఒంటరిని చేస్తుంది. అయితే దేవిక కల్యాణి అనే ఒక కమ్యూనిస్ట్ యాక్టివిస్ట్ మద్దతుతో న్యాయం కోసం పోరాడాలని నిర్ణయించుకుంటుంది. దేవిక తనపై దాడి చేసిన వారిని గుర్తించి, వారిని శిక్షించాలని అనుకుంటుంది. ఈ క్రమంలో ఆమె ధైర్యంగా అడుగులు ముందుకు వేస్తుంది. చివరికి ఆమెపై అఘాయిత్యం చేసింది ఎవరు ? వాళ్ళను దేవిక ఎలా శిక్షిస్తుంది ? భర్త ఆమెను మళ్ళీ దగ్గరకు తీసుకుంటాడా ? అనే విషయాలను తెలుసుకోవాలి అనుకుంటే ఈ మలయాళ క్రైమ్ థ్రిల్లర్ సినిమాను మిస్ కాకుండా చూడండి.