ఈ ఆడదెయ్యానికి దేవుళ్లంతా బంధువులే… ప్యాంట్ తడిపించే సీన్లు మావా

Supernatural Horror Movie: మోహినీ వంటి పిశాచాల గురించి వినే ఉంటారు. ఒక్కసారి పట్టుకున్నాయంటే ఓ పట్టాన వదలవు ఈ దెయ్యాలు. అయితే దెయ్యమైనా, పిశాచి అయినా… దేవుడు, దేవుడికి సంబంధించిన శక్తివంతమైన వస్తువులు అంటే భయపడతాయని అందరూ నమ్ముతారు. అందుకే ఎప్పుడన్నా భయం వేస్తే హనుమాన్ చాలీసా అందుకుంటారు. కానీ ఆ దెయ్యమే హనుమాన్ మంత్రాలు పఠిస్తే ఎలా ఉంటుంది ? హనుమాన్ కే కాదు అల్లాతో పాటు జీసస్ కు కూడా భయపడని దెయ్యం ఎదురు పడితే ఏంటి పరిస్థితి ? అది తెలియాలంటే Aseq అనే టైటిల్ తో వచ్చిన ఈ హిందీ మూవీని చూడాల్సిందే.

కథలోకి వెళ్తే…

ఈ మూవీ అంతా జిన్ అనే ఒక అతీత శక్తి, దాని పిచ్చి ప్రేమ చుట్టూ తిరుగుతుంది. అసెక్ అంటే ఉర్దూ లేదా అరబిక్ సంస్కృతిలో ఒక వ్యక్తిపై తీవ్రమైన వ్యామోహం, పిచ్చి ప్రేమను పెంచుకునే ప్రమాదకరమైన జీని అని అర్థం. ఒక్కమాటలో చెప్పాలంటే మగాళ్లు కనిపిస్తే పట్టి, పీల్చి పిప్పి చేసే ఆడపిశాచి అన్నమాట. ఇక కథలోకి వెళ్తే… ఇందులో మన హీరో పేరు రోనీ. అతని గర్ల్ ఫ్రెండ్ పేరు ప్రియాంక. అయితే ప్రాణంగా ప్రేమించుకున్న వీరిద్దరికీ బ్రేకప్ జరుగుతుంది. దీంతో రోని తీవ్రంగా పొంగిపోతాడు.

ఇది జరిగిన కొంతకాలానికి రోని జీవితంలోకి లైల్ అనే మరో అమ్మాయి వస్తుంది. ఆమెతో కూడా ప్రేమలో పడతాడు. ఇక లవ్ లోకి మరోసారి ఎంట్రీ ఇవ్వడంతో కొత్త జీవితాన్ని మొదలుపెడతాడు హీరో. కానీ ఈ ప్రేమాయణం మొదలైనప్పటి నుంచి రోనీ జీవితంలో వింతగా భయంకరమైన సంఘటనలు జరగడం మొదలవుతుంది. రోనికి రాత్రి అయితే చాలు భయంకరమైన శబ్దాలు వినిపించడంతో పాటు ఒళ్ళు గగుర్పాటుకు గురయ్యే దృశ్యాలు కనిపిస్తాయి.

దీంతో తన జీవితంలో జరుగుతున్న ఈ అతింద్రియ సంఘటనలకు తన మాజీ ప్రియురాలు ప్రియాంకనే కారణం అని అనుకుంటాడు. అంతేకాదు ఆమె చేతబడి చేయించిందని నమ్ముతాడు. కానీ ఇక్కడ ట్విస్ట్ ఏంటంటే అది చేతబడి కాదు. ఈ సమస్య నుంచి బయటపడడానికి రోనీ తన ఫ్రెండ్స్ సరిమ్, ఆదిల హెల్ప్ తీసుకుంటాడు. రంగంలోకి దిగిన ఈ ఇద్దరు ఫ్రెండ్స్ అసలు ఏం జరిగింది అని తెలుసుకోవడానికి ట్రై చేస్తారు. ఈ నేపథ్యంలో ఒక షాకింగ్ విషయం బయటపడుతుంది. అదేంటంటే రోనిని వెంటాడుతుంది ప్రియాంక కాదు. అతని వెనుక అసక్ అనే ఒక భయంకరమైన పిశాచి పడిందని తెలుస్తుంది. మరి ఆ జిన్ నుంచి రోని తన ప్రాణాలను, తన కొత్త ప్రేమికులరాలిని ఎలా కాపాడుకున్నాడు ? అసలు అది రోని వెనక ఎందుకు పడింది ? అనే ప్రశ్నలకు సమాధానం కావాలంటే ఈ మూవీని చూడాల్సిందే.

ఇక ఈ సినిమా ఓటీటీ డీటెయిల్స్ విషయానికి వస్తే… ‘అసెక్’ మూవీ హిందీలో మాత్రమే ఓటీటీలో స్ట్రీమింగ్ అవుతుంది. ప్రస్తుతం జియో హాట్ స్టార్ లో అందుబాటులో ఉన్న ఈ మూవీ తెలుగు డబ్బింగ్ వర్షన్ అందుబాటులో లేదు. హిందీలో లేదంటే ఇంగ్లీష్ సబ్ టైటిల్స్ తో ఈ మూవీని చూడొచ్చు.