Thriller On OTT: ఓటీటీలోకి వచ్చేస్తున్న ముగ్గురు హాట్ బ్యూటీస్.. తమన్న, తృప్తి డిమ్రి, దిశా పటానీ క్రైమ్ ట్రిల్లర్..!

Thriller On OTT:ఓటీటీ ప్రియులకు మరో క్రైమ్ డ్రామా మూవీ త్వరలో అందుబాటులోకి రాబోతోంది. ప్రముఖ నటుడు షాహిద్ కపూర్, తృప్తి డిమ్రి ప్రధాన పాత్రల్లో నటించిన ‘ఓ రోమియో’ అనే చిత్రం ఇప్పుడు డిజిటల్ ప్లాట్‌ఫామ్‌లో విడుదలకు సిద్ధమైంది. ఈ సినిమాలో తమన్నా భాటియా, దిశా పటానీ ముఖ్య పాత్రల్లో కనిపించనున్నారు. విభిన్న కథలతో పేరు తెచ్చుకున్న దర్శకుడు విశాల్ భరద్వాజ్ ఈ చిత్రాన్ని తెరకెక్కించారు.

సినిమా కథ ఏమిటంటే..!

ఈ సినిమా కథ ముంబై అండర్‌వరల్డ్ నేపథ్యంలో సాగుతుంది. అధికారం కోసం పోరాటం, గ్యాంగ్‌ల మధ్య గొడవలు, వాటి మధ్య పుట్టే ప్రేమ కథ ఈ మూవీకి ప్రధాన బలం. ప్రముఖ రచయిత హుస్సేన్ జైదీ రచించిన కథాంశం నుంచి ఈ సినిమా ప్రేరణ పొందింది. అందుకే ఇందులో రియాలిస్టిక్ ఫీలింగ్ కనిపిస్తుంది.

ఫిబ్రవరి 13న ప్రేమికుల దినోత్సవం సందర్భంగా ఈ సినిమా థియేటర్లలో విడుదలైంది. ప్రేక్షకుల నుంచి మిశ్రమ స్పందన వచ్చింది. నటీనటుల నటన, బ్యాక్‌గ్రౌండ్ మ్యూజిక్, సినిమాటోగ్రఫీకి మంచి ప్రశంసలు లభించాయి. అయితే కథనం కొంచెం నెమ్మదిగా సాగిందని కొందరు అభిప్రాయపడ్డారు. అయినప్పటికీ క్రైమ్ డ్రామాలు ఇష్టపడే వారికి ఈ సినిమా బాగా నచ్చింది.

ముంబైతో పాటు స్పెయిన్‌లోని అందమైన ప్రదేశాల్లో ఈ సినిమా షూటింగ్ చేశారు. అందువల్ల విజువల్స్ చాలా ఆకట్టుకునేలా ఉన్నాయి. ప్రతి సీన్‌లో ఒక ప్రత్యేకమైన స్టైల్ కనిపిస్తుంది.

ఇప్పుడు ఈ సినిమా ఓటీటీలోకి రాబోతుంది. ప్రముఖ డిజిటల్ ప్లాట్‌ఫామ్ అమెజాన్ ప్రైమ్ వీడియోలో మార్చి 27 నుంచి స్ట్రీమింగ్ ప్రారంభమవుతుంది. అయితే ఇక్కడ ఒక చిన్న ట్విస్ట్ ఉంది. మొదట ఈ సినిమా రెంటల్ విధానంలో అందుబాటులో ఉంటుంది. అంటే ప్రైమ్ సభ్యత్వం ఉన్నప్పటికీ ఈ సినిమాను చూడాలంటే అదనంగా డబ్బులు చెల్లించాలి.

అయితే కొద్దిరోజులు ఆగగలిగితే అదనపు ఖర్చు లేకుండా కూడా చూడవచ్చు. సమాచారం ప్రకారం ఏప్రిల్ రెండో వారంలో ఈ సినిమా ఫ్రీగా ప్రైమ్‌లో అందుబాటులోకి రానుంది. థియేటర్లలో చూడలేకపోయిన వారు లేదా మళ్లీ చూడాలనుకునే వారు ఇంట్లోనే కూర్చుని ఈ సినిమాను ఆస్వాదించవచ్చు.

ALSO READ: Ustaad Bhagath Singh Collections: ఉస్తాద్ భగత్ సింగ్ బ్రేక్ ఈవెన్ ఇక అసాధ్యమేనా..!