Romantic movie OTT : విడుదలకు ముందే క్రేజీ ఓటీటీ డీల్… అనస్వర రొమాంటిక్ మూవీని ఏ ఓటీటీలో చూడొచ్చంటే ?

Romantic movie OTT : ప్రేమికుల దినోత్సవానికి ముందు ఓ తమిళ రొమాంటిక్ మూవీ థియేటర్లలోకి వస్తోంది. ఇద్దరు మాజీ స్కూల్‌మేట్స్ అనుకోకుండా ఒక రోజు తిరిగి కలుసుకోవడంతో అసలు స్టోరీ మొదలవుతుంది. ఈ వారం విడుదల కానున్న తమిళ రొమాంటిక్ మూవీలో ఒక ప్రముఖ దర్శకుడు హీరోగా ఎంట్రీ ఇస్తున్నారు. మలయాళం నటి ఇందులో అలరించబోతోంది. ఈ సినిమా థియేటర్లలోకి రాకముందే డిజిటల్ స్ట్రీమింగ్ హక్కులను ఒక ప్రముఖ ఓటీటీ సంస్థ దక్కించుకుంది. మరి ఈ సినిమా పేరు, ఏ ఓటీటీలోకి వస్తుంది ? థియేటర్లలో ఎప్పుడు చూడచ్చు ? అనే విషయాలను తెలుసుకుందాం పదండి.

ఏ ఓటీటీలోకి రాబోతోంది అంటే

థియేటర్లలోకి రాబోయే ఈ తమిళ రొమాంటిక్ మూవీ పేరు ‘విత్ లవ్’ (With Love). ఇది ఈ వారం థియేటర్లలో విడుదల కానుంది. టూరిస్ట్ ఫ్యామిలీ దర్శకుడు అభిషన్ జీవింత్ ఈ చిత్రంతో హీరోగా అరంగేట్రం చేస్తుండగా, మలయాళ నటి అనస్వర రాజన్ ఈ తమిళ సినిమాలో నటిస్తున్నారు. ఈ సినిమా ట్రైలర్‌ను మేకర్స్ కొంతకాలం క్రితం విడుదల చేశారు. అది ఈ సినిమాను చూసేందుకు ఆసక్తి కలిగించేలా ఉంది.
ఇక ఈ సినిమా విడుదలకు ముందే స్ట్రీమింగ్ హక్కులు నెట్‌ఫ్లిక్స్‌కు అమ్ముడయ్యాయి. ఈ చిత్రం థియేట్రికల్ రన్ పూర్తయిన తర్వాత, మార్చిలో సదరు ఓటీటీ ప్రసారం చేసే అవకాశం ఉంది. ఈ రెండు గంటల 21 నిమిషాల సినిమా సెన్సార్ బోర్డు నుండి కూడా ‘U’ సర్టిఫికేట్ పొందింది. రజనీకాంత్ కుమార్తె సౌందర్య రజనీకాంత్ ఈ చిత్రాన్ని నిర్మించారు. చిత్రానికి మదన్ దర్శకత్వం వహించగా, షాన్ రోల్డన్ అద్భుతమైన సంగీతాన్ని అందించారు.

స్టోరీ ఏమిటంటే

పెళ్లి సంబంధాలను ఇష్టపడని సత్య (అభిషన్ జీవింత్), తన సోదరి ఒత్తిడి మేరకు ఒక అమ్మాయిని కలవడానికి వెళతాడు. అక్కడ అతను మోనిష (అనశ్వర రాజన్)ను కలుస్తాడు. మాటల మధ్యలో వాళ్ళు ఒకే స్కూల్‌లో సీనియర్, జూనియర్ అని తెలుసుకుంటారు. వాళ్ళిద్దరూ కలిసి తమ చిన్ననాటి క్రష్‌లను, ఆ పాత జ్ఞాపకాలను మళ్ళీ గుర్తు చేసుకోవాలని ఒక ప్లాన్ వేస్తారు. ఈ ప్రయాణం సత్య, మోనిష జీవితాల్లో కొత్త మలుపులకు దారితీస్తుంది. ఆ మలుపులు ఏమిటి ? చివరికి వాళ్ళు తమ పాత ప్రేమికులను కలిశారా ? ఒకరికొకరు ప్రేమలో పడ్డారా ? అన్నది సినిమాను చూసి తెలుసుకోవాల్సిందే.