Psychological Thriller OTT : 8 ఏళ్ల నాటి సిరీస్… IMDbలో 8.2 రేటింగ్‌.. నిమిషానికో ట్విస్ట్ తో ఊపిరి బిగబట్టేలా చేసే సస్పెన్స్ థ్రిల్లర్

Psychological Thriller OTT : కొన్ని సినిమాలు, వెబ్ సిరీస్‌లు విడుదలైన కొంత కాలానికి పాతబడిపోవచ్చు. కానీ వాటి కథ, అందులో ఉత్కంఠ, భావోద్వేగ లోతు ప్రేక్షకుల మనస్సులపై శాశ్వత ముద్ర వేస్తాయి. ఒక్కసారి చూస్తే విడుదలైన కొన్ని సంవత్సరాల తర్వాత కూడా, ఆ థ్రిల్ అలాగే ఉంటుంది. ఈరోజు మన మూవీ సజెషన్ కూడా అలాంటి ఒక సైకలాజికల్ థ్రిల్లర్ వెబ్ సిరీసే. మరి ఆ సిరీస్ పేరేంటో తెలుసుకుందాం పదండి.

అమెజాన్ ప్రైమ్ వీడియోలో స్ట్రీమింగ్

ఇప్పుడు మనం 2018లో అమెజాన్ ప్రైమ్ వీడియోలో ప్రీమియర్ అయిన “బ్రీత్” మొదటి సీజన్ గురించి మాట్లాడుతున్నాము. విడుదలైన ఎనిమిది సంవత్సరాల తర్వాత కూడా, ఈ సిరీస్ ఆడియన్స్ మనసులో ఇంకా మెదులుతూనే ఉంది. మయాంక్ శర్మ దర్శకత్వంలో రూపొందిన ఈ సిరీస్, అమెజాన్ ప్రైమ్ వీడియోలో రెండవ ఇండియన్ ఒరిజినల్ సిరీస్‌గా విడుదలైంది. దీని ఇంపాక్ట్ ఇప్పటికీ కొనసాగుతోంది. ఈ సీజన్‌లో తండ్రి పాత్రను ఆర్. మాధవన్, అమిత్ సాద్ పోలీసు అధికారిగా నటించారు, సప్నా పబ్బి రియా గాంగులీ పాత్రలో, నీనా కుల్కర్ణి జూలియట్ మాస్కరెన్హాస్‌గా, హ్రిషికేశ్ జోషి ప్రకాశ్ కాంబ్లే పాత్రలో నటించారు.

Also Read : ఆస్కార్ నామినేటెడ్ షార్ట్ మ్యూజికల్ కామెడీ మూవీ… ఏ ఓటీటీలో స్ట్రీమింగ్ ఎప్పుడు ?

ఈ సిరీస్ ముంబై నేపథ్యంలో సాగుతుంది, సాధారణ వ్యక్తులు అసాధారణ పరిస్థితులలో ఎలా ప్రవర్తిస్తారనే థీమ్‌ తో రూపొందిన ఈ సిరీస్ కు IMDbలో 8.2 రేటింగ్ ఉండడం విశేషం. ఈ ఇంటెన్స్ సైకలాజికల్ థ్రిల్లర్ లో ప్రతి ఎపిసోడ్‌ తో ఉత్కంఠ పెరుగుతుంది. నిజం ఎప్పుడు బయటపడుతుందోనని ఆడియన్స్ ఊపిరి బిగబట్టి చూసేలా చేస్తుంది. దర్శకత్వం, నేపథ్య సంగీతం కూడా ఎఫెక్టివ్ గా ఉంటాయి. గ్రిప్పింగ్ నెరేటివ్‌తో మొదటి ఎపిసోడ్ నుండి చివరి వరకు మైండ్ గేమ్స్ తో ఆకట్టుకుంటుంది. “బ్రీత్” నుంచి ఇప్పటివరకు రెండు సీజన్లు విడుదల అయ్యాయి. ఆడియన్స్ రెండింటినీ బాగా ఆదరించారు. అయితే మొదటి సీజన్ దాని ప్రత్యేకమైన కథతో కట్టిపడేస్తుంది.

కథలోకి వెళ్తే…

“బ్రీత్” కథ మూడు ప్రధాన పాత్రల చుట్టూ తిరుగుతుంది: అంకితభావంతో కూడిన కానీ నిస్సహాయుడైన తండ్రి డానీ మాస్కరెన్హాస్ (ఆర్. మాధవన్), తీవ్ర అనారోగ్యంతో ఉన్న అతని కొడుకు జోష్ (అథర్వ విశ్వకర్మ), చురుకైన, తెలివైన పోలీసు అధికారి కబీర్ సావంత్ (అమిత్ సాద్). సంతోషకరమైన ఫ్యామిలీ డ్రామాతో కథ స్టార్ట్ అవుతుంది. కానీ త్వరలోనే ఊహించని మలుపు తిరుగుతుంది. కొడుకు సిస్టిక్ ఫైబ్రోసిస్ అనే ప్రాణాంతక అనారోగ్యంతో పోరాడతాడు. అతన్ని కాపాడటానికి, ఊపిరితిత్తుల మార్పిడి అవసరం. తగిన అవయవ దాత కోసం ఆ తండ్రి అన్వేషణ ప్రారంభమవుతుంది. కానీ పరిస్థితి చేజారడంతో హీరో ఊహించని నిర్ణయం తీసుకుంటాడు ? ఆ నిర్ణయం ఏంటి ? కొడుకును బతికించగలిగాడా ? చివరికి ఏమైంది? అన్నది కథ.