OTT Movie : ఉద్యోగం కోసం వచ్చి ఇదెక్కడి దిక్కుమాలిన పని భయ్యా ? గూస్ బంప్స్ తెప్పించే ఇంటెన్స్ క్రైమ్ థ్రిల్లర్

OTT Movie : ఓటీటీలోకి మరో సరికొత్త థ్రిల్లర్ వెబ్ సిరీస్ వచ్చేసింది. ప్రతీకారం ప్రధాన అంశంగా తెరకెక్కింది. ఇది ఒక ధనవంతుల ఫ్యామిలీలోకి ఎంటర్ అయి వాళ్లను డిస్ట్రాయ్ చేయాలనుకునే ఒక వ్యక్తి చుట్టూ తిరుగుతుంది. ఒక్క సారి చూడటం స్టార్ట్ చేస్తే చూపు తిప్పుకోలేరు. అంత ఇంటెన్స్ గా ఈ సిరీస్ ఉంటుంది. థ్రిల్లర్ ఫ్యాన్స్ కి మస్ట్ వాచ్ స్టోరీ. దీని పేరు ఏమిటి ? ఏ ఓటీటీలో స్ట్రీమింగ్ అవుతుంది ? అనే వివరాల్లోకి వెళ్తే..

అమెజాన్ ప్రైమ్ వీడియోలో

‘మాలిస్’ (Malice) సీజన్ 1 2025లో విడుదలైన బ్రిటిష్ సైకలాజికల్ థ్రిల్లర్ వెబ్ సిరీస్. ఇది జేమ్స్ వుడ్ క్రియేట్ చేసిన సిరీస్. ఇందులో జాక్ వైట్‌ హాల్, డేవిడ్ డచోవ్నీ, కారిస్ వాన్ హౌటెన్ ప్రధాన పాత్రల్లో నటించారు. ఇది అమెజాన్ ప్రైమ్ వీడియోలో 2025 నవంబర్ 14 నుంచి 6 ఎపిసోడ్‌లతో స్ట్రీమింగ్ అవుతోంది. దాదాపు ముప్పావు గంటకు పైగా ప్రతి ఎపిసోడ్ ఉంటుంది. ఐయండిబిలో 6.5/10 రేటింగ్ ను పొందింది.

స్టోరీ ఏమిటంటే

జామీ టానర్ అనే రిచ్ ఫ్యామిలీ గ్రీస్‌లో సెలవులు గడపడానికి వెళ్తుంది. అక్కడ అంతా సరదాగా గడుపుతుంటారు. ఆడమ్ అనే వ్యక్తి వెళ్ళకి పరిచయం అవుతాడు. ఇక అతను చదువుకున్న నిరుద్యోగి అని తెలుసుకుని ట్యూటర్‌గాఉద్యోగంలో చేరమంటారు. ఆ ఇంట్లో ఇప్పటికే ఉన్న ఆయా అనారోగ్యంతో బాధపడుతూ ఉంటుంది. ఇప్పుడు ఆడమ్ లండన్ లో ఉన్న వాళ్ళ ఇంటికి చేరుకుంటాడు. ఇక్కడి నుంచి అసలు కథ మొదలవుతుంది. ఆడమ్ అక్కడికి ఉద్యోగం కోసం రాలేదు. ప్రతీకారం తీర్చుకోవడానికి వచ్చాడు. అతని తండ్రి ఆర్థికంగా నాశనమై, ఆ తర్వాత చనిపోవడానికి జామీ టానర్ కారణమని అతను నమ్ముతాడు. ఎందుకంటే కొన్ని సంవత్సరాల క్రితం జామీ తన పెట్టుబడిని వెనక్కి తీసుకోవడం వల్ల తన తండ్రికి బాగా నష్టం జరిగింది. ఆ దిగులుతో అతను చనిపోయి ఉంటాడు.

ఇక ఈ సీజన్ మొత్తం జామీ జీవితాన్ని ఆడమ్ పద్ధతిగా ఎలా నాశనం చేశాడో చూపిస్తారు. జామీకి, అతని భార్య నాట్ కి మధ్య చిచ్చు పెట్టడం, అక్రమ సంబంధాలు ఉన్నాయని నమ్మించడం, ఆఖరికి వాళ్ళ పెంపుడు కుక్కకు విషం పెట్టి చంపేయడం వంటి పనులు చేస్తాడు. సీజన్ ముగింపులో జామీని ఆడమ్ చంపి, ఆ నేరాన్ని పొరుగువాళ్ళపై నెడతాడు. ఇక క్లైమాక్స్ అతను తన నేరాల నుండి తప్పించుకుంటాడా ? పోలీసులు పట్టుకుంటారా ? అనే విషయాలను, బ్రిటిష్ సైకలాజికల్ థ్రిల్లర్ వెబ్ సిరీస్ ను చూసి తెలుసుకోండి.