OTT Movie : మగ జాతిని అంతం చేసే వైరస్… మిగిలిన ఒక్క అబ్బాయితో అమ్మాయిలంతా…

OTT Movie : ఎప్పటినుంచో సినిమాలే ప్రేక్షకులకు ఎంటర్టైన్మెంట్ గా తెరకెక్కుతూ వచ్చాయి. అయితే ఇప్పుడు పరిస్థితి పూర్తిగా మారిపోయింది. థియేటర్లకు వెళ్లకుండానే సినిమాలను ఇంట్లోనే చూస్తున్నారు. వీటితోపాటు వెబ్ సిరీస్ లు కూడా డైరెక్ట్ గా ఓటీటీలో స్ట్రీమింగ్ కి వస్తున్నాయి. అయితే ఇప్పుడు మనం చెప్పుకోబోయే వెబ్ సిరీస్ చాలా డిఫరెంట్ గా ఉంటుంది. న్యూజిలాండ్ నుంచి వచ్చిన ఈ వెబ్ సిరీస్ స్టోరీలో భూమి మీద మగవాళ్ళు లేకుండా పోతే ఎలా ఉంటుందో చూపించారు. ఈ వెబ్ సిరీస్ పేరు ఏమిటి ? ఎందులో స్ట్రీమింగ్ అవుతుంది ? అనే వివరాల్లోకి వెళితే …

స్టోరీలోకి వెళితే

ముగ్గురు స్నేహితులు అలెక్స్, జైమీ, పిప్ న్యూజీలాండ్‌లోని హిరో వ్యాలీలో ఒక డైరీ ఫామ్‌లో జీవిస్తుంటారు. భూమి మీద ఒక వైరస్ దాదాపు పురుషులను నాశనం చేస్తుంది. ఎనిమిది సంవత్సరాల తర్వాత, స్త్రీలు మాత్రమే సమాజానికి దిశా నిర్దేశం చేస్తుంటారు. స్త్రీలు ఒక వెల్‌నెస్ అనే సంస్థను స్థాపించి, ఒక కొత్త ప్రపంచాన్ని సృష్టించాలని ప్రయత్నిస్తుంటారు.ఈ సంస్థకు ఒక మహిళ నాయకురాలిగా ఉంటుంది. భూమి మీద మిగిలిపోయిన పురుషుల స్పెర్మ్ బ్యాంకుల నుండి స్పెర్మ్‌ను ఉపయోగించి లాటరీ ద్వారా జనాభాను పెంచే ప్రక్రియను నిర్వహిస్తారు.

ఒక రోజు రాత్రి ముగ్గురు అమ్మాయిలు కారులో ప్రయాణిస్తూ ఒక వ్యక్తిని ఢీకొంటారు. అతను ప్రపంచంలో మిగిలి ఉన్న చివరి పురుషుడిగా వీళ్ళంతా భావిస్తారు. ఈ సంఘటన వారి జీవితాలను తలకిందులు చేస్తుంది. ఎందుకంటే బాబీ అక్కడ ఉన్న మహిళలకి ఓ రహస్యం చెప్తాడు. భూమి మీద ఇంకా పురుషులు జీవించి ఉన్నారని, వెల్‌నెస్ సంస్థ నిర్వహించే ఒక రహస్య ప్రయోగశాలలో బందీలుగా ఉన్నారని, నేను కూడా అక్కడి నుంచి తప్పించుకుని వచ్చానని చెప్తాడు. వెల్‌నెస్ సంస్థ కూడా ప్రాణాలతో మిగిలిన పురుషులను బంధీలుగా ఉంచి, వారి స్పెర్మ్‌ను సేకరిస్తుంటారు. చివరికి ఈ అమ్మాయిలు బాబీని ఎలా వాడుకుంటారు ? అతన్ని వెల్‌నెస్ సంస్థకి అప్పగిస్తారా ? మరేదైనా ప్లాన్ చేస్తారా ? అనే విషయాలను తెలుసుకోవాలి అనుకుంటే, ఈ సినిమాను మిస్ కాకుండా చూడండి.

మూడు ఓటిటిలలో స్ట్రీమింగ్

ఈ బ్లాక్ కామెడీ వెబ్ సిరీస్ పేరు ‘క్రీమెరీ’ (Creamerie). 2021 లో న్యూజీలాండ్ నుండి వచ్చిన ఈ వెబ్ సిరీస్ ను లియాంగ్, JJ ఫాంగ్, పెర్లినా లా, అల్లీ జూ రూపొందించారు. ఈ సిరీస్ ఒక అపోకలిప్టిక్ ప్రపంచంలో జరుగుతుంది. ఇక్కడ ఒక వైరస్ 99% మంది పురుషులను చంపేసింది. మిగిలిన 1% న్యూజీలాండ్‌లోని ఒక రహస్య ప్రదేశంలో చనిపోయినట్లు తెలుస్తుంది. ఇది TVNZ OnDemand, jio hotstar, hulu ఓటీటీలో స్ట్రీమింగ్ అవుతోంది. 2021లో మొదటి సీజన్ 6 ఎపిసోడ్‌లతో, 2023 లో రెండవ సీజన్ 6 ఎపిసోడ్‌లతో ఓటీటీలో అందుబాటులోకి వచ్చింది. 2021 లో న్యూజీలాండ్ టెలివిజన్ అవార్డ్స్‌లో ఇది ఉత్తమ డ్రామా సిరీస్ అవార్డ్ ను గెలుచుకుంది.