భార్య, గర్ల్‌ఫ్రెండ్ ఇద్దరూ ఒకేసారి ప్రెగ్నెంట్… హీరో పడిన కష్టాలు భలే కామెడీ భయ్యా

Romantic Comedy: ప్రేమ, పెళ్లి, అబద్ధాలు… ఈ మూడు కలిస్తే గందరగోళం ఎలా ఉంటుందో చెప్పే సినిమాలు చాలానే వచ్చాయి. కానీ భార్యకు తెలియకుండా మరో ఎఫైర్ కొనసాగిస్తున్న వ్యక్తికి… ఒకే సమయంలో భార్య, ప్రియురాలు ఇద్దరూ తాము గర్భవతులమని చెబితే పరిస్థితి ఎలా ఉంటుందో ఊహించండి. అదే ఆసక్తికరమైన కాన్సెప్ట్‌తో తెరకెక్కిన బాలీవుడ్ రొమాంటిక్ కామెడీ మూవీనే Hai Jawani Toh Ishq Hona Hai. మొదటి నుంచి చివరి వరకు నవ్వులు పంచే ఈ సినిమా థియేటర్లలో ప్రేక్షకులను బాగా అలరించింది. ఇప్పుడు ఈ ఫుల్ లెంగ్త్ కామెడీ ఎంటర్‌టైనర్ ఓటీటీ స్ట్రీమింగ్ అవుతోంది. మరి ఈ కామెడీ డ్రామాను ఏ ఓటీటీలో ఉంది ? స్టోరీ ఏంటి ? అనే వివరాలను తెలుసుకుందాం పదండి.

కథలోకి వెళ్తే…

పెళ్లైన తర్వాత కూడా హీరో తన భార్యకు తెలియకుండా మరో యువతితో ప్రేమను కొనసాగిస్తుంటాడు. రెండు జీవితాలను ఒకేసారి మేనేజ్ చేస్తూ ఎలాంటి ఇబ్బంది లేకుండా గడిపేస్తున్నానని అనుకుంటాడు. కానీ ఒక రోజు అతని జీవితాన్ని పూర్తిగా మార్చేసే సంఘటన జరుగుతుంది. మొదట భార్య తాను గర్భవతినని చెబుతుంది. ఆ షాక్ నుంచి ఇంకా బయట పడకముందే, కొద్ది రోజుల వ్యవధిలోనే ప్రియురాలు కూడా అదే విషయం చెప్పడంతో హీరోకు ఏం చేయాలో అర్థం కాదు. ఇద్దరినీ కోల్పోకుండా, ఎవరికీ నిజం తెలియకుండా పరిస్థితిని మేనేజ్ చేయాలని ప్రయత్నిస్తాడు. కానీ చెప్పిన ప్రతి అబద్ధం కొత్త సమస్యకు దారి తీస్తుంది.

ఇద్దరూ ఒకే నగరంలో ఉండటం, ఒకే హాస్పిటల్‌కు రావడం, ఒకే సమయంలో తనతో ఉండాలని కోరుకోవడం వల్ల హీరో పడే తిప్పలు నవ్వులు పంచుతాయి. ఒకరికి చెప్పిన అబద్ధాన్ని మరొకరి దగ్గర కప్పిపుచ్చేందుకు చేసే ప్రయత్నాలు మరింత గందరగోళాన్ని సృష్టిస్తాయి. పరిస్థితి ఒక్కోసారి అతని చేతుల్లో నుంచి జారిపోతుంది.

కథ అసలు మలుపు తిరిగేది భార్య, ప్రియురాలు అనుకోకుండా ఎదురెదురుగా కలిసిన తర్వాతే. అప్పటి వరకు దాచిన నిజాలు ఒక్కొక్కటిగా బయటపడే పరిస్థితి వస్తుంది. హీరో ఆ గందరగోళం నుంచి ఎలా బయటపడ్డాడు ? ఇద్దరి ముందు నిజాన్ని ఒప్పుకున్నాడా ? లేక మరో కొత్త ప్లాన్‌తో సమస్యను పరిష్కరించుకున్నాడా ? చివరకు అతని జీవితం ఎలాంటి మలుపు తిరిగింది ? అనే అంశాల చుట్టూ సినిమా వినోదాత్మకంగా సాగుతుంది.

తెలుగులో స్ట్రీమింగ్ అవుతుందా ?

ప్రస్తుతం ఈ కామెడీ డ్రామా ZEE5లో స్ట్రీమింగ్ అవుతోంది. సినిమాలో వచ్చే కన్ఫ్యూజన్ కామెడీ, హీరో చెప్పే వరుస అబద్ధాలు, హాస్పిటల్‌లో జరిగే సంఘటనలు ప్రేక్షకులను బాగా నవ్విస్తాయి. రొమాన్స్‌తో పాటు ఫ్యామిలీ కామెడీని సమపాళ్లలో మేళవించిన తీరు సినిమాలో హైలెట్. ముఖ్యంగా రెండో భాగంలో వచ్చే గందరగోళ సన్నివేశాలు ప్రేక్షకులను చివరి వరకు ఎంటర్‌టైన్ చేస్తాయి. లాజిక్ కంటే కామెడీకి ప్రాధాన్యం ఇచ్చే బాలీవుడ్ ఎంటర్‌టైనర్స్ కావాలనుకుంటే ఈ సినిమాను చూడొచ్చు. నవ్వులు, రిలేషన్‌షిప్ డ్రామా, కన్ఫ్యూజన్‌తో నిండిన ఈ సినిమాని వీకెండ్‌లో కుటుంబంతో లేదా ఫ్రెండ్స్‌తో కలిసి హాయిగా ఆస్వాదించవచ్చు. కానీ తెలుగు డబ్బింగ్ అందుబాటులో లేదు.