ఈ ఏడాది ఓటీటీలో దూసుకెళ్తున్న నెట్ ఫ్లిక్స్ ఒరిజినల్ కే డ్రామాలు…

Best 2026 Korean Dramas on OTT: కొరియన్ డ్రామాలకు ఉన్న క్రేజ్ గురించి ప్రత్యేకంగా చెప్పక్కర్లేదు. ఎమోషన్స్ అయినా, యాక్షన్ అయినా, క్యూట్ లవ్ స్టోరీస్ అయినా కొరియన్ స్టైలే వేరు. అందుకే నెట్‌ఫ్లిక్స్ ప్రతి ఏటా అదిరిపోయే ఒరిజినల్స్‌తో మన ముందుకు వస్తోంది. ఈ ఏడాది కూడా కొన్ని క్రేజీ ప్రాజెక్ట్స్ నెట్‌ఫ్లిక్స్ లో ట్రెండింగ్ లో ఉన్నాయి. వీటిలో రొమాన్స్ నుంచి రివెంజ్ థ్రిల్లర్స్ వరకు అన్నీ అందుబాటులో ఉన్నాయి. ఒక్క సిరీస్ చూసినా అంత ఈజీగా మరిచిపోలేరు.

1. Can This Love Be Translated? (కెన్ దిస్ లవ్ బీ ట్రాన్స్‌లేటెడ్?)

ఈ సిరీస్ గురించి అనౌన్స్‌మెంట్ వచ్చినప్పటి నుంచే భారీ అంచనాలు ఉన్నాయి. ఎందుకంటే ఇందులో మనందరికీ ఇష్టమైన కిమ్ సీన్-హో హీరోగా నటించాడు. ఇందులో అతను ఒక మల్టీలింగువల్ ట్రాన్స్‌లేటర్ (అనేక భాషలు తెలిసిన వ్యక్తి). అతనికి, ఒక లేడీ గ్లోబల్ స్టార్ మధ్య నడిచే వెరైటీ లవ్ స్టోరీ ఇది. భాషలు వేరైనా మనసులు ఎలా కలిశాయనేది చాలా క్యూట్‌గా, ఫన్నీగా చూపించారు ఇందులో. రొమాంటిక్ కామెడీలు ఇష్టపడేవారికి ఇది పండగే!

2. Bloodhounds 2 (బ్లడ్‌హౌండ్స్ 2)

ఫస్ట్ సీజన్ చూసిన వాళ్లకు తెలుసు.. ఆ యాక్షన్ ప్యాక్డ్ సీన్లు ఎలా ఉంటాయో! ఇప్పుడు సీజన్ 2తో బాక్సింగ్ మిత్రులు మళ్ళీ అదరగొడుతున్నారు. అండర్ వరల్డ్, స్నేహం చుట్టూ తిరిగే ఈ సిరీస్‌లో ఈసారి యాక్షన్ డోస్ డబుల్ ఉంది. ఉత్కంఠభరితమైన ఫైట్స్, గ్రిప్పింగ్ స్క్రీన్ ప్లే కావాలనుకునే వాళ్ళు ‘బ్లడ్‌హౌండ్స్ 2’ ను చూసేయచ్చు.

3. The Art of Sarah (ది ఆర్ట్ ఆఫ్ సారా)

ఇది కొంచెం డిఫరెంట్ అప్రోచ్‌తో వచ్చిన సిరీస్. కళ, మనుషుల మధ్య ఉండే ఎమోషనల్ బాండింగ్‌ను ఇందులో అద్భుతంగా చూపించారు. పేరులో ఉన్నట్టుగానే ఒక ఆర్టిస్ట్ లైఫ్ చుట్టూ తిరిగే కథ ఇది. ఎమోషనల్ డ్రామాలను ఇష్టపడే వారికి ఇది బాగా కనెక్ట్ అవుతుంది.

4. Boyfriend on Demand (బాయ్‌ఫ్రెండ్ ఆన్ డిమాండ్)

ఈ టైటిల్ వింటేనే అర్థమైపోతుంది ఇది ఎంత యూత్‌ఫుల్‌గా ఉండబోతుందో! నేటి కాలంలో రిలేషన్‌షిప్స్ ఎలా ఉంటున్నాయి, అద్దెకు బాయ్‌ఫ్రెండ్స్ దొరకడం వంటి వెరైటీ కాన్సెప్ట్‌తో ఈ డ్రామా రూపొందింది. కామెడీతో పాటు ప్రస్తుత జనరేషన్ ఆలోచనలను ఇందులో సరదాగా చూపించారు. ఫ్రెండ్స్‌తో కలిసి సరదాగా చూడటానికి ఇది బెస్ట్ ఆప్షన్.

5. If Wishes Could Kill (ఇఫ్ విషెస్ కుడ్ కిల్)

ఇదొక మిస్టరీ థ్రిల్లర్ డ్రామా. మనం కోరుకునే కోరికలు నిజంగా ప్రాణాలు తీస్తే ఎలా ఉంటుంది? అనే విభిన్నమైన పాయింట్‌తో ఈ సిరీస్ నడుస్తుంది. ఒక ఫోన్ యాప్ చుట్టూ తిరిగే ఈ స్టోరీ ఒళ్ళు గగుర్పొడిచేలా చేస్తుంది. సస్పెన్స్ స్టోరీలను ఇష్టపడే వారికి ఈ సిరీస్ ప్రతి ఎపిసోడ్‌లో షాక్ ఇస్తుంది. ఈ ఏడాది నెట్‌ఫ్లిక్స్‌లో రిలీజ్ అవుతున్న ఈ కొరియన్ సిరీస్‌లు కేవలం కథలతోనే కాదు, వాటి మేకింగ్ స్టైల్‌తో కూడా మనల్ని ఆకట్టుకుంటున్నాయి.