Action Thriller OTT : బాక్సాఫీస్ వద్ద బోల్తా కొట్టిన ‘ల్యాండ్‌లార్డ్’… స్ట్రీమింగ్ కోసం ఎదురు చూపులు

Action Thriller OTT : కన్నడ సినిమా ప్రేక్షకులకు ఒక అప్‌డేట్ అయితే వచ్చింది. దునియా విజయ్ హీరోగా నటించిన ‘ల్యాండ్‌లార్డ్’ సినిమా థియేటర్లలో ఆశించిన స్థాయిలో రన్ ఇవ్వలేకపోయింది. జనవరి చివర్లో విడుదలైన ఈ చిత్రం బాక్సాఫీస్ వద్ద పరాజయం పాలైంది. కానీ ఇప్పుడు డిజిటల్ ప్లాట్‌ ఫామ్‌లో ఈ సినిమా ఎంట్రీ ఇవ్వనుంది. సమాచారం ప్రకారం, ఓ ప్రముఖ ఓటీటీ సంస్థ ఈ చిత్రం సాటిలైట్, డిజిటల్ హక్కులను సొంతం చేసుకుంది. త్వరలో అధికారిక ప్రకటన వచ్చే అవకాశం ఉంది.

ఏ ఓటీటీలో వచ్చే అవకాశం ఉంది అంటే ?

జడేషా కె హంపి దర్శకత్వంలో దునియా విజయ్ హీరోగా నటించిన సినిమా ‘ల్యాండ్‌లార్డ్’ (Landlord). సమాచారం ప్రకారం, జీ నెట్‌వర్క్ ఈ చిత్రం సాటిలైట్’ డిజిటల్ హక్కులను సొంతం చేసుకుంది. త్వరలో అధికారిక ప్రకటన వచ్చే అవకాశం ఉంది. ఇందులో రాజ్ బి శెట్టి ప్రధాన విలన్‌గా నటించాడు. ఓటీటీలో చూసేందుకు ఫ్యాన్స్ మాత్రం ఆసక్తిగా ఎదురుచూస్తున్నారు. ఇక థియేటర్ విండో 30 రోజులు లేదా అంతకంటే తక్కువ ఉండే అవకాశం ఉంది. 2026 ఫిబ్రవరి 20 నాటికి ఈ చిత్రం ఓటీటీలోకి రావాలి. కానీ ఫిబ్రవరి 20న కాటేరా దర్శకుడు తరుణ్ సుధీర్ వెబ్ సిరీస్ రాక్షస విడుదలవుతుంది. అందుకే ల్యాండ్‌లార్డ్‌ ఫిబ్రవరి 27న స్ట్రీమింగ్ అవుతుందని అంచనా. అధికారిక ప్రకటన త్వరలో వచ్చే అవకాశం ఉంది. దీనికి అజనీష్ లోక్‌నాథ్ సంగీతం అందించారు. ఇక గోపాలకృష్ణ దేశ్‌పాండే, రితన్య విజయ్, శిశిర్ బైకాడి, భావనా రాహ్, రాకేష్ అడిగా, షారా లోహితాశ్వ, అచ్యుత్ కుమార్, రచితా రామ్ వంటి తారాగణం కూడా ఇందులో ఉంది.

స్టోరీ ఏమిటంటే

ఒక పల్లెటూరిలో రాచయ్య (దునియా విజయ్) తన తండ్రి నుంచి అన్యాయంగా పోయిన భూమిని తిరిగి దక్కించుకోవాలని ఊరికి వస్తాడు. అయితే అతను గొడవలు పడకుండా గాంధీ మార్గంలో పని పూర్తి చేయాలనుకుంటాడు. కానీ ఆ ఊరిని తన గుప్పిట్లో పెట్టుకున్న భూస్వామి సన్న ధణి (రాజ్ బి. శెట్టి) చాలా క్రూరుడు. పేద ప్రజలను హింసిస్తూ, అందరి భూములను లాక్కునే రకం. చివరకు ఆ అరాచక భూస్వామి అన్యాయాలను రాచయ్య ఎలా అడ్డుకున్నాడు ? తన భూమిని ఎలా కాపాడుకున్నాడు ? అనేదే ఈ సినిమా ముగింపు.