పిల్లలపై లాఠీఛార్జ్ ఘోరం.. ధర్మేంద్ర ప్రధాన్ ముందే రేణుకా చౌదరి నిరసన

Renuka Chowdhury: పార్లమెంట్ ఆవరణలో రాజకీయ వాతావరణం ఎప్పుడూ వేడిగానే ఉంటుంది. కానీ, ఇటీవల కేంద్ర విద్యా శాఖ మంత్రి ధర్మేంద్ర ప్రధాన్ ఎదురుగా కాంగ్రెస్ రాజ్యసభ ఎంపీ రేణుకా చౌదరి చేసిన తీవ్ర వ్యాఖ్యలు ఇప్పుడు సోషల్ మీడియాలో, రాజకీయ వర్గాల్లో తీవ్ర కలకలం రేపుతున్నాయి. ప్రభుత్వం అనుసరిస్తున్న వైఖరిపై ఆమె నేరుగా కేంద్రమంత్రి ముందే విరుచుకుపడ్డారు.

‘యూస్‌లెస్ గవర్నమెంట్’ అంటూ ఘాటు వ్యాఖ్యలు..

ఢిల్లీలోని జంతర్ మంతర్ వద్ద నిరసన తెలుపుతున్న రైతులు, విద్యార్థులపై పోలీసులు జరిపిన చర్యలపై రేణుకా చౌదరి తీవ్ర స్థాయిలో ధ్వజమెత్తారు. ‘పిల్లలపై లాఠీఛార్జ్ చేస్తున్నారు.. ఇది ఒక యూస్‌లెస్ గవర్నమెంట్’ అని ఆమె మండిపడ్డారు. దేశంలో తమ హక్కుల కోసం పోరాడుతున్న వారిపై ప్రభుత్వం కఠినంగా వ్యవహరించడాన్ని ఆమె తీవ్రంగా తప్పుపట్టారు.

మనుషులు కాదు, రాక్షసులు!

ప్రభుత్వ తీరును ఎండగడుతూ ఆమె మరింత ఘాటు వ్యాఖ్యలు చేశారు. ‘రైతులపై వాటర్ క్యానన్లు ప్రయోగించారు, విద్యార్థులపై టియర్ గ్యాస్ ప్రయోగించారు. వాహ్ రే వాహ్.. ఎంత శక్తివంతమైన ప్రభుత్వమో!’ అంటూ వ్యంగ్యాస్త్రాలు విసిరారు. ‘చిన్న పిల్లలపై లాఠీఛార్జ్ చేయడమేనా మీ ప్రతాపం? విద్యార్థులపై టియర్ గ్యాస్ ప్రయోగిస్తున్న వీళ్లు మనుషులు కాదు, రాక్షసులు!’ అని రేణుకా చౌదరి ఆగ్రహం వ్యక్తం చేశారు.

Also Read: ఇన్‌స్టాగ్రామ్ లవ్ డ్రామా.. 14 ఏళ్ల చిన్నారిపై లైంగిక దాడి.. కోర్టు సంచలన తీర్పు!

మౌనంగా వెళ్ళిపోయిన కేంద్రమంత్రి..

రేణుకా చౌదరి ఇన్ని తీవ్ర వ్యాఖ్యలు చేస్తున్నా, పక్కనే ఉన్న కేంద్ర మంత్రి ధర్మేంద్ర ప్రధాన్ మాత్రం వాటిని ఏమాత్రం పట్టించుకోనట్లు వ్యవహరించారు. ఆమె మాటలకు ఎలాంటి సమాధానం ఇవ్వకుండా, నిశ్శబ్దంగా తన మొబైల్ ఫోన్ చూసుకుంటూ అక్కడి నుంచి వెళ్లిపోయారు.

సమాజంలో కీలకమైన రైతులు, విద్యార్థుల సమస్యలపై మాట్లాడేటప్పుడు ప్రభుత్వం బాధ్యతారాహిత్యంగా వ్యవహరిస్తోందని చెప్పడానికి ఈ ఘటనే ప్రత్యక్ష నిదర్శనమని కాంగ్రెస్ వర్గాలు విమర్శిస్తుంటే, కావాలనే వివాదాలు సృష్టించేందుకే ప్రతిపక్షాలు ఇలాంటి వ్యాఖ్యలు చేస్తున్నాయని అధికార పక్ష నేతలు భావిస్తున్నారు. ఏది ఏమైనా, పార్లమెంట్ ప్రాంగణంలో జరిగిన ఈ ముఖాముఖి దృశ్యాలు ప్రస్తుతం రాజకీయ వర్గాల్లో హాట్ టాపిక్‌గా మారాయి.

ధర్మేంద్ర ప్రధాన్ ఎదుటే కేంద్రం తీరుపై రేణుకాచౌదరి ఫైర్

పార్లమెంట్ బయట కేంద్రమంత్రి ధర్మేంద్ర ప్రధాన్ ఎదుటే కాంగ్రెస్ ఎంపీ రేణుకా చౌదరి తీవ్ర ఆరోపణలు చేశారు. జంతర్‌మంతర్‌లో విద్యార్థులు, రైతులపై లాఠీఛార్జ్ చేయడంపై మండిపడుతూ.. ఇది 'యూస్‌లెస్ గవర్నమెంట్' అని విమర్శించారు. కాగా,… pic.twitter.com/MUDUBEAFCL

— BIG TV Breaking News (@bigtvtelugu) July 21, 2026