Kochi Helicopter Crash : కొచ్చి నావికా కేంద్రంలో శనివారం చేతక్ హెలికాప్టర్ కుప్పకూలడంతో నౌకాదళ అధికారి ఒకరు మృతి చెందారు. చాపర్ రోటర్ బ్లేడ్లు తగలడంతో రన్వేపై ఉన్న నౌకాదళ అధికారి మృతి చెందినట్లు నేవీ అధికారులు తెలిపారు. సౌత్ నేవల్ కమాండ్ హెడ్ క్వార్టర్స్లోని ఐఎన్ఎస్ గరుడ రన్వేపై శనివారం మధ్యాహ్నం 2.30 గంటల ప్రాంతంలో ప్రమాదం జరిగిందని అధికారులు తెలిపారు.
మృతుడు మధ్యప్రదేశ్కు చెందిన గ్రౌండ్ స్టాఫ్ యోగేంద్ర సింగ్గా గుర్తించారు. ప్రమాదంపై దక్షిణ నావికాదళం విచారణకు ఆదేశించింది. నేవీ చీఫ్ అడ్మిరల్ ఆర్.హరికుమార్ యోగేంద్ర సింగ్ మృతికి సంతాపం ప్రకటించారు.
ఐఎన్ఎస్ గరుడ.. ఐఎన్ఎస్ వెందురుతి, సదరన్ నేవల్ కమాండ్ ప్రధాన కార్యాలయం పక్కనే ఉంది. ఐఎన్ఎస్ గరుడ ఒక ప్రధాన నౌకాదళ వైమానిక శిక్షణా కేంద్రం, కార్యాచరణ స్థావరం. ఐఎన్ఎస్ గరుడలో రెండు ఇంటర్సెక్టింగ్ రన్వేలు ఉన్నాయి. దాదాపు అన్ని ఆపరేషనల్ ఎయిర్క్రాఫ్ట్లను ల్యాండ్ చేయడానికి, టేకాఫ్ చేయడానికి అనుమతిస్తుంది. ఐఎన్ఎస్ గరుడ భారత నౌకాదళానికి వ్యూహాత్మక ఆపరేటింగ్ స్టేషన్.
Share
TDP-JANASENA : వైఎస్ఆర్సీపీని గద్దె దించడమే లక్ష్యం.. చంద్రబాబుతో పవన్ భేటీ..
ICC World Cup 2023 : ఇంగ్లండ్ కథ కంచికే.. ఆస్ట్రేలియాతో పోరాడినా దక్కని ఫలితం!
