మహానగరంలో విషాదం.. భారీ వర్షాలకు కూలిన భవనం.. స్పాట్‌లో ఆరుగురు మృతి!

Mumbai Collapse: ముంబై మహానగరాన్ని భారీ వర్షాలు అతలాకుతలం చేస్తున్నాయి. ఎడతెరిపి లేకుండా కురుస్తున్న వానల ధాటికి నగరంలో విషాదకర ఘటనలు చోటుచేసుకుంటున్నాయి. తాజాగా ముంబైలోని మంఖుర్డ్, జనతా నగర్ ప్రాంతంలో శనివారం రాత్రి ఊహించని ప్రమాదం సంభవించింది. ఇక్కడి ఓ మూడు అంతస్తుల భవనం ఒక్కసారిగా కుప్పకూలిపోయింది. రాత్రి 8.30 గంటల సమయంలో ఒక్కసారిగా పెద్ద శబ్దంతో భవనంలోని ఒక భాగం కూలిపోవడంతో స్థానికులు తీవ్ర భయాందోళనలకు గురయ్యారు.

అయితే ఈ ప్రమాదం పక్కనే ఉన్న రెండు, మూడు ఇళ్లపై తీవ్ర ప్రభావం చూపింది. భవనం శిథిలాలు పక్క ఇళ్లపై పడటంతో అవి పూర్తిగా దెబ్బతిన్నాయి. ఈ ఊహించని దారుణంలో నలుగురు మహిళలతో సహా కనీసం ఆరుగురు అక్కడికక్కడే ప్రాణాలు కోల్పోయారు. మరో వ్యక్తి తీవ్రంగా గాయపడ్డారు. గాయపడిన బాధితుడిని వెంటనే సమీపంలోని ఆసుపత్రికి తరలించి అత్యవసర చికిత్స అందిస్తున్నారు.

అలాగే ప్రమాదం జరిగిన వెంటనే స్థానికులు పోలీసులకు, విపత్తు నిర్వహణ బృందాలకు సమాచారం అందించారు. సమాచారం అందుకున్న సహాయక సిబ్బంది, అగ్నిమాపక దళం యుద్ధప్రాతిపదికన రంగంలోకి దిగాయి. శిథిలాల కింద చిక్కుకున్న వారిని రక్షించేందుకు రాత్రి వేళ కూడా ముమ్మరంగా సహాయక చర్యలు చేపట్టారు. శిథిలాలను తొలగించి మృతదేహాలను బయటకు తీశారు. ప్రస్తుతం అక్కడ సహాయక చర్యలు ముగిసినప్పటికీ, ఆ ప్రాంతంలో విషాద ఛాయలు అలముకున్నాయి.

ముంబైలో ప్రతి ఏటా వర్షాకాలంలో ఇలాంటి పాత భవనాలు కూలిపోవడం సాధారణంగా మారుతోంది. మున్సిపల్ అధికారులు ముందే హెచ్చరికలు జారీ చేస్తున్నప్పటికీ, నిరుపేదలు నివసించే భవనాలు, పాత నిర్మాణాల విషయంలో సరైన జాగ్రత్తలు తీసుకోకపోవడం వల్లే ఇలాంటి ప్రాణనష్టం జరుగుతోందని స్థానికులు ఆవేదన వ్యక్తం చేస్తున్నారు. భారీ వర్షాల నేపథ్యంలో ప్రజలంతా అప్రమత్తంగా ఉండాలని, బలహీనంగా ఉన్న నిర్మాణాల్లో ఉండేవారు సురక్షిత ప్రాంతాలకు వెళ్లాలని అధికారులు విజ్ఞప్తి చేస్తున్నారు.

Also Read: తెలంగాణ నిరుద్యోగులకు గుడ్ న్యూస్.. పోలీస్ ఉద్యోగాల భర్తీకి సీఎం రేవంత్ గ్రీన్ సిగ్నల్!

భారీ వర్షాలు.. ఆరుగురు మృతి

ముంబైలోని మంఖుర్డ్, జనతా నగర్ ప్రాంతంలో శనివారం రాత్రి 8.30 గంటల సమయంలో మూడు అంతస్తుల చాల్‌లోని ఒక భాగం కూలిపోయింది. ఈ ప్రమాదంలో రెండు మూడు ఇళ్లు దెబ్బతినడంతో, నలుగురు మహిళలతో సహా కనీసం ఆరుగురు మరణించారు, ఒకరు గాయపడ్డారు. సమాచారం అందుకున్న సహాయక… pic.twitter.com/gaWp6BCrZw

— ChotaNews App (@ChotaNewsApp) July 6, 2026