LPG Cylinder Booking: వంట గ్యాస్‌పై మరో పిడుగు.. బుకింగ్ గడువు రోజులను మరింత పెంచిన కేంద్రం

LPG Cylinder Booking: మిడిల్ ఈస్ట్ లో యుద్ధం ప్రభావం భారత్ పై పడుతుంది. ముఖ్యంగా పెట్రోల్, డీజిల్, గ్యాస్ లభ్యతపై ఎక్కువ ప్రభావం చూపుతుంది. వంట గ్యాస్ ధరలు పెరుగుతుండడంతో ప్రజలు భారీగా బుకింగ్ చేసుకుంటున్నారు. దీంతో కేంద్ర ఇప్పటికే గ్యాస్ బుకింగ్ 25 గడువు విధించింది. తాజాగా మరో సంచలన నిర్ణయం తీసుకుంది. గ్రామాల్లో వంట గ్యాస్ బుకింగ్ గడువును 25 నుంచి 45 రోజులకు పెంచింది. పట్టణాలు, నగరాల్లో గ్యాస్ బుకింగ్ గడువును 25 రోజులుగా నిర్ణయించింది.

వినియోగదారుల్లో ఆందోళన

మిడిల్ ఈస్ట్ లో రాజకీయ ఉద్రిక్తతల కారణంగా భారత్ లో ఎల్పీజీ సిలిండర్ల కొరత వస్తుందని ఆందోళనలు నెలకొన్నాయి. ఇంధన మార్కెట్లలో అంతరాయాలు కారణంగా దేశంలో వంటి గ్యాస్ సరఫరాను ప్రభావితం చేస్తాయని వినియోగదారులు ఆందోళన చెందుతున్నారు. అయితే, ఎల్పీజీ సిలిండర్ల కొరత లేదని, గ్యాస్ సరఫరాలో గృహ వినియోగదారులకు ప్రాధాన్యత ఇస్తున్నామని కేంద్ర ప్రభుత్వం హామీ ఇచ్చింది. ఎల్పీజీ సరఫరాపై ప్రజలు భయపడవద్దని కోరింది. అదనపు సిలిండర్లను బుక్ చేసుకోవడానికి తొందరపడవద్దని సూచించింది.

హోటళ్లు బంద్

ఇరాన్ యుద్ధం కారణంగా వంట గ్యాస్ కొరతపై పుకార్లు చెలరేగాయి. ఇప్పటికే కమర్షియల్ గ్యాస్ సరఫరా తగ్గడంతో హోటళ్లు బంద్ అయ్యాయి. ఈ సమస్యలను పరిష్కరించడానికి కేంద్రం రంగంలోకి దిగింది. దేశవ్యాప్తంగా LPG సరఫరా స్థిరంగా ఉందని ప్రభుత్వం స్పష్టం చేసింది. ఏవైనా సరఫరా సమస్యలు తలెత్తితే కమర్షియల్ వినియోగదారుల కంటే వంట గ్యాస్ వినియోగదారులకు ప్రాధాన్యత ఇస్తామని అధికారులు తెలిపారు.

45 రోజులకు పెంపు

ఇందులో భాగంగా ముందుగా LPG బుకింగ్ పై 21 రోజుల గడువు విధించింది. ఆ తర్వాత రీఫిల్ సిలిండర్‌ను బుకింగ్ ను 25 రోజులకు పెంచింది. తాజాగా గ్యాస్ సిలిండర్ బుకింగ్ గడువును గ్రామీణ ప్రాంతాల్లో 45 రోజులకు పెంచినట్లు కేంద్రం ప్రకటించింది. ఈ సర్దుబాటు అమల్లో ఉన్నప్పటికీ, వంట గ్యాస్ సిలిండర్లను అంతరాయం లేకుండా సరఫరా చేస్తామని అధికారులు తెలిపారు.

అదనపు డబ్బులు డిమాండ్ చేస్తే

ఎల్పీజీ గ్యాస్ సిలిండర్ కోసం జనం క్యూ కట్టండంతో డీలర్లు అదనపు డబ్బు డిమాండ్ చేస్తున్నారని ఫిర్యాదు అందుతున్నాయి. ఎవరైనా అదనపు డబ్బు డిమాండ్ చేసిన, బుకింగ్ చేసిన సిలిండర్ డెలివరీకి నిరాకరించినా LPG ప్రొవైడర్ అధికారిక హెల్ప్‌లైన్‌ కు ఫిర్యాదు చేయవచ్చు. బ్లాక్ మార్కెట్ విక్రయాలకు పాల్పడే డీలర్లపై అధికారులు చర్యలు తీసుకుంటారని కేంద్రం తెలిపింది.