Less Air Pollution : ఢిల్లీ మరోసారి డేంజరస్ నగరంగా మారింది. గాలి నాణ్యత తీవ్రంగా క్షీణించింది. మరి వాయు కాలుష్యం చాలా తక్కువగా ఉన్న ప్రాంతాలేవో చూద్దామా? పచ్చటి పరిసరాలు, ప్రకృతి అందాలే కాదు.. హిమాచల్ప్రదేశ్ రాజధాని సిమ్లాలో గాలి ఎంతో స్వచ్ఛత, నాణ్యతతో ఉంటుంది. కాలుష్యం బెడద ఉండదు.
కేరళలోని మున్నార్ హిల్ స్టేషన్ టీ ప్లాంటేషన్లకు ప్రసిద్ధి. స్వచ్ఛమైన కొండ గాలికి కొదవ లేదు. ప్రకృతి ప్రేమికులకు బెస్ట్ ప్లేస్. బీచ్లతో పాటు సేదతీరే వాతావరణం గోవాలో లభిస్తుంది. కాలుష్యరహిత తీరంలో చల్లటి సముద్రగాలి, స్వచ్ఛమైన గాలి పుష్కలం.
తూర్పు హిమాలయాల్లో ఒదిగిన డార్జిలింగ్ తేయాకు తోటలకు, చల్లటి వాతావరణానికి చిరునామా. స్వచ్ఛమైన కొండగాలితో పట్టణ కాలుష్యం దూరం. గంగానది తీరాన ఉన్న రిషికేష్ సాహస క్రీడలకు, యోగాకు పెట్టింది పేరు. ఆధ్యాత్మిక పరిసరాలు, శుద్ధమైన గాలితో కాలుష్యం పెద్దగా కనిపించదు.
హిమాచల్ప్రదేశ్లోని మనాలి, తమిళనాడులోని ఊటీ హిల్ స్టేషన్ల సంగతి చెప్పనక్కర్లేదు. ఈ ప్రాంతాల్లో పొల్యూషన్ కనిపించదు. పుదుచ్చేరి, పూరి(ఒడిసా), ఐజ్వాల్(మిజోరం)లలో కూడా కాలుష్యం తక్కువే. నాణ్యతతో కూడిన గాలి లభిస్తుంది.
Share
Russia-Ukraine war : ఒడెసాపై రష్యా దాడి.. దెబ్బతిన్న 124 ఏళ్లనాటి ఆర్ట్స్ మ్యూజియం..
Indian Actress : హాలీవుడ్నూ మెప్పించిన మన తారలు
